Author: Senior Editor Nima

काठमाडौं । लोकतान्त्रिक समाजवादी पार्टी (लोसपा)सँग नेपाली कांग्रेसले वार्ता थालेको छ । जसपाले गठबन्धन छाडेर एइमालेसँग तालमेल सुरु गरेपछि लोसपालाई गठबन्धनमा ल्याउने सत्ता गठबन्धनले देउवालाई वार्ता र सहमतिको अधिकार सुम्पिएको थियो । सोहीअनुरुप हिजो साँझ बैठक बोलाएका देउवाले आज महामन्त्री गगन थापा र पूर्वमहामन्त्री कृष्ण सिटौलालाई राखेर पुनः वार्ता थालेका हुन् ।  लोसपाले हिजोको बैठकमा संघमा १३ सिट र प्रदेशमा ३० सिट दाबी गरेको थियो । उसले मधेस प्रदेशमा मुख्यमन्त्री पाउने गरी सहमति भए संघमा लचिलो हुने संकेत गरेको छ । कांग्रेसले भने संघमा ८ देखि १० र प्रदेशमा १९ सिट लिएर गठटबन्धनमा सामेल हुन लोसपालाई आग्रह गरेको छ ।  लोसपा नेताहरुले कांग्रेसको प्रस्ताव सकारात्मक भएको प्रतिक्रिया दिएका छन् । उनीहरुले आफ्नो दाबी र गठबन्धनका तर्फबाट आएको प्रस्तावका विषयमा बताउन चाहेका छ...

कुलमानको प्रस्ताव– स्वतन्त्र उमेदवार, गठबन्धनको समर्थन, ओनसरी भन्छिन्– नयाँलाई मौका दिऊँ  काठमाडौं । नेकपा माओवादी केन्द्रले काठमाडौंका तीनवटा निर्वाचन क्षेत्रमा उमेदवारी दिने भएको छ । सत्ता गठबन्धनमा भएको सहमतिअनुसार माओवादी केन्द्रले काठमाडौं २, ७ र ९ मा उमेदवारी दिनेछ । काठमाडौं २ मा अहिले पनि ओनसरी घर्ती कि कुलमान घिसिङ भन्ने छलफल जारी रहेको माओवादी स्रोतले जनाएको छ । माओवादी उच्च स्रोतले दिएको जानकारीअनुसार घिसिङले स्वतन्त्र उमेदवारी दिने, आफ्नो उमेदवारीलाई गठबन्धनले सहयोग गर्नुपर्ने प्रस्ताव राखेका छन् । माओवादीले भने आफ्नै चुनाव चिह्नबाट लड्न भनेको छ । त्यसलाई भने उनले अस्वीकार गरेको स्रोत बताउँछ । माओवादीका एक प्रभावशाली नेता भन्छन्, “काठमाडौं २ मा कुलमान कि ओनसरी भन्ने छलफल जारी छ ।ओनसरीको चाहना नयाँलाई अघि बढाऔँ भन्ने पनि छ । फेरि वर्षमान ...

काठमाडौं । नेकपा (माओवादी केन्द्र)को पदाधिकारी बैठक सुरु भएको छ । बैठक दिउँसो ३ बजे पार्टी केन्द्रीय कार्यालय पेरिसडाँडामा बस्ने भनिएको बैठक साँझ ६ बजे सुरु भएको हो ।   बैठकमा आगामी निर्वाचनका लागि प्रत्यक्षतर्फको उमेदवारबारे छलफल भइरहेको एक पदाधिकारीले जानकारी दिए । उनका अनुसार गठबन्धनमा भइरहेको छलफलबारे पनि प्रचण्डले ‘ब्रिफिङ’ गर्दैछन् ।   मंसिर ४ गते हुने निर्वाचनका लागि असोज २३ गते प्रत्यक्षतर्फको उमेदवारी मनोनयन गर्नुपर्ने निर्वाचन कार्यतालिका छ । गठबन्धनमा सिट बाँडफाँटबारे अझै सहमति हुन सकेको छैन । ...

