राजनीति

काठमाडौं । नेकपा (एमाले)का नेता भीम रावलले आफूमाथि अन्याय भएकाले सार्वजनिक रूपमा बोलेको बताएका छन् । बिहीबार सामाजिक सञ्जालमार्फत रावलले आफूसँग छलफल नै नगरी आफ्नो उमेदवारी रोकिएकाले आफूले सार्वजनिक मञ्चमा बोलिरहेको बताएका छन् । साथै उनले कतिपयले आफूलाई नबोल्न भनेको पनि बताएका छन् । "प्रतिनिधिसभाको उमेदवारी रोकिएको सन्दर्भमा मैले सार्वजनिक रूपमा बोल्न नहुने भनी तर्क गरिएको सुनियो । मेरो उमेदवारी सार्वजनिक रूपमा नरोकेर पार्टी भित्रै मसँग छलफल नगरेको किन त ?, रावलले प्रश्न गरेका छन् । उनले चिनियाँ साहित्यकारको भनाइलाई उद्धृत गर्दै अन्यायविरुद्ध आफूलाई नबोल्न भनिएको बताएका छन् । रावलले भनेका छन्, "यस प्रसंगमा चिनियाँ क्रान्तिकालका प्रसिद्ध साहित्यकार लू शुनको यो भनाइ सान्दर्भिक छ : बिरालोले मुसा समातेपछि पीडाले मुसो चिच्याउँदा बिरालोले यो त्यत्तिकै किन चिच्याएक...

बुटवल । गृहमन्त्री बालकृष्ण खाँणले सीमा क्षेत्रका बासिन्दाले नै नेपाली भूमिको रक्षा गरेको बताएका छन् । नेपालको एक इन्च भूमि पनि दायाँबायाँ हुन दिनु हुन्न भन्दै उनले सीमा क्षेत्रमा बसेर भूमि जोगाउन लागिपरेका नेपाली नै राष्ट्र र राष्ट्रियताको सच्चा पहरेदार रहेको उल्लेख गरे । बिहीबार रुपन्देहीमा आयोजित एक कार्यक्रममा उनले अहिले धेरै व्यक्तिले आफूलाई राष्ट्रवादी देखाउने कोसिस गरिरहेको टिप्प्णी गरे । सबैभन्दा बढी राष्ट्रवादी सीमा क्षेत्रमा बस्ने नेपाली भएको उनको भनाइ छ । “मुलुकको सिमानामा स्थायी बसोबास भएका, आफूहरूको घर, आँगन, जग्गा, कुलो भनेर दिनरात सीमाको रक्षा गर्ने स्थानीय सच्चा राष्ट्रवादी हुन् भन्ने मेरो र सरकारको ठम्याइ हो,” उनले भने । गृहमन्त्री खाँणले सीमा क्षेत्रमा बसोबास गर्ने नेपालीका समस्या समाधान गर्न सरकार लागिपरेको पनि बताए । ...

काठमाडौं । सत्तारुढ दल नेपाली कांग्रेसको भ्रातृ संस्था नेपाल लोकतन्त्रवादी आदिवासी जनजाति महासंघले गठबन्धनका उमेदवार विजयी गराउन परिचालन समिति गठन गरेको छ ।  संघको बैठकले अध्यक्ष ओमबहादुर घर्तीमगरको संयोजकत्वमा १०१ सदस्य रहेको केन्द्रीय निर्वाचन परिचालन समिति र केन्द्रीय सदस्य जगत बरामको संयोजकत्वमा ५१ सदस्य रहेको केन्द्रीय निर्वाचन प्रचार प्रसार समिति गठन गरेको छ ।  साथै, संघले प्रदेशस्तरीय निर्वाचन परिचालन समिति गठन गर्दै जिम्मेवारी तोकिएको विज्ञप्तिमार्फत संघले जानकारी दिएको छ । ...

