Author: Senior Editor Nima

काठमाडौं । सर्वोच्च अदालतले सिंहदरबारभित्र सीसीटीभी क्यामेराले कैद गरेका डेटाहरू सुरक्षित नरहेको अनुमानसमेत गर्न नसकिने बताएको छ ।  कानुन व्यवसायीहरू बाबुराम अर्याल, सरोजकृष्ण घिमिरेसहितले दर्ता गराएको रिटमा शुक्रबार सुनुवाइ गर्दै न्यायाधीश कुमार रेग्मीको एकल इजलासले देशको केन्द्रीय प्रमुख प्रशासकीय परिसरभित्र सीसीटीभी क्यामेराले कैद गरेका डेटाहरू सुरक्षित राखेका छैनन् भन्ने अनुमानसमेत गर्न नसकिने बताएको हो । सर्वोच्चले तत्काल अन्तरिम आदेश जारी गरिरहन नपर्ने पनि बताएको छ । "अर्थ मन्त्रालय तथा अन्य मन्त्रालयसमेत रहेको सिंहदरबार परिसरभित्रको सुरक्षा संवेदनशील सीसीटीभी क्यामेरा तथा त्यस क्यामेरामा कैद भएका सम्बन्धित डेटाहरू नमेटिने गरी सुरक्षित तबरले संचय गरी राख्नू भनी अन्तरिम आदेश माग भई आएको सन्दर्भमा विचार गर्दा सिंहदरबार देशको केन्द्रीय प्रमुख प...

काठमाडौं । नेपाल मजदुर किसान पार्टी (नेमकिपा) ले उपसभामुख पदमा मतदान नगर्ने भएको छ । आजको प्रतिनिधिसभा बैठकमा सांसद प्रेम सुवालले मतदान नगर्ने पार्टीको निर्णय भएको बताए ।  उपसभामुखका लागि गठबन्धनको तर्फबाट पुष्पा भुसाल र नेकपा एमालेका तर्फबाट विद्या भट्टराई उमेदवार छन् ।

सांसद लक्ष्मणलाल कर्ण बिहीबार प्रतिनिधिसभा बैठकमा ‘नेपाल नागरिकता (पहिलो संशोधन) विधेयक–२०७९’ माथिको दफावार छलफलमा भाग लिँदै । काठमाडौं । लोकतान्त्रिक समाजवादी पार्टी नेपालका सांसद लक्ष्मणलाल कर्णले नागरिकता सम्बन्धी विधेयकलाई अविलम्ब संसदबाट पारित गर्नुपर्ने बताएका छन् ।  सांसद कर्णले अब पनि संसदीय समितिमा लगेर ‘नागरिकताविहीन नागरिकलाई रुवाउने’ काम गर्न नहुने बताए ।  बिहीबार प्रतिनिधिसभा बैठकमा ‘नेपाल नागरिकता (पहिलो संशोधन) विधेयक–२०७९’ माथिको दफावार छलफलमा भाग लिँदै उनले नागरिकताविहीन नागरिकको अवस्थाबारे विचार गरेर सो विधेयकलाई यही संसदबाट तत्काल पारित गर्न पनि सबै सांसदहरूलाई आग्रह गरे ।  सांसद कर्णले अढाई वर्ष संघीय संसदको राज्य व्यवस्था तथा सुशासन समितिमा छलफल गरिएको सो विधेयक अझै पनि पारित नभए करिब ६ लाख नागरिकताविहीन नेपाली नागरिकले के भन्लान् भ...

काठमाडौं । प्रधानमन्त्रीसमेत रहेका नेपाली कांग्रेसका सभापति शेरबहादुर देउवाले अहिले प्रहरीलाई कुनै पनि हालतमा हतियार नकिन्ने बताएका छन् । उनले आफूले यस विषयमा गृह मन्त्रीलाई समेत निर्देशन दिने बताएका थिए । केन्द्रीय समितिको जारी बैठकमा गोपालमान श्रेष्ठ र अर्जुननरसिंह केसीले प्रहरीलाई किन्न लागेको हतियारका बारेमा प्रश्न उठाएका थिए । “प्रहरीलाई हतियार किनिँदैन । अहिले आवश्यक पनि छैन । त्यो निर्णय होइन । त्यो हतियार अहिले किन्दैनौं,” सभापति देउवाले भनेका थिए । प्रहरीलाई हतियार किन्न भन्दै यसअघि बजेट रकमान्तर गरिएको थियो । प्रहरीका लागि एकहजार थान ९ एमएम पिस्तोल, त्यसको लागि गोली १० लाख ३० हजार राउन्ड, बाह्रबोर सटगन ११५० वटा त्यसमा लाग्ने छर्रा २ लाख र रबरका गोली ३ लाख वटा र अश्रु ग्यासका २५ हजार सेल हतियार खरिदका लागि रकमान्तर गरिएको थियो । ...