फाइल तस्बिर : सरेश नेपाल (बायाँ), शेरबहादुर तामाङ (दायाँ) । काठमाडौं । नेकपा (एमाले)ले सिन्धुपाल्चोकका उमेदवार टुंग्याएको छ । प्रतिनिधिसभातर्फ क्षेत्र नम्बर १ मा सरेश नेपाल र क्षेत्र नम्बर २ मा शेरबहादुर तामाङलाई टिकट दिइएको एक नेताले जानकारी दिए ।  ०७४ को निर्वाचनमा क्षेत्र नम्बर १ बाट एमालेसँगको गठबन्धनमा माओवादी केन्द्रका अग्नि सापकोटा निर्वाचित भएका थिए । क्षेत्र नम्बर २ मा स्थायी कमिटी सदस्यसमेत रहेका तामाङ निर्वाचित भएका थिए । ...

काठमाडौं । नेकपा (एमाले)को दशौँ महाधिवेशनका केपी शर्मा ओलीसँग चुनाव लडेका भीम रावल आगामी प्रतिनिधिसभा चुनावमा टिकटबाटै बञ्चित भएका छन् ।  चितवनमा भएको दशौँ महाधिवेशनमा केपी ओलीसँग अध्यक्षमा चुनाव लडेका रावललाई आगामी मंसिर ४ मा हुने प्रतिनिधिसभा निर्वाचनमा एमालेले टिकट नदिएको हो । ०७४ को निर्वाचनमा अछाम क्षेत्र नम्बर १ बाट रावल निर्वाचित भएका थिए । रावल निर्वाचित क्षेत्रमा माओवादीबाट आएका झपड बोहोराले टिकट पाएको एक नेताले बताए ।  “भीम रावलजीले टिकट पाउने काम नै गर्नुभएन । एमालेकै खेदो खनेर बस्नुभयो,” सुदूरपश्चिमबाट प्रतिनिधित्व गर्ने एक नेताले भने, “उहाँले पार्टी केही पनि होइन, सबैथोक म नै हो भन्ने शैली देखाउनुभयो ।” ती नेताले रावल निर्वाचित क्षेत्रमा झपट बोहोराले टिकट पाएको पुष्टि गरे । रावलले भने आफूलाई आधिकारिक जानकारी आइनसकेको बताए ।  टिकट प...

काठमाडौं । लोकतान्त्रिक समाजवादी पार्टी (लोसपा)ले बालुवाटारबाट सकारात्मक प्रस्ताव आएको बताएको छ ।  छलफलका लागि आज प्रधानमन्त्रीको सरकारी निवास बालुवाटारमा पुगेका लोसपा नेता जितेन्द्रप्रसाद सोनारले प्रस्ताव सकारात्मक आएको र गठबन्धन गरेर जाने सम्भावना बढेको प्रतिक्रिया दिए ।  “उहाँबाट सकारात्मक प्रस्ताव आएको छ । हामी गठबन्धन गरेर अघि जाने सम्भावना छ,” उनले भने । बालुवाटारको प्रस्ताव भने उनले बताउन चाहेनन् ।  जनता समाजवादी पार्टी (जसपा) नेकपा (एमाले)सँग तालमेल गर्ने गरी अघि बढेपछि गठबन्धनले लोसपालाई बालुवाटार बोलाएको हो । सोनारसँगै नेताहरु शरदसिंह भण्डारी र अनिल झा बालुवाटार गएका थिए । ...

धनगढी । कैलालीमा आगामी मंसिर ४ गते हुने प्रतिनिधि र प्रदेशसभा निर्वाचनको प्रत्यक्षतर्फ मनोयन दर्ता गर्नका लागि छुट्टाछुट्टै समय निर्धारण गरिएको छ । शुक्रबार कैलालीको निर्वाचन कार्यालय, प्रशासन र सर्वदलीयको बैठकले तालिकाअनुसार मनोनयन दर्ता गर्ने निर्णय गरेको हो ।  कैलालीमा उमेदवारी दर्ता गर्नका लागि राष्ट्रिय स्वतन्त्र पार्टीले बिहान १० बजेदेखि ११ बजेसम्म, लोकतान्त्रिक समाजवादी पार्टीले बिहान ११ देखि १२ बजेसम्म र नेकपा (एमाले)ले दिउँसो १ बजेदेखि २ बजेसम्मका लागि समय पाएको छ ।  यस्तै, राष्ट्रिय प्रजातन्त्र पार्टी र नागरिक उन्मुक्ति पार्टीको दिउँसो २ देखि ३ बजेसम्म, नेपाल लोकतान्त्रिक पार्टी ३ देखि ४ बजेसम्म तथा नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी)को गठबन्धनका उमेदवारले साँझ ४ देखि ५ बजेसम्म उमेदवारी दर्ता गर्ने समय तालिका रहेको निर्...

