राजनीति

काठमाडौं । राष्ट्रपति विद्यादेवी भण्डारीले आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचनमा नेपाली सेना परिचालन गर्न सरकारलाई अनुमति प्रदान गरेकी छन् । आइतबार राष्ट्रपतिको कार्यालयबाट जारी विज्ञप्तिमा निर्वाचनमा सेना परिचालनका लागि अनुमति दिइएको जनाइएको छ । “सम्माननीय राष्ट्रपति श्रीमती विद्यादेवी भण्डारीज्यूबाट संवत् २०७९ साल मंसिर ४ गते हुने प्रतिनिधिसभा तथा प्रदेशसभा सदस्य निर्वाचन स्वतन्त्र, निष्पक्ष एवं भयरहित वातावरणमा सम्पन्न गर्न ‘एकीकृत सुरक्षा कार्य योजना, २०७९’ मा व्यवस्था भएअनुसार सुरक्षा निकायहरूबीच एकीकृत तथा समन्वयात्मक रूपमा सुरक्षा प्रदान गर्ने कामका लागि राष्ट्रिय सुरक्षा परिषद्को मिति २०७९/५/१७ को बैठकको सिफारिसका आधारमा मन्त्रिपरिषद्को मिति २०७९/५/२७ को निर्णय तथा सम्माननीय प्रधानमन्त्रीको मिति २०७९/५/२७ को पत्रको आधारमा संवत् ...

काठमाडौं । नेकपा (एमाले)का महासचिव शंकर पोखरेलले गठबन्धन सरकारका कारण मुलुकको आर्थिक अवस्था अस्तव्यस्त भएको बताएका छन् । शनिबार काठमाडौंमा पार्टीको अर्थ तथा योजना विभागको बुलेटिन सार्वजनिक गर्दै उनले गठबन्धनका नेताहरूको ध्यान आफ्नो लाभमा मात्र केन्द्रित भएकाले मुलुकको आर्थिक अवस्था अस्तव्यस्त भएको जिकिर गरे । मुलुकको बिग्रिएको आर्थिक अवस्थालाई सही दिशामा ल्याउने काम एमालेले मात्र गर्न सक्ने उनको भनाइ छ । निर्वाचन व्यक्तिको जित–हारको मात्र विषय नभएको उनले बताए । नीतिको प्रश्न छाडेर गरिने गठबन्धनले राष्ट्रलाई अघि बढाउन नसक्ने उनले उल्लेख गरे । एमालेले केपी शर्मा ओलीको नेतृत्वमा निर्वाचनमा प्रतिस्पर्धा गर्ने घोषणा गरेको भन्दै उनले सत्ता गठबन्धनको कुनै नेतृत्व नभएको टिप्पणी गरे । ...

काठमाडौं । प्रमुख प्रतिपक्ष दल नेकपा (एमाले)का सचिव टोपबहादुर रायमाझीले सत्तारूढ दलहरूसँग आसन्न निर्वाचनमा आफ्नो पार्टीसित एक्लाएक्लै भिड्ने हिम्मत नभएको जिकिर गरेका छन् । एमालेसँग एक्लै चुनाव लड्ने हिम्मत नभएकाहरूले नेपाली कांग्रेससँग गठबन्धन गरेर आफ्नो अस्तित्व रक्षा गर्न खोजेको उनको भनाइ छ । शनिबार काठमाडौंमा नेकपा (एमाले) अर्घाखाँची–काठमाडौं सम्पर्क मञ्चले आयोजना गरेको एक कार्यक्रममा उनले एमालेसँग प्रतिस्पर्धा गर्न नसकिने निष्कर्षमा पुगेपछि सत्तारूढ दलहरू गठबन्धन गरेरै निर्वाचनमा जान बाध्य भएको दोहोर्‍याए । सत्ता गठबन्धन देशी–विदेशी प्रतिक्रियावादीको इसारामा चलेको भन्दै सचिव रायमाझीले उनीहरूलाई नेपाली जनताले निर्वाचनमा परास्त गर्नुपर्नेमा जोड दिए । ‘नेकपा (एमाले)सँग आज निर्वाचनमा एक्लै भिड्ने कसैको हिम्मत छैन भन्ने कुरा उनीहरूले गठबन्धन बनाएबाट पुष्टि हुन्...

बुटवल । नेकपा (एमाले)का देवदह नगर अध्यक्ष टिकाराम चापागाईंले पार्टी परित्याग गरी संघीय निर्वाचनमा स्वतन्त्र उमेदवारी दिने घोषणा गरेका छन् । रुपन्देही–१ क्षेत्रका जनताका लागि काम गर्न तथा स्थानीयका समस्या र गुनासालाई समाधान गर्न पार्टीभन्दा माथि उठ्नुपर्ने भन्दै एमाले परित्यागको घोषणा गरेका हुन् । शनिबार उनले आफ्नो फेसबुकमार्फत पार्टी परित्यागको घोषणा गरेका छन् । उनले आउँदो मंसिर ४ गते हुने प्रतिनिधिसभा सदस्य निर्वाचनका लागि स्वतन्त्र रूपमा उमेदवारीको घोषणा समेत गरेका छन् । ...

जनकपुरधाम । कुनै बेला मधेस प्रदेशमा नेकपा (एमाले)का अध्यक्ष केपी शर्मा ओलीको दिनहुँ विरोध गरिन्थ्यो । ओलीअंकित तस्बिर र पुतला जलाइन्थ्यो । उनी विरुद्ध ठाउँ–ठाउँमा कार्यक्रम हुन्थ्यो । उनलाई कतिपय ठाउँमा प्रवेश गर्न पनि रोक लगाइएको थियो । तर, अहिलेको परिवेश र परिस्थिति फरक भइसकेको छ । उनलाई स्वागत र एमाले प्रवेश गर्न मधेसकै नेताहरू आतुर देखिन्छन् । गएको स्थानीय तह निर्वाचनको मत परिणाम र एमाले प्रवेश गरेकाहरूको विवरणले अहिले मधेसमा ओलीप्रति पहिलाको जस्तो धारणा नरहेको पुष्टि गर्छ । ओली केही समययता मधेसमा संगठन विस्तारमा निकै सक्रिय देखिएका छन् । वरिष्ठ नेता माधवकुमार नेपाल समूह एमालेबाट अलग्गिएर नेकपा (एकीकृत समाजवादी) गठन गरेपछि मधेसमा ओलीको दौडधुप बढेको हो । उनी १० दिनको अन्तरालमा तीनपटक मधेस प्रदेश आए । तीनैपटक यहाँका प्रभावशाली नेताहरूलाई एमालेमा प्रवेश गराए । यो अवधिमा ...

काठमाडौं । नेपाल समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले नेपालमा भूराजनीतिक संकