राजनीति

काठमाडौं । निर्वाचन आयोगले ‘हाम्रो नेपाली पार्टी’बाट उमेदवारी दिएर 'लौरो' चुनाव चिह्न पाएका केही उमेदवारहरूलाई स्पष्टीकरण सोधेको छ । हाम्रो नेपाली पार्टीका केही उमेदवारले 'लौरो' देखाएर आफूलाई स्वतन्त्र उमेदवार बताउने गरेको पाइएपछि स्पष्टीकरण सोधिएको आयोगले जनाएको छ ।  उनीहरूले दलीय आवद्धता स्पष्ट नगरी आफूलाई स्वतन्त्र उमेदवार भनेर प्रचारप्रसार गरिरहेको कार्यबाट निर्वाचनको स्वच्छता र निष्पक्षतालाई प्रभावित गर्ने र आम मतदाता समेतलाई भ्रममा पार्ने प्रयास गरिरहेको आयोगको विज्ञप्तिमा उल्लेख छ । उनीहरूको कार्यबाट प्रचलित निर्वाचन कानुनको उल्लंघन भएको पाइएकाले २४ घन्टाभित्र स्पष्टीकरण पेस गर्न पत्राचार गरिएको आयोगका प्रवक्ता शालिग्राम शर्मा पौडेलले जानकारी दिए ।  आयोगले काठमाडौं क्षेत्र नम्बर ५ बाट उमेदवारी दिएका मधुसुदन पाठक, प्रतिनिधिसभा...

काठमाडौं । नेकपा (एमाले)का विष्णु पौडेलविरुद्ध रूपन्देही २ मा नेकपा (एकीकृत समाजवादी)का राजु गुरुङको उमेदवारी बदरविरुद्ध सर्वोच्चमा परेको रिटमा अल्पकालीन अन्तरिम आदेश जारी भएको छ ।  रिटको सुनुवाइ आइतबार न्यायाधीश विश्वम्भर श्रेष्ठको एकल इजलासमा परेको थियो ।  सुनुवाई पछि श्रेष्ठको इजलासले रूपन्देही २ का निर्वाचन अधिकृतको उमेदवारी खारेज गर्ने निर्णय तत्काल कार्यन्वयन नगर्नु भनी आदेश जारी गरेको छ ।  गुरुङले आफ्नो उमेदवारी खारेजीविरुद्ध बिहीबार सर्वोच्चमा रिट दायर गरेका थिए । गुरुङको रिटमा प्रारम्भिक सुनुवाइका लागि शुक्रबार न्यायधीश हरिप्रसाद फुयालको एकल इजलासमा पेसी तोकिएको थियो । पेसी गुरुङकै कानुन व्यवसायीबाट स्थगित गरिएको थियो ।  गुरुङको उमेदवारी, फौजदारी मुद्दामा सजाय पाएको र तीन वर्ष नपुगेको आधारमा बदर गरिएको थियो । उनले निर्वाचन आयोगमा उमेदवारी बदरविरु...

काठमाडौं । कांग्रेस नेता विजय गच्छादारसहित ९ जनाको उमेदवारी खारेजीको माग गर्दै सर्वोच्च अदालतमा परेको रिट खारेज भएको छ ।  आइतबार  न्यायाधीश अनिल कुमार सिन्हाको एकल इजलासले रिट खारेज गरिदिएको हो । बिहीबार अधिवक्ता अनिल आचार्यले भ्रष्टाचारको मुद्दा खेपिरहेका गच्छादारसहित विभिन्न अभियोग लागेका व्यक्तिहरूको उमेदवारी खारेजीको माग गरेर रिट दायर गरेका थिए ।  ...

काठमाडौं । निर्वाचन आयोगले आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि पहिलो हुने निर्वाचित प्रणाली (प्रत्यक्ष)तर्फ हालसम्म ४४ लाख २१ हजार मतपत्रको छपाइ सकेको छ । छपाइ भएका मध्ये प्रदेशसभा सदस्य निर्वाचनका लागि २१ लाख ३८ हजार र प्रतिनिधिसभा सदस्य निवाचनका लागि २२ लाख ५६ हजार मतपत्र रहेका छन् । समानुपातिक निर्वाचन प्रणालीतर्फको मतपत्रको छपाइ यसअघि नै सकिएको छ । हाल जिल्ला–जिल्लामा समानुपातिकतर्फको मतपत्र ढुवानी भइरहेको छ । आजसम्म ओखलढुंगा, सोलुखुम्बु, खोटाङ, भोजपुर, संखुवासभा, धनकुटा, पाँचथर, ताप्लेजुङ, तेह्रथुम, इलाम, झापा, मोरङ, सुनसरी, उदयपुर, सिरहा, सप्तरी, धनुषा, महोत्तरी, नुवाकोट, रसुवा, धादिङ, चितवन, मकवानपुर, बारा, पर्सा, रौतहट, सर्लाही, सिन्धुलीसहित २८ जिल्लामा समानुपातिकतर्फको मतपत्र ढुवानी भइसकेको छ । समानुपातिक निर्वाचन ...