काठमाडौँ — निर्वाचन आयोगले निर्वाचन आचारसंहिता उल्लंघन गर्नेलाई तत्काल कारबाही गर्न प्रमुख जिल्ला अधिकारीहरूलाई निर्देशन दिएको छ । गृह मन्त्रालयमा देशभरका प्रमुख जिल्ला अधिकारीहरूसँग सोमबार बसेको भर्चुअल बैठकमा निर्वाचन आयोगका आयुक्त रामप्रसाद भण्डारीले आचारसंहिता उल्लंघन गरेको पाइए तत्काल कारबाही गर्न निर्देशन दिएका हुन् । केन्द्रीय निर्वाचन आचारसंहिता अनुगमन समितिका संयोजकसमेत रहेका आयुक्त भण्डारीले आचारसंहिता उल्लंघनको प्रमाण भेटिए तत्काल नियन्त्रणमा लिन कञ्जुस्याइँ नगर्न पनि आग्रह गरे । उनले मुख्य निर्वाचन अधिकृत व्यस्त भएको अवस्थामा उनको क्षेत्राधिकार प्रमुख जिल्ला अधिकारीले प्रयोग गर्न सक्ने भन्दै आचारसंहिता तर्जुमा गर्दा प्रमुख जिल्ला अधिकारीहरूको भूमिकालाई स्पष्ट रुपमा उल्लेख गरिएको बताए । उनले भने‚ ‘प्रमुख जिल्ला अधिकारीज्यूहरूको टड्कारो भूमिका नदे...

काठमाडौं । नेपाली कांग्रेसले आफ्ना बागी उमेदवारहरुलाई कात्तिक ४ गतेसम्मको समय दिएर उमेदवारी फिर्ताको सार्वजनिक घोषणा गरे कारबाही फुकुवा गर्ने जनाएको छ । एक विज्ञप्ति जारी गर्दै कांग्रेसले यस्तो जनाएको हो । “यही २०७९ मंसिर ४ गते हुन गइरहेको प्रतिनिधि सभा/प्रदेश सभा सदस्य पदको निर्वाचनमा गठबन्धन दलहरु बीच सहमति भई बनेका नेपाली कांग्रेसका आधिकारिक उम्मेदवार एवं गठबन्धन दल बीच सहमती भई बनेका गठबन्धन दलका आधिकारिक उम्मेदवार विरुद्ध विद्रोही उम्मेदवारी दिई तोकिएको मिति र समय (२०७९ असोज २६ गते विहान १० बजेदेखि अपरान्ह १ बजे) भित्र आफ्नो उम्मेदवारी फिर्ता नलिएका त्यस्ता विद्रोही उम्मेदवार तथा तिनका प्रस्तावक र समर्थकलाई नेपाली कांग्रेसको विधान, २०१७ (संशोधन सहित) बमोजिम नेपाली कांग्रेसको सदस्यता समेत नरहने गरी ५ वर्षका लागि निष्काशन गरिएको विषयमा पुनः ध्यानाकर्षण गराउँदै,”...

काठमाडौँ — सत्तारुढ दल नेपाली कांग्रेसले आसन्न निर्वाचनका लागि निर्वाचन आयोगले जारी गरेको आचारसंहिताका कतिपय बुँदाहरू यथार्थपरक र व्यावहारिक नभएको जनाएको छ । कांग्रेस प्रवक्ता प्रकाशशरण महतले सोमबार सानेपास्थित केन्द्रीय कार्यालयमा पत्रकार सम्मेलन गर्दै आचारसंहिताका कतिपय बुँदाहरू व्यावहारिक र यथार्थपरक नरहेको बताएका हुन् । उनले कांग्रेस र सत्तागठबन्धन सम्बद्ध दल आचारसंहिताको अधिकतम हदसम्म कार्यान्वयन गर्ने पक्षमा रहेको बताए । ‘हामी चुनावमा होमिएका छौँ, उम्मेदवारी दिने कुरा टुंगिएको छ । अब हामी गठबन्धनको राम्रो परिणामको अपेक्षासहित प्रचारप्रसारमा लागेका छौँ । तर, यसपटक निर्वाचन आचारसंहिताले धेरै कुराहरुमा बन्देज गरेको छ,’ प्रवक्ता महतले भने, ‘आचारसंहिताका कतिपय विषयहरू यथार्थपरक र व्यावहारिक छैनन् । तैपनि हामी सकेसम्म त्यो सीमाभित्र रहेर नै प्रचार अभियानलाई अगाडि ब...

काठमाडौँ — नेपाली कांग्रेसले केन्द्रीय निर्वाचन परिचालन समितिको बैठक बोलाएको छ । आसन्न प्रतिनिधिसभा र प्रदेशसभा सदस्य निर्वाचन- २०७९ का लागि गठन भएको केन्द्रीय परिचालन समितिका संयोजक गोपालमान श्रेष्ठले मंगलबार दिउँसो १ बजेका लागि समितिको पहिलो बैठक बोलाएका हुन् ।  सभापति शेरबहादुर देउवाले आइतबार श्रेष्ठको संयोजकत्वमा ११० सदस्यीय समिति गठन गरेका थिए । कांग्रेस सचिव प्रेम केसीले मंगलबार दिउँसो १ बजे समितिको पहिलो बैठक बोलाइएको जानकारी दिए । ...

