राजनीति

काठमाडौँ — निर्वाचन आयोगले नेकपा माओवादी केन्द्र अध्यक्ष पुष्पकमल दाहाललाई आचारसंहिता उल्लंघन गरेको भन्दै स्पष्टीकरण सोधेको छ । आइतबार गोरखा निर्वाचन क्षेत्र नम्बर २ मा उम्मेदवारी दर्ता गर्ने क्रममा पञ्चेबाजा प्रयोग गरेको विषयमा आयोगले स्पष्टीकरण सोधेको हो । उनलाई सात दिनभित्र स्पष्टीकरण बुझाउन आयोगले निर्देशन दिएको छ । आयोगले उम्मेदवारी दर्ताको क्रममा प्रयोग भएको श्रव्यदृष्यको आधारमा दाहालसँग स्पष्टीकरण सोधेको हो । ...

जनकपुरधाम । धनुषामा ६ जनाले उमेदवारी फिर्ता लिएका छन् । बुधबार निर्वाचन कार्यालयमा लिखित रूपमा पत्र बुझाएर उनीहरूले उमेदवारी फिर्ता लिएका हुन् ।  धनुषा क्षेत्र नम्बर १ को ‘ख’ मा बागी उमेदवारी दिएका कांग्रेसका लक्ष्मीनारायण मण्डल केवटले फिर्ता लिएका छन् । यहाँ पाँच दलीय गठबन्धनबाट प्रतिनिधिसभामा माओवादी केन्द्रबाट मातृकाप्रसाद यादव, प्रदेशसभाको ‘क’ मा नेपाली कांग्रेसका सञ्जय कुमार महतो र ‘ख’मा लोसपाका संजय कुमार सिंह उमेदवार छन् । एमाले र जसपा गठबन्धनबाट जसपाका दीपक कार्की प्रतिनिधिसभाको साझा उमेदवार छन् । यस्तै, सोही क्षेत्रको प्रदेशसभा ‘ख’बाट पनि दुई जना स्वतन्त्र उमेदवारले उमेदवारी फिर्ता लिएका छन् । नेत्रदीप लामा र आन्नद मण्डलले स्वतन्त्र उमेदवारी दर्ता गराएका थिए । तर, बुधबार दुवै जनाले उमेदवारी फिर्ता लिएको निर्वाचन अधिकृत उत्तम खरेलले जानकारी दिए ।...

काठमाडौं । नेकपा (एमाले)का प्रतिनिधिसभा र प्रदेशसभामा उमेदवारी दिएका चारजनाले उमेदवारी फिर्ता लिएका छन् । प्रतिनिधिसभातर्फ चितवन क्षेत्र नम्बर ३ मा एमालेबाट उमेदवारी दिएका रामप्रसाद न्यौपानेले उमेदवारी फिर्ता लिए । त्यसैगरी नवलपरासी पश्चिम २ मा सिन्धु जलेसा बुढाथोकीले उमेदवारी फिर्ता लिएकी छन् । डडेलधुरा चक्र स्नेहीले पनि उमेदवारी फिर्ता लिए ।  प्रदेशतर्फ धादिङ २ को 'ख'मा उमेदवारी दिएका धनबहादुर घलेले उमेदवारी फिर्ता लिएको एमाले प्रचार विभागका सचिव गगन विष्टले जानकारी दिए ।  उमेदवारी फिर्ता लिए चितवन–१ मा कांग्रेसबाट वागी उमेदवारी दिएका दिनेश कोइरालालाई सहयोग गर्ने भएको छ ।  डडेल्धुरामा कांग्रेस बीपीका कर्ण मल्ल र नवलपरासी पश्चिममा जनता प्रगतिशील अध्यक्ष हृदयेश त्रिपाठीलाई एमालेले सहयोग गर्ने उनले बताए ।  त्यस्तै, धादिङ २ को २ मा एमाल...