काठमाडौं । निर्वाचन आयोगले सहरी विकासमन्त्री मेटमणि चौधरीलाई निर्वाचन आचारसंसहिता उल्लंघन गरेको भन्दै स्पष्टीकरण सोधेको छ ।  आइतबार आयोगले आचारसंहिता लागु भइसकेको अवस्थामा चौधरीले आफ्नो निर्वाचन क्षेत्रमा बाढीपीडितका नाममा चामल वितरण गरेकोबारे प्रश्न गरेको छ । "निर्वाचन आचारसंहिता, २०७९ को दफा ४, सबैले पालना गर्नुपर्ने आचरण अन्तर्गत खण्ड (न) मा ‘‘कुनै प्रकारले निर्वाचनको स्वच्छता वा निष्पक्षतालाई प्रभावित गर्ने गरी कुनै कार्य गर्न नहुने” भन्ने व्यवस्था रहेको हुँदा तपाईंले आफ्नो निर्वाचन क्षेत्रका बाढीपीडितको नाममा चामल वितरण गर्ने कार्यले आचारसंहिताको उल्लङ्घन हुँदैन भनी पुष्ट्याई गर्ने आधार के छ ?," आयोगले सोधेको छ ।  आयोगले २४ घण्टाभित्र स्पष्टीकरण दिन भनेको छ । साथै निर्वाचन आचारसहिताको उल्ङघन भएको भए निर्वाचन आयोग ऐन, २०७३ को दफा २३ को उपदफा (...

नुवाकोट — नेपाली कांग्रेसका नेता एवं नुवाकोट २ प्रतिनिधिसभा सदस्यका उम्मेदवार अर्जुननरसिंह केसीले १२ बुँद्धे सहमति र शान्ति प्रक्रियाको जगमा कांग्रेस, माओवादी केन्द्रसहितको गठबन्धन भएको बताएका छन् । केसीले तत्कालीन कांग्रेस सभापति गिरिजाप्रसाद कोइरालाको अडान र माओवादी अध्यक्ष प्रचण्डको स्वीकारका कारण शान्ति प्रक्रिया अघि बढेको स्मरण गराए ।   विदुरमा शनिबार आयोजित संघीय/प्रदेश निर्वाचन २०७९ संयुक्त क्षेत्रीय बैठकमा केसीले अझै शान्ति प्रक्रियाका हकमा धेरै काम गर्न बाँकी रहेको आवश्यकता औंल्याए । तत्कालीन विद्रोही शक्ति माओवादी र कांग्रेसको नेतृत्वमा भएको त्यही १२ बुँदे सहमति, विस्तृत शान्ति सम्झौताका कारण बनेको गठबन्धन राष्ट्र, राष्टियतालाई एउटा गतिलो जगमा उठाउने र देशमा आर्थिक विकासमा अघि बढ्ने बताए । उनले गठबन्धन सम्बन्धमा कांग्रेसभित्र पनि तर्क विर्तक रहेको र आफ्ना...

काठमाडौं । नेपाली कांग्रेसका प्रवक्ता डा. प्रकाशशरण महतले संविधानको रक्षा र प्रतिगमनलाई रोक्न सत्ता गठबन्धन बनेको भन्दै यो कायम रहने बताएका छन् । शनिबार काठमाडौंमा आयोजित कार्यक्रममा उनले गठबन्धन अहिले पनि आवश्यक रहेकाले निर्वाचनपछि समेत निरन्तर अघि बढ्ने बताए । संविधानलाई संस्थागत रूपमा कार्यान्वयन गर्नका लागि गठबन्धन प्रतिबद्धत रहेको उनको भनाइ छ । महतले स्वार्थकेन्द्रित भएर जनता समाजवादी पार्टी (जसपा) गठबन्धनबाट बाहिरिएको उल्लेख गरे । यस्तै, नेकपा (माओवादी केन्द्र)का उपाध्यक्ष कृष्णबहादुर महराले देशको आवश्यकता र संविधानको रक्षाका लागि गठबन्धन जन्मिएको भन्दै अहिले पनि गठबन्धन आवश्यक रहेको बताए । नेपाली कांग्रेस र माओवादी नमिले फेरि मुलुकमा प्रतिगमनको खतरा हुने उनको भनाइ छ । महराले अहिलको गठबन्धनलाई २० वर्षसम्म पनि सँगै अघि बढाउनुपर्ने धारणा राखे । ...

