Author: Senior Editor Nima

काठमाडौं । लोकतान्त्रिक समाजवादी पार्टी (लोसपा)का शीर्ष नेताहरूले नागरिकता विधेयकका विषयमा राष्ट्रपति विद्यादेवी भण्डारीसँग छलफल गरेका छन् । शनिबार राष्ट्रपति भवन शीतलनिवास पुगी उनीहरूले नागरिकता विधेयक प्रमाणीकरण नहुँदा नेपाली नागरिक अनागरिक हुनुपरेको जनाउँदै विधेयक प्रमाणीकरण गरेर सहयोग गरिदिन आग्रह गरेका हुन् । छलफलमा राष्ट्रपति भण्डारीले नेपाली नागरिकले नागरिकता नपाएका सन्दर्भमा आफू पनि संवेदनशील रहेको जनाएकी थिइन् । आफूहरूले उठाएको विषयप्रति राष्ट्रपति अत्यन्त सकारात्मक पाएको लोसपाका नेता केशव झाले जानकारी दिए । राष्ट्रपतिसँगको छलफलमा लोसपाका अध्यक्ष महन्थ ठाकुर, वरिष्ठ नेता राजेन्द्र महतो, शरतसिंह भण्डारीलगायत नेता सहभागी थिए । राष्ट्रपति भण्डारीले संघीय संसद्का दुवै सदनबाट पारित भई प्रमाणीकरणका लागि पठाइएको नेपाल नागरिकता ऐन, २०६३ लाई संशोधन गर्न बने...

काठमाडौं । प्रमुख प्रतिपक्ष दल नेकपा (एमाले) अध्यक्ष केपी शर्मा ओलीलाई भावी प्रधानमन्त्रीका रूपमा अघि सारेर निर्वाचनमा होमिएको छ । ललितपुरको च्यासलस्थित पार्टी मुख्यालयमा शुक्रबार र शनिबार दुई दिन बसेको केन्द्रीय कमिटीको बैठकबाट ओलीलाई भावी प्रधानमन्त्रीका रूपमा अघि सारिएको हो । “अध्यक्षलाई प्रधानमन्त्रीको उमेदवारको रूपमा अघि सारेर चुनावमा जाने निर्णय भएको छ,” पोलिटब्युरो सदस्य कृष्ण राई भन्छन्, “अब पार्टी पूर्ण रूपमा मंसिर ४ मा हुने चुनावमा होमियो । अध्यक्षलाई प्रधामन्त्री बनाउनका लागि जनतामाझ बहुमतको आह्वान गर्छौैँ ।” शनिबारको बैठकमा समसामयिक प्रस्ताव पारित गर्ने क्रममा उपमहासचिव प्रदीप ज्ञवालीले ओलीलाई भावी प्रधानमन्त्रीका रूपमा अघि सार्ने प्रस्ताव राखेका थिए । “समूहगत छलफलको निष्कर्ष सुनाउने क्रममा नै अध्यक्षलाई प्रधानमन्त्रीको उमेदवार बनाउनुपर्ने सुझाव आएका...

काठमाडौं । प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले शनिबार साँझ पार्टीका केन्द्रीय सदस्यहरूका लागि रात्रिभोजको आयोजना गरे । केन्द्रीय कमिटीको चौथो बैठक सम्पन्न भएलगत्तै नयाँ बानेश्वरस्थित एभरेस्ट होटेलमा आयोजित कार्यक्रम ओलीले हार्माेनियम र गिटार बजाए । उनले हार्माेनियम र गिटार बजाएर कार्यक्रमको सुरुआत गरेका थिए । एक नेताका अनुसार तिज विशेष पनि भनिएको कार्यक्रममा ओलि त्यतिमै रोकिएनन्, नेताहरूसँग छमछमी नाचे पनि । निर्वाचनकेन्द्रित बैठकपछि ओलीले  केन्द्रीय सदस्यहरूसँग नाचगान गरेका हुन् । ...

काठमाडौं । नेपाली कांग्रेसका नेता चन्द्र भण्डारीले आफ्नो पार्टीमा नयाँ नेतृत्वको खाँचो रहेको बताएका छन् । शनिबार काठमाडौंमा आयोजित एक कार्यक्रममा उनले यस्तो बताएका हुन् । नेता भण्डारीले हरेक पार्टीमा रहेका युवा नेतृत्व तहमा जाने कि नजाने भन्ने दोधारमा रहेको बताए । कांग्रेसमा पनि परिवर्तनको खाँचो रहेको उनले औँल्याए । अहिलेको नेतृत्व तहबाट अबका दिनमा मुलुक अघि बढ्न नसक्ने उनको भनाइ छ । “जो हरेक पार्टीमा नेतृत्व गर्ने युवा छन्, ती सबै युवा टाउको बन्ने कि पुच्छर बन्ने भन्ने कुरामा अल्मलिएका छन् । पुच्छर बन्न चाहन्छन्, नेतृत्व लिन चाहन्नन् । जसकारण एउटै व्यक्ति अनुहार हेरिरहनुपर्ने, यो अवस्थाबाट नेपाल सफर गरिरहेको छ । नेपालको राजनीतिमा केही न केही विकृतिहरू प्रवेश गरिरहेको छ । यो समस्याबाट मुलुकलाई कसरी निकास दिने यसमा हामीले सोच्नुपर्छ । के वर्तमान नेतृत्वबाट नै मुलुकल...