जनकपुरधाम । कांग्रेसले टिकट नदिएपछि सर्लाही ४ बाट स्वतन्त्र उमेदवारी दिएका अमरेश सिंहले चुनाव चिह्न 'माछा' पाएका छन् । बुधबार निर्वाचन आयोगले उनलाई 'माछा' चुनाव चिह्न दिएको हो । कांग्रेसले सर्लाही ४ बाट नागेन्द्र रायलाई उमेदवार बनाएको छ । पर्सा निर्वाचन क्षेत्र १ बाट पनि कांग्रेसका नेता अजय दुवेदीले स्वतन्त्र उमेदवारी दिएका छन् । उनले पनि माछा चुनाव चिह्न नै पाएका छन् । यहाँ पाँच दलीय गठबन्धनबाट लोसपाका लक्ष्मण लाल कर्ण उमेदवार छन् । यस्तै, रौतहट निर्वाचन क्षेत्र ३ बाट प्रतिनिधिसभातर्फ स्वतन्त्र रूपमा उ‍मेदवारी दिएका प्रभु साहले चापाकल चुनाव चिह्न पाएका छन् । उनले एमालेबाट उमेदवारी नदिएर प्यानलसहित स्वतन्त्र उमेदवारी दिएका छन् । ...

काठमाडौं । नेपालीक कांग्रेसले गठबन्धनविरुद्ध 'बागी' उमेदवारी दिएका पार्टीका नेता कार्यकर्ताहरूलाई कारबाही गरेको छ । पार्टीको निर्देशनविपरीत उमेदवारी फिर्ता नलिएका उमेदवार र उनीहरूका प्रस्तावक र समर्थकलाई कांग्रेसले कारबाही गरेको हो ।  उनीहरूलाई पार्टीको सदस्यसमेत नरहने गरी पाँच वर्षका लागि निष्कासन गरिएको कांग्रेसका मुख्यसचिव कृष्णप्रसाद पौडेलले जानकारी दिए । मंगलबार कांग्रेसले गठबन्धनविरुद्ध उमेदवारी दिएकाहरूलाई बुधबार दिउँसो १ बजेसम्म उमेदवारी फिर्ता लिने दिएको थियो । अन्यथा कारबाही हुने चेतावनी पनि दिइएको थियो ।  ...

पोखरा । नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड' विरुद्ध बागी उमेदवारी दिएकी कांग्रेस नेतृ माधवी भट्टले उमेदवारी फिर्ता लिएकी छन् ।  सत्ता गठबन्धनका तर्फबाट प्रचण्डले गोरखा २ बाट निर्वाचन लड्दैछन् । उनीविरुद्ध भट्टले स्वतन्त्र उमेदवारी दर्ता गराएकी थिइन् ।  पार्टीको निर्देशनमा उनले आज वारेसमार्फत उमेदवारी फिर्ता लिएकी हुन् । उनले श्रीमान्मार्फत उमेदवारी फिर्ता लिएको निर्वाचन अधिकृत नारदप्रसाद भट्टराईले जानकारी दिए । ...

काठमाडौं । प्रधानमन्त्री पत्नीसमेत रहेकी नेपाली कांग्रेसकी नेतृ डा. आरजु राणा देउवाले डडेलधुराका लागि प्रधानमन्त्री कार्यालय ‘खुल्जा सिमसिम’ जस्तै भएको बताएकी छन् । उनले डडेलधुराबासीले जति कसैले पनि बालुवाटारमा एक्सेस नपाउने भन्दै काठमाडौंका व्यक्तिले भन्दा डडेलधुराबासीले प्रधानमन्त्रीलाई भेट्न पाउने बताएकी छन् । आइतबार शेरबहादुर देउवाको उमेदवारी दर्तापछि उनले यस्तो बताएकी हुन् । “डडेलधुराको मान्छेले जति बालुवाटारमा एक्सेस कसैले पाउँदैनन् । डडेलधुरा भनेको म्याजिक वर्डजस्तै हो, खुल्जा सिमसिम भनेजस्तै ...,” उनको भनाइ छ, “म डडेलधुराको हो भनेपछि बालुटाटारभित्र जान पाउँछन् । काठमाडौंकाले भन्दा डडेलधुराका गाउँ गाउँका वडा वडाका व्यक्तिहरुले भेट्न पाएका छन् ।” उनले अहिले प्रधानमन्त्रीले पार्टी, देश र गठबन्धन चलाउनुपर्दा उमेदवारी दर्ताका लागि आउन नभ्याएको बताएकी थिइ...