काठमाडौं । निर्वाचन आयोगले तीन निर्वाचन चिह्नमा हेरफेर गरेको छ । आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचन प्रयोजनका लागि निर्धारितमध्ये तीन चिह्नमा सामान्य हेरफेर गरिएको आयोगले जनाएको छ । “निर्वाचन आयोगको अभिलेखमा रहेको निर्वाचन चिह्नको नाम र चिह्नमा केही भिन्नता देखिएको र आयोगमा रहेको अभिलेख र निर्देशिकामा रहेको विवरणबीच भिन्नता पाइएकाले उक्त निर्णय गरिएको हो,” आयोगद्वारा शनिबार जारी विज्ञप्तिमा उल्लेख छ । हाम्रो नेपाली पार्टीको निर्वाचन चिह्न लौरो र स्वतन्त्र उमेदवारका लागि निर्धारित चिह्नअन्तर्गत डोजर र क्रस खुकुरीमा हेरफेर गरिएको आयोगका सहायक प्रवक्ता कमल भट्टराईले जानकारी दिए । ...

दमौली । नेपाली कांग्रेसका वरिष्ठ नेता रामचन्द्र पौडेलले देशमा प्रजातन्त्रको स्थायित्व र सुशासन कायम राख्न आवश्यक रहेको बताएका छन् । नेपाली कांग्रेस र नेकपा माओवादी केन्द्र व्यास नगरसमितिद्वारा आज यहाँ आयोजित अन्तक्रियामा वरिष्ठ नेता पौडेलले लोकतन्त्रलाई खतरामा पार्ने खेल भइरहेको बताए ।  वरिष्ठ नेता पौडेलले अधुरा काम पूरा गर्न आफ्नो उमेदवारी रहेको बताए । गाउँमा विकास र रोजगारी सिर्जना गर्नु अहिलेको आवश्यकता हो भन्दै नेता पौडेलले विदेशिने युवा शक्तिलाई स्वदेशमा बस्ने वातावरण बनाउनुपर्ने बताए ।   गठबन्धन सत्ताका लागि नभइ देशमा सुशासन कायम गर्न, प्रजातन्त्रको स्थायित्व र भ्रष्टाचारलाई निरुत्साहित गर्न भएको उनले बताए । देशको विकासमा काँचुली फेर्न गठबन्धन गरेर अघि बढाएको उनले बताए ।  ...

काठमाडौं । नेकपा (एकीकृत समाजवादी)का पोलिट्ब्यूरो सदस्य एवं सहरी विकासमन्त्री मेटमणि चौधरीले नयाँ संविधानमाथि तरबार झुण्डिएको बताएका छन् ।  “विश्वमै उत्कृष्ट संविधान हामीले मिलेरै बनाऔँ । समाजमा पिछडिएका वर्ग र तप्काका मानिसलाई राज्यको मुल धारमा ल्याउने कानुनी व्यवस्था गरियो । हरेक दृष्टिकोणले प्रगतिशील संविधान बन्यो,” क्षेत्र नं. १(क), दाङको लालमटियामा शुक्रबार आयोजित गठबन्धन दलको कार्यकर्ता भेलालाई सम्बोधन गर्दै मन्त्री चौधरीले भने, “ तर, केपी ओलीलाई स्वीकार भएन । जनताले खुसी मनाए । तर, केपी ओलीको समूहले त्यो खुुसी देख्न सकेन । त्यसैकारण यतिबेला नेपालको संविधानमाथि तरकार झुण्डिएको छ ।” क्षेत्र नं. १ को गठबन्धनको उमेदवारसमेत रहेका सहरी मन्त्री चौधरीले आफ्नै कारण मुलुकमा खरको छानो हटाउने राष्ट्रिय अभियान चलेको बताए । संकटको बेला नेपालका दलहरू एक ठाउँमा आउने गरेको...