काठमाडौं । नेपाली कांग्रेसका केन्द्रीय सदस्य दिनेश कोइरालाले पार्टीलाई युग अनुसारको बनाउनुपर्ने बताएका छन् । जारी केन्द्रीय कार्यसमितिको बैठकमा उनले विगतका गल्तिबाट पाठ सिकेर अघि बढ्नुपर्ने बताए ।  “नेपाली कांग्रेसलाई युगअनुसारको पार्टी बनाउनुपर्छ । कांग्रेसले अतितको गौरव, अनुभव र उपलब्धिहरूमा टेकेर अगाडि बढ्नुपर्छ । अतितका गल्तीहरूबाट पाठ सिक्नुपर्छ । कांग्रेसले वर्तमानको जगमा भविष्यलाई लक्षित गरेर नीति, रणनीति तथा कार्यक्रम बनाउनुपर्छ,”  देशको विकासको गति पनि नपुगेको बताउँदै उनले अब टालुटुले नीतिमा भरमा देश नचल्ने बताए । “अब टालटुले, कामचलाउ र अल्पकालीन नीतिका भरमा अगाडि बढ्न सक्दैन । देशलाई आमूल परिवर्तन गर्न अब नेपालमा रक्तपातविहीन गौरवमय क्रान्ति आवश्यक छ । देशले रक्तरञ्जित क्रान्ति धेरै देख्यो,” उनले भनेका छन्, “अब रक्तपातपूर्ण क्रान्तिको युग सकिएको छ, अब ज...

काठमाडाैं । नेपाली कांग्रेसका नेता कृष्णप्रसाद सिटौला गठबन्धनकाे बारेमा अहिले नै टुंगाे लगाउन आवश्यक नभएकाे बताएका छन् ।  कांग्रेसकाे जारी केन्द्रीय समिति बैठकमा नेता सिटाैलाले भने, "गठबन्धन यसरी गर्नुपर्छ भन्ने अहिले टुंगो लगाउन आवश्यक छैन, देश जता जान्छ त्यतै जाने हो, धेरै साथीहरूले गठबन्धन गरौँ नगरौँ भन्नु भयो । तर, त्यो परिस्थितिले भन्ने कुरा हो ।" अहिले गठबन्धनका कारण केन्द्र, प्रदेश र स्थानीय तहमा कांग्रेसको सरकार बनेकाे र जनताका कुरा सुनिन थालेको उनकाे भनाइ छ । "कांग्रेस जनको मनोबल बढेको छ । निर्वाचन सम्म देशको परिस्थिति कस्तो हुन्छ त्यो एउटा कुरा हो । अहिले कसैले पनि गठबन्धन गरौँ भनेर प्रस्ताव गरेको छैन, छलफल भएको छैन । त्यसकारण गठबन्धन यता पनि हुन सक्छ उता पनि हुन सक्छ," उनले थपे । "स्थानीय चुनावमा वाम गठबन्धन भएको भए हा...

काठमाडौं । नेपाली कांग्रेसका नेता सुनील थापाले राप्रपा परित्याग गरेर आफूसँगै आएका नेताहरूले जिम्मेवारी नपाएको गुनासो गरेका छन् ।  जारी केन्द्रीय कार्यसमितिको बैठकमा उनले नेताहरूलाई भूमिका दिन आग्रह गरेका हुन् ।  “राप्रपाबाट त्यत्रो पद र हैसियत छोडेर धेरै साथीहरू आउनुभयो , मेरो विश्वासमा आउनुभयो । तर, अहिले उहाँहरूलाई खै भूमिका ? भूमिका दिनुपर्दैन ?,” उनको प्रश्न छ ।   उनले स्थानीय तह निर्वाचनमा प्राविधिक त्रुटिका कारण पराजित भएको पनि बताए ।  “नेपाली कांग्रेसले स्थानीय तहमा धेरै सिट जित्थ्यो तर हामीले केही प्राविधिक त्रुटिका कारण हार्‍यौँ, हाम्रो दोष छैन मतपत्र जसरी छापियो त्यो अन्तर्राष्ट्रिय मान्यताविपरीत छ,” उनले भने, “नेपाली कांग्रेसले चुनावमा हार्नुको कारण निर्वाचन आयोगको गतिविधि पनि हो । उमेदवारनै नभएको ठाउँमा पार्टीको चुनाव चिह्न के का ल...