काठमाडौं । निर्वाचन आयोगले निर्वाचनका क्रममा सामाजिक सञ्जालबाट गरिने विज्ञापनको खर्चबारे उमेदवारले निर्वाचन सम्पन्न भएपछि कानुनबमोजिम पेस गर्ने निर्वाचन खर्च विवरणमा समावेश गर्न राजनीतिक दल र उमेदवारलाई आग्रह गरेको छ । आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनअन्तर्गत पहिलो हुने निर्वाचित हुने निर्वाचन प्रणालीअन्तर्गत उमेदवारहरूको मनोनयनपत्र दर्ता कार्यक्रम सम्पन्न भएसँगै विभिन्न राजनीतिक दल र उमेदवारहरूबाट सामाजिक सञ्जालको समेत प्रयोग गरी प्रचारप्रसार र  विज्ञापन हुन थालेको छ । आयोगले जारी गरेको ‘निर्वाचन व्यवस्थापनमा सामाजिक सञ्जालको उपयोग सम्बन्धी नीति, २०७७’ बमोजिम निर्वाचनका सबै चरण र प्रक्रियामा सामाजिक सञ्जालको समुचित उपयोग गरिने जनाइएको छ । ...

पोखरा । आसन्न प्रदेशसभाको उमेदवार बनेका गण्डकीका कानुन, सञ्चार तथा प्रदेशसभा मामिलामन्त्री विन्दुकुमार थापाले सरकारी गाडी फिर्ता गरेका छन् । मन्त्री बनेपछि सरकारले थापालाई सवारी सुविधा उपलब्ध गराएको थियो । तर, चुनावमा कास्की २ (ख) बाट कांग्रेसले टिकट दिएपछि थापाले उमेदवारी दर्ताको भोलिपल्ट आफूले प्रयोग गर्दै आएको सवारी फिर्ता गरेका हुन् । सरकारी सवारी लिएर चुनाव प्रचारप्रसार लगायतका काममा प्रयोग गर्न नहुने भन्दै उनले चुनाव अवधिभर निजी सवारी प्रयोग गर्ने बताएका छन् । थापाले यसअगाडि नै आफ्नो पाँचवर्षे कार्यकालमा प्राप्त तलब, भत्ता तथा अन्य सुविधा पनि विभिन्न सामाजिक कार्यमा खर्च गरेको विवरण सार्वजनिक गरेका थिए । जनताको करबाट आर्जेको सरकारी सम्पतिको दुरुपयोग नहोस् भन्नेमा आफू सचेत रहेको र भविष्यमा पनि दुरुपयोग नगर्ने उनको प्रतिबद्धता छ । कास्की २ (ख) बाट उन...

काठमाडौं । प्रतिनिधिसभा र प्रदेशसभाको मंसिर ४ मा हुने निर्वाचनका लागि कुल ५ हजार ९ सय ६८ उमेदवारी दर्ता भएको छ ।  प्रतिनिधिसभाको १ सय ६५ वटा निर्वाचन क्षेत्रका लागि हालसम्म २५ सय १३ जनाको उमेदवारी दर्ता भएको निर्वाचन आयोगका सहायक प्रवक्ता सूर्य प्रसाद अर्यालले जानकारी दिए ।  त्यस्तै, प्रदेशसभातर्फ ३४ सय ५५ जनाको उम्मेदवारी दर्ता भएको आयोगले जनाएको छ । उमेदवारी दिनेको विवरण अद्यावधिक भइरहेको आयोगले जनाएको छ  ।  उमेदवारका विरुद्ध आयोगले सोमबार १० देखि ३ बजेसम्म उजुरी दिन सकिने समय छुट्याएको थियो । मनोनयन दर्ता भएका कुनै पनि उमेदवारविरुद्ध सम्बन्धित निर्वाचन अधिकृतको कार्यालयमा उजुरी दिन सकिने आयोगले जनाएको छ ।  उजुरी परेपछि सोमबार ३ बजेदेखि मंगलबार ५ बजेसम्म उजुरीको जाँचबुझ हुने अर्यालले बताए । मंगलबार साँझ ५ देखि ७ बजेसम्म उमेदवारको नामावली प्रकाशन...