विराटनगर । प्रदेश नम्बर–१ का मुख्यमन्त्री राजेन्द्रकुमार राईको नाम प्रतिनिधिसभा सदस्यका लागि सिफारिस गरिएको छ । नेकपा (एकीकृत समाजवादी) सुनसरीले उनको नाम सिफारिस गरेको हो । शनिबार बसेको जिल्ला कमिटीको बैठकबाट मुख्यमन्त्री राईसहित चारजनाको नाम प्रतिनिधिसभा सदस्यका लागि सिफारिस गर्ने निर्णय गरिएको हो । सुनसरी निर्वाचन क्षेत्र नम्बर–१ बाट मुख्यमन्त्री राईसहित लक्ष्मण चौधरी, पद्मा सुब्बा र जीवन राईको नाम सिफारिस गरिएको छ । जिल्ला कमिटी सचिव वसन्त सुवेदीका अनुसार सोही क्षेत्रअन्तर्गत प्रदेशसभा सदस्य ‘क’तर्फ सुष्मा राई, तारा लामगादे र एकराज सुब्बाको नाम सिफारिस गरिएको छ । प्रदेशसभा ‘ख’तर्फ रेवतीरमण राई, अमृता रामदाम र श्यामनारायण राजधामीको नाम सिफारिस गरिएको छ । यस्तै, सुनसरी–२ बाट धर्म निरौला, केपी सापकोटा र सरिता कार्की लामाको नाम प्रतिनिधिसभा सदस्यका लागि सिफारिस ग...

काठमाडौं । प्रमुख प्रतिपक्ष दल नेकपा (एमाले)का नेता महेश बस्नेतले काठमाडौंका नक्सापास नभएका संरचनाहरूमा डोजर आतंक मच्चाए उपत्यका बस्न लायकको नरहने बताएका छन् । शनिबार काठमाडौंमा आयोजित एक कार्यक्रममा उनले यस्तो बताएका हुन् । उनले ‘डोजर आतंक मच्चाइरहने हो भने काठमाडौंबाट भागेर अन्यत्र जानुपर्ने स्थिति बन्न सक्ने र ध्वंसको क्षेत्र बन्ने निश्चित रहेको’ बताए । केही मानिसले साथ दिए भन्दैमा कानुन मिचेर जनतालाई दुःख दिने काम नगर्न उनले चेतावनी दिए । उनले आफ्नो निर्वाचन क्षेत्रमा ध्वंसात्मक गतिविधि नगरी निर्माण गरेरै सुन्दर बस्ती बनाएको जिकिर गरे । निर्माणबाट नै सुन्दर बनाउन सकिन्छ भन्ने कुरा हेर्नका लागि आफ्नो निर्वाचन क्षेत्रमा जान उनले काठमाडौं महानगरपालिकाका मेयर बालेन्द्र शाह (बालेन)लाई आग्रह गरे । “नक्सापास नभएका घरहरू, संरचनाहरूलाई डोजर लगाएर ‘ठोक’ भनेर काठमाडौंभ...

विराटनगर । प्रदेश नम्बर १ का मुख्यमन्त्री राजेन्द्रकुमार राईले संघीयता कार्यान्वयनका क्रममा प्रदेश सरकारले पाएको अधिकार अनुसार विकास निर्माणलाई गति दिएको बताएका छन् । प्रदेश संरचना निर्माण भएसँगै बजेटको र साधन स्रोतको उपलब्धता अनुसार प्रदेशले गरेका काम निराशाजनक नभएको दाबी गरेका हुन् ।  संघीयता कार्यान्वयन, अध्ययन तथा अनुगमन संसदीय विशेष समितिको आायेजनामा आज विराटनगरमा भएको छलफल कार्यक्रममा राईले संघीय सरकारभन्दा धेरै योजना प्रदेशकै तर्फबाट बनाइएको बताए । “अधिक बजेट संघीय सरकारले राख्छ । प्रदेशलाई निम्छरो बनाइएको छ तर हामीले उपलब्ध स्रोतकै परिचालन गरेर भएपनि संघले दिएका भन्दा धेरै योजना दिन सकेका छौँ,” उनले भने । पर्याप्त बजेट र अधिकार नदिइएकाले पनि प्रदेश सरकारलाई अधिक कमजोर बनाउने प्रयास भएको राईले सुनाए ।  संघीय सरकारले बजेटको सही परिचालन गरिदिए प्र...