काठमाडौं । तत्कालीन अर्थमन्त्री जनार्दन शर्मा प्रकरणमा सत्यतथ्य पत्ता लगाउन गठित संसदीय छानबिन विशेष समितिको सदस्य हेरफेर गरिएको छ ।  प्रतिनिधि सभाको बिहीबारको बैठकमा सभामुख अग्नीप्रसाद सापकोटाले समितिका सदस्य पुष्पा भुसालको ठाउँमा मानबहादुर विश्वकर्मालाई राख्न गरेको प्रस्तावमा सहमति जुटेको हो । समितिमा अब नेपाली कांग्रेसको तर्फबाट सांसद भुसालको ठाउँमा विश्वकर्मा रहनेछन् । "प्रतिनिधिसभा नियमावली २०७५ को नियम १७७ बमोजिम गठित संसदीय छानबिन विशेष समितिमा माननीय पुष्पा भुसाल गौतमको स्थानमा माननीय मानबहादुर विश्वकर्माको नाम रहने गरी हेरफेर गर्न सभाको सहमतिका लागि प्रस्ताव गर्दछु । प्रस्तावित हेरफेरलाई सहमति जनाइदिनहुन अनुरोध गर्दछु," उनले प्रस्ताव गरेका थिए । प्रस्तावमा सभाले सहमति जनाएको थियो । कांग्रेस सांसद भुसालले बिहीबार (आजै) प्रतिनिधिसभाको उपसभामुख पद...

पोखरा । ०७५ साल माघ १४ गते सोमबार साँझ सपथ लिँदै सांसद बनेका राजीव गुरुङ (दीपक मनाङे)ले पहिलोपटक प्रदेश सभामा बोलेका छन् । उनीसँगै चुनाव जितेका अरू सांसदले ०७४ माघ ७ गते सपथ लिएर प्रदेश सभाको बैठकमा बोल्न अभ्यस्त भइसक्दा मनाङे चाहिँ सांसदबाट मन्त्री बन्न पुगे । गण्डकी प्रदेशसभामा लगातार तेस्रोपटक मन्त्री बन्ने उनी एकजना मात्रै हुन् । तत्लकाीन नेकपा सरकारमा एकपटक, एमाले सरकारमा एकपटक र गठबन्धनबाट तेस्रोपटक मन्त्रीपदमा रहेका मनाङेले प्रदेश सभा बैठकमा कहिल्यै बोलेनन् । सपथको भोलिपल्ट समयमा नै उपस्थित भएका उनी प्रदेश सभामा बोल्न चाहिँ साढे तीन वर्ष कुर्नपर्‍यो । त्यो पनि मन्त्रालयगत छलफलको क्रममा कुरा उठेपछि जवाफ दिने सन्दर्भमा । पहिलोपटक प्रदेश सभामा बोल्दा उनको हाउभाउ अलिक फरक देखिन्थ्यो । चस्मा झिक्दै  लगाउँदै गरेका थिए । जसोतसो, कुरा दोहोर...

काठमाडौं । सत्तारूढ दल नेपाली कांग्रेसको केन्द्रीय समिति बैठकमा पार्टीबाट प्रतिनिधित्व गर्ने विभागीय मन्त्रीहरूले सरकारले गरेको कामको विषयमा जवाफ दिने भएका छन् ।  बिहीबार बस्ने पार्टी केन्द्रीय समिति बैठकमा विभागीय मन्त्रीहरूले एक वर्षमा गरेका कामहरूको विषयमा जवाफ दिने केन्द्रीय सदस्य रामहरि खतिवडाले जानकारी दिए ।  पार्टीको आजको केन्द्रीय समिति बैठकमा सञ्चारमन्त्री ज्ञानेन्द्रबहादुर कार्कीले सरकारको उपलब्धिहरू प्रस्तुत गरेका थिए । ...