काठमाडौं । राष्ट्रिय स्वतन्त्र पार्टीका सभापति रवि लामिछाने चितवन–३ वा काठमाडौं–३ मध्ये एउटा क्षेत्रमा चुनाव लड्ने भएका छन् । निर्वाचन कार्यतालिका अनुसार मनोनयन दर्ताका लागि दुई दिन मात्र बाँकी रहँदा राष्ट्रिय स्वतन्त्र पार्टीले लामिछानेको निर्वाचन क्षेत्र छानिसकेको छैन ।  “बढी सम्भावना चितवन–३ को छ । तर, अहिलेसम्म निर्णय भइसकेको छैन,” केन्द्रीय सदस्य दीपक बोहराले भने, “भोलि (शनिबार) सम्म निर्णय गरिसक्छौँ । त्यसपछि जानकारी गराउने नै छौँ ।” यसअघि बोहोराले लामिछानेसँगको फोटो राखेर फेसबुक स्टाटस लेख्दै सभापतिले अन्य पदाधिकारीसँग भन्दा अर्को पार्टीको प्रमुखसँगै चुनाव लड्न सक्ने बताएका थिए ।  “सभापतिजस्तो मान्छे फुच्चे फुच्चेसँग चुनाव के लड्नु, शास्त्रमा पनि भनिएको छ । सेनापतिले सेनापतिसँगै युद्ध गर्ने छ, उसले पदिकमाथि प्रहार गर्ने छैन,” बोहोराले फेसबुकमा...

काठमाडौँ — आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसूचीबाट विभिन्न दलका २९ उम्मेदवारले नाम फिर्ता लिएका छन् । यही असोज १६ गतेसम्म संशोधन पेस गर्न दिइएको समयमा सो बन्दसूचीमा सूचीकृत कुनै उम्मेदवारले आफ्नो नाम उम्मेदवारको बन्दसूचीबाट फिर्ता लिन चाहेमा असोज १७ गते बिहान १० देखि १२ बजेसम्म निवेदन दिन सकिने भनिएको थियो । उक्त प्रणालीका लागि निर्वाचन आयोगद्वारा तोकिएका प्रवक्ता गुरुप्रसाद वाग्लेका अनुसार प्रतिनिधिसभातर्फ नौ र प्रदेशसभातर्फ २० उम्मेदवारले नाम फिर्ता लिएका छन् । फिर्ता लिनेमा दुवै तहमा गरी नेपाली कांग्रेसका नौ, नेकपा (माओवादी केन्द्र)का दुई, जनता समाजवादी पार्टीका पाँच, एकीकृत समाजवादी र जनता समाजवादीका पाँच, नागरिक उन्मुक्ति पार्टीका एक, पुनःजागरण पार्टीका एक र राष्ट्रिय नागरिक पार्टीका पाँच जना रहेका छन् । उम्म...

काठमाडौं । नेपाली कांग्रेसको शेखर कोइराला समूहले आफूहरूलाई प्रत्यक्षतर्फ ४० प्रतिशत सिट दिनुपर्ने निष्कर्ष निकालेको छ । आज शीर्ष नेताको उपस्थितिबिना बसेको बैठकले आफूहरूलाई सम्मानजनक सिट दिनुपर्ने निष्कर्ष निकालेको हो । संस्थापन पक्ष एक्लौटी रूपमा गए कांग्रेसले ठूलो संकटको सामना गर्नुपर्ने बैठकमा सहभागी नेताहरूको भनाइ छ ।  "हामीले प्रतिशतको कुरा गर्न चाहेका होइनौँ । गएको स्थानीय निर्वाचनमा हामीले आवश्यकता र औचित्यका आधारमा गुट, उपगुट नभनेर प्रभावशाली मान्छेलाई टिकट दिनुपर्छ भन्यौँ । तर, हाम्रो कुरा मानिएन । त्यसैले अहिले हामीले ४० प्रतिशत चाहिन्छ भनेका हौँ," बैठकमा सहभागी एक नेताले भने । उनीहरूले आफूहरूको भेलालाई नेतृत्वले गम्भीर रूपमा नलिए परिणाम राम्रो नआउने चेतावनी दिएका छन् । गएको महाधिवेशनमा शेखर कोइरालालाई समर्थन गरेकै कारण पार्टी नेतृत्वल...