काठमाडौं । प्रमुख प्रतिपक्ष दल नेकपा (एमाले)ले प्रधानन्यायाधीश चोलेन्द्र समशेर जबराविरुद्धको महाअभियोग प्रस्तावमाथि छलफल गर्न ढिलाइ गर्नुको कारण माग गरेको छ । मंगलबार सिंहदरबारमा बसेको महाअभियोग सिफारिस समितिको बैठकमा एमाले सांसद विष्णु पौडेलले महाअभियोग प्रस्ताव दर्ता हुँदा सदन नचलेको भए १५ दिनभित्र सदन बोलाउनुपर्ने र सदन चलेको भए तीन दिनभित्र महाअभियोग प्रस्तावमा छलफल गर्नुपर्ने व्यवस्थाको उल्लंघन भएको भन्दै विरोध जनाए ।  उनले महाअभियोग प्रस्ताव दर्ता भएको ६ महिनासम्म पनि छलफलमा नल्याइनु गम्भीर विषय भएको बताए । उनले महाअभियोग पारित गर्नका लागि ल्याइएको हो कि केवल प्रस्ताव दर्ता गरेर न्यायालयलाई प्रभावित पार्न खोजिएको हो भनेर प्रश्नसमेत गरे । छलफलमा ढिलाइ गर्नुका कारणबारे जवाफ नपाएसम्म सिफारिस समितिका सदस्यहरूले प्रभावकारी ढंग...

काठमाडौं । सिट बाँडफाँटका लागि सत्ता गठबन्धनले गठन गरेको कार्यदलले २ दिनभित्र सिट बाँडफाँटको मापदण्ड तयार गर्ने बताएको छ । मंगलबारको बैठक पश्चात् सञ्चारकर्मीहरूसँग कुराकानी गर्दै जनमोर्चाका नेता तथा कार्यदल सदस्य हिमलाल पुरीले ९ गतेभित्र कार्यदलले मापदण्डको टुंगो लगाउने जानकारी दिए ।  पुरीकाअनुसार मंगलबार प्रधानमन्त्री सरकारी निवास बालुवाटारमा बसेको बैठक बिनानिष्कर्ष टुंगिएको छ । बैठकमा शारीरिक अस्वस्थताको कारणले कार्यदल संयोजक कृष्ण सिटौला भने अनुपस्थित रहेको उनले जानकारी दिए । “हामी विभिन्न मोडालिटीमा छलफल गरिरहेका छौँ । २०७४ को चुनावको प्रत्यक्ष, समानुपातिक तथा गएको स्थानीय निर्वाचनको नतिजाको आधार र पार्टीको पकड क्षेत्र लगायत विभिन्न आधारमा छलफल भइरहेको छ,” उनले भने,“आज संयोजक सिटौला जी अस्वस्थ भएर उपस्थित हुनुभएन । हामी ९ गतेभित्र निष्कर्...

काठमाडौं । नेकपा (एमाले)का अध्यक्ष केपी शर्मा विवाहको जग्गेमा नै वैवाहिक अंगीकृत नागरिकता दिन नहुने बताएका छन् ।  मंगलबार पार्टी कार्यालय च्यासलमा आयोजित पार्टी प्रवेश कार्यक्रममा उनले नागरिकता दिँदा विवाह टिक्छ कि टिक्दैन भनेर हेर्नुपर्ने बताए ।  “वैवाहिक अंगीकृतले आवश्यक समय पूरा गरेपछि नागरिकता प्राप्त गर्छ । त्यो पाउने वित्तिकै जग्गेमा त दिने होइनन् । अलिक समय हेर्ने पर्‍यो त्यो साँच्चै हो कि होइन, विवाह टिक्छ कि टिक्दैन,” ओलीले भने, “केका लागि ? नेपालमा विवाह गरिसकेपछि अंशमा अधिकार हुन्छ । अंश पाउन मात्रै विवाह गरेको छ  कि ? यस्तो कुराहरू हेर्नुपर्छ ।” ओलीले आफू प्रधानमन्त्री भएका बेला एउटै पार्टीमा हुँदा तत्कालीन नेकपाका अध्यक्ष पुष्पकमल दाहाल 'प्रचण्ड'ले नागरिकता विधेयक रोकेको रोक्यै गरेको बताए । अहिले छलफल गर्न नदिई अघि ...