राजनीति

काठमाडौं । नेकपा (एमाले) ले सार्वजनिक लेखा समितिको सभापति पद प्रतिपक्षीलाई दिनुपर्ने भन्दै समितिको मंगलबारको बैठक बहिष्कार गरेको छ । मंगलबार सिंहदरबारमा बसेको बैठकमा एमालेका सांसदहरूले वर्तमान सरकार गठन भएको एक वर्ष पुग्दा पनि समितिको सभापति सत्तापक्षले नै राखेको भन्दै बैठक बहिष्कार गरेको हो ।  बैठकमा सभापति भरतकुमार शाहले समितिको वार्षिक प्रतिवेदन पारित गर्न प्रस्ताव गरेका थिए  । तर, एमाले सांसद विशाल भट्टराई र गोकुल बाँस्कोटालगाएतले सभापतिले राजीनामा दिनुपर्ने र प्रतिपक्षीबाट नयाँ सभापति चयन हुनुपर्ने बताएका थिए । लेखा समितिको नेतृत्व विपक्षी दलले पाउने परम्परा रहेकाले वर्तमान सभापतिले मार्गप्रशस्त गर्नुपर्ने उनीहरूको भनाइ थियो । सभापति शाहले वार्षिक प्रतिवेदन पारित गरेर सभापतिको विषयमा छलफल गर्न आग्रह गर्दा प्रतिपक्षी सांसलहरूले सभापति फेरिएपछि मात्रै लेखा समि...

काठमाडौं । जनता समाजवादी पार्टी (जसपा)को संघीय परिषद्का अध्यक्ष डा. बाबुराम भट्टराईले कार्यकारी अध्यक्ष उपेन्द्र यादवलाई छलफलका लागि आह्वान गरेका छन् । आफूपक्षीय केन्द्रीय समितिको बैठकमा उनले भोलिदेखि वीरगन्जमा सुरु हुन लागेको केन्द्रीय समितिको बैठकलाई गुटको बैठकको संज्ञा दिएका छन् । बैठक रोकेर वार्तामा आउन उनको आग्रह छ । उनले बैठकमा आफ्ना कुरा राख्न दिन समेत आग्रह गरेका छन् । “कुनै बाउआमाले आफ्नो सन्तानलाई मार्दैन । त्यस्तै हो, हामी पनि पार्टी फुटाउन चाहन्नौँ । अवैध र गुटको बैठक स्थगित गरेर सल्लाह गर्न आउनुहोस्, बैठक बसौँ,” उनले भने, “त्यहाँ आएर हामी गलत रहेछौँ भने हामीलाई नंग्याउनुहोस् । तर, बैठकमा हाम्रो कुरा राख्न दिनुहोस्, म उपेन्द्रजीलाई अनुरोध गर्छु ।” उनले आफूहरूको पार्टीमा कालो बादल मडारिरहेको पनि बताए । ...

काठमाडौं । जनता समाजवादी पार्टी (जसपा) संघीय परिषद्का अध्यक्ष डा. बाबुराम भट्टराईले पार्टीलाई फुटबाट जोगाउने श्रेय आफूहरूले पाउने अवसर रहेको बताएका छन् । आफूपक्षीय केन्द्रीय समितिको बैठकमा उनले आफूहरूको बैठकलाई अवैध भने त्यो इतिहासकै झुट हुने समेत बताए । आफूहरूसँग बहुमत रहेको उनले दाबी गरेका छन् । “संघ प्रदेश र केन्द्रका नेता र संख्याको बहुमत हामीसँग छ । यो पार्टीलाई फुटबाट जोगाउने श्रेय हामीलाई छ । कसैले यो बैठक अवैध भन्छ भने त्यो इतिहासकै झुट हो,” उनले भने, “उपेन्द्र (यादव)जीले बिनासल्लाह वीरगन्जमा बैठक बोलाउनुभएको छ । कतिपयले बाबुरामले भाग खोज्यो भने ।” ...

काठमाडौं । प्रमुख प्रतिपक्ष दल नेकपा (एमाले)का सांसद देवेन्द्र दाहालले सत्ता र गठबन्धन टिकाउनका लागि नै संवैधानिक परिषद्सम्बन्धी विधेयक राष्ट्रियसभामा दर्ता गराइएको आरोप लगाएका छन् । मंगलबार राष्ट्रियसभा बैठकको विशेष समयमा दाहालले सरकारमा रहेका दलहरू आफँैले यसअघि विरोध गरेको विधेयक दर्ता गराइनु सत्ता र गठबन्धन टिकाउनका लागि मात्र भएको बताएका हुन् । उक्त विधेयक सम्बन्धमा सभामुख अग्निप्रसाद सापकोटाले विगतमा सर्वोच्च अदालतमा मुद्दा हालेको भन्दै उनले राष्ट्रियसभाका अध्यक्षले सभामा छलफल गराउनुपूर्व सभामुखको धारणा बुझ्नुपर्नेमा जोड दिए । सांसद दाहालले सरकारको बेवास्ताका कारण संसद्मा विधेयक तथा कानुनहरू अलपत्र परेको र जनतालाई समस्या भएको तर्क गरे । ...