रोल्पा — माओवादी केन्द्र र कांग्रेसले रोल्पामा मिलेर शान्ति र सहकार्यको सन्देश दिन चाहेको माओवादी केन्द्रका उपमहासचिव वर्षमान पुनले बताएका छन् । सत्तारुढ गठबन्धनद्वारा आयोजित संयुक्त कार्यकर्ता प्रशिक्षण कार्यक्रममा प्रतिनिधिसभा उम्मेदवार पुनले सोमबार उक्त कुरा बताएका हुन् ।  माओवादी एक्लै पनि रोल्पाबाट जित्न सक्ने बलियो आधार रहेको अवस्थामा राष्ट्रिय स्तरमा नै सत्तारुढ दलहरूबीच सहकार्य भएकाले मिलेर अगाडि बढेको पुनले बताए । रोल्पामा माओवादी र कांग्रेस सहकार्य गरेर जाँदा दुई दलबीच विश्वासको वातावरण बनेको मिलेर उम्मेदवारी दिएको उनले बताए । विगतमा दुई फरक ध्रुवमा रहेर भिडेका शक्ति कांग्रेस र माओवादी मिल्दा मात्र समाजमा शान्ति स्थापना हुने तथा मेलमिलापको वातावरण बन्न सक्ने उनको भनाइ थियो । रोल्पा निर्वाचन क्षेत्र प्रदेशसभा (२) मा कांग्रेसका लुम्बिनी प्रदेश सभापति अमरसिंह प...

काठमाडौं । प्रदेश नम्बर १ अन्तर्गतको खोटाङ पहाडी जिल्ला हो । यो जिल्लामा प्रतिनिधि सभा सदस्यका लागि एक क्षेत्र रहेको छ । सोही क्षेत्रबाट प्रतिनिधि सभामा भित्रिन नेकपा (एमाले)को तर्फबाट पोलिट्ब्युरो सदस्य विशाल भट्टराई र गठबन्धनको तर्फबाट नेकपा माओवादी केन्द्रका स्थायी कमिटी सदस्य रामकुमार राई (पासाङ)ले उमेदवारी दिएका छन् । भट्टराई यसअघि पनि निर्वाचित संघीय सांसद हुन् भने पासाङ प्रदेशसभा सदस्य हुन् । स्थानीय तहको मत परिणाम हेर्दा जिल्लामा एमाले अरू पार्टीभन्दा बलियो देखिन्छ । तर नेपाली कांग्रेस, नेकपा माओवादी केन्द्र, नेकपा (एकीकृत समाजवादी), जनता समाजवादी पार्टी एक आपसमा मिल्दा एमालेका उमेदवारलाई भारी पर्ने देखिन्छ ।  स्थानीय तहको निर्वाचनमा वडा अध्यक्षहरूको पाएको मतलाई आधार मान्दा एमालेको मत करिब २९ हजार रहेको छ भने कांग्रेसको साढे २७ हजार, माओवादी केन्द्र...

काठमाडाैं । नेकपा (एकीकृत समाजवादी) का अध्यक्ष माधवकुमार नेपालले भौतिक विकासभन्दा पहिले मानवीय जीवन रक्षाको सवाल प्रमुख रहने बताएका छन् ।  अखिल नेपाल किसान महासङ्घले आयोजना गरेको विश्व खाद्य दिवसको सन्दर्भमा आज आयोजित ‘भोकमरी विरुद्धको अभियान, खाद्य सम्प्रभुता’ विषयक अन्तरक्रियामा अध्यक्ष नेपालले नेपालको संविधानमा नै खाद्य सम्प्रभुता सवाल सम्बोधन भएको बताउँदै नागरिकको सम्मानजनक जीवनयापन गर्ने सवालमा खाद्य सम्प्रभुताको सवाल महत्वपूर्ण रहेको बताए । किसान महासङ्घले उठाएको महत्वपूर्ण सवाल संविधानमा समाविष्ट भएको चर्चा गर्दै उनले समाजको अगुवा शक्ति कम्युनिस्ट पार्टी भएकाले जसको विचार काम र व्यवहार पनि अगुवा हुनुपर्नेमा जोड दिए । पूर्वप्रधानमन्त्री नेपालले कृषि क्षेत्रको समग्र विकासबिना देशको अवस्था परिवर्तन हुन कठिन हुने विचार व्यक्त गर्दै जसको लागि जग्गा...