काठमाडौं । राष्ट्रिय जनमोर्चाका सांसद तुलप्रसाद विश्वकर्माले दैनिक उपभोग्य वस्तुको मूल्य घटाउन सरकारको ध्यानाकर्षण गराएका छन् ।  मंगलबार राष्ट्रिय सभा बैठकको विशेष समयमा बोल्दै सांसद विश्वकर्माले महँगीका कारण जनता आक्रान्त भएको बताए । उनले दैनिक उपभोग्य वस्तुमा भएको मूल्यवृद्धिका कारण जनताको जीवनयापनमा समेत असर पर्न थालेकाले मूल्यवृद्धि घटाउन सरकारले ध्यान दिनुपर्ने बताए ।  बैठकमा ठेकेदारको लापरबाहीका कारण विकास निर्माणका कामहरू रोकिएको उल्लेख गर्दै सांसद विश्वकर्माले उनीहरूलाई सरकारले कडाइपूर्वक काम लगाउन निर्देशन दिनुपर्ने बताए । यस्तै, उनले बढ्दो व्यापार घाटालाई रोक्नुपर्ने बताउँदै आयातलाई कम गर्दै लैजानुपर्नेमा समेत ध्यानाकर्षण गराए । ...

धनगढी । सुदूरपश्चिम प्रदेशमा प्रमुख प्रतिपक्ष दल नेकपा (एमाले)सहितका दलले प्रदेश सरकारले ल्याएको बजेट संशोधन नगरेको अवस्थामा प्रदेशसभाको बैठकमा सहभागी हुन नसकिने निर्णय गरेका छन् । मंगलबार बिहान बसेको एमाले, जनता समाजवादी पार्टी र लोकतान्त्रिक समाजवादी पार्टीको बैठकले बजेट संशोधन गर्नुपर्ने, सरकार संशोधन गर्न तयार नभएको अवस्थामा प्रदेशसभाको बैठक बहिष्कार गर्ने निर्णय गरेको हो ।  बैठकमा सहभागी एक प्रदेशसभा सदस्यका अनुसार बजेट संशोधनको मागसहित प्रतिपक्ष दलले १४ बुँदे ध्यानाकर्षणपत्र मुख्यमन्त्री त्रिलोचन भट्टलाई बुझाउने तयारी गरेका छन् । नेकपा (एमाले) का प्रमुख सचेतक लीलाधर भट्टले पनि विपक्षी दलको संयुक्त बैठक भर्खरै सम्पन्न भएको बताउँदै छलफलका लागि मुख्यमन्त्री भट्टले बोलाएकाले मुख्यमन्त्री तथा मन्त्रिपरिषद्को कार्यालयमा गइरहेको जानकारी दिए ।  "प्रदेश...

काठमाडौं । नेपालको चारदिने भ्रमणमा रहेका चिनियाँ कम्युनिष्ट पार्टी (सीपीसी)का विदेश विभाग प्रमुख लिउ जियन्चाओले नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेट गरेका छन् । दाहालको निवास खुमलटार पुगेर लिउले भेट गरेका हुन् । यसअघि लिउले प्रधानमन्त्री शेरबहादुर देउवा, परराष्ट्रमन्त्री नारायण खड्कालगायतसँग भेटवार्ता गरेका थिए । प्रधानमन्त्रीसँगको भेटमा लिउले नेपालको भूमि चीन विरोधी गतिविधि हुन नहुनेमा ध्यानाकर्षण गराएका थिए । ...

काठमाडौं । नेकपा एमालेका अध्यक्ष केपी शर्मा ओलीले सरकारको अहिलेको काम कारबाहीले मुलुकलाई श्रीलंकाको अवस्थातर्फ अघि बढाएको बताएका छन् । काठमाडौंमा सोमबार सम्पादकहरुसँग कुरा गर्दै उनले भने, “यही ढंगले जाने हो भने अधोगतिमा ब्रेक नलागे कम्तिमा पनि श्रीलंकाको अवस्थामा पुगिन्छ । त्यसअघि के हो भन्न सकिन्न । तसर्थ हामी अहिले नै सतर्क हुनुपर्छ ।” ...

काठमाडौं । नेपाली कांग्रेसका केन्द्रीय सदस्य प्रदीप पौडेलले जारी केन्द्रीय कार्यसमितिको बैठकमा सरकारको कामको प्रभावकारिताबारे छलफल हुने बताएका छन् । सोमबार सञ्चारकर्मीसँग कुराकानी गर्दै उनले जनताको जनजीविकाका विषयमा सरकारले प्रभावकारिता बढाउन आवश्यक रहेको बताए । “सरकारका कमी–कमजोरीहरूका विषयमा छलफल हुन्छ । जनजीविकाको सवालमा सरकार पूर्ण असफल भयो त म भन्दिनँ, प्रभावकारिता बढाउन आवश्यक छ,” उनले भने, “मल उपलब्ध गराउने, पाठ्यपुस्तक उपलब्ध गराउने सवालमा, महँगी, शान्ति सुव्यवस्था कायम गर्ने सवालमा, हाम्रो कूटनीतिक विषयका सवालमा सरकारले लोकप्रियता बढाउनुपर्छ । अलोकप्रिय हुने निर्णय गर्नु हुँदैन ।” यस्तै, पार्टीको आन्तरिक राजनीतिका सबै समस्या समधान गर्ने गरी बैठकबाट निर्णय हुने उनले बताए । नेतृत्वलाई थप बलियो बनाउने र नेतृत्वले सबैलाई समेट्छ भनेर विश्वास दिलाउने गरी बैठक...

काठमाडौं । सरकारले दुई देशका लागि राजदूत नियुक्त गरेको छ ।  मन्त्रिपरिषद्‌को सिफारिसमा राष्ट्रपति विद्यादेवी भण्डारीले सोमबार सुशिलकुमार लम्साललाई इजिप्ट र भरतकुमार रेग्मीलाई अस्ट्रियाका लागि नेपालको राजदूतमा नियुक्त गरेकी हुन् । उनीहरूलाई नेपालको संविधानको धारा २८२ को उपधारा (१) बमोजिम नियुक्त गरिएको राष्ट्रपतिको कार्यालयले जनाएको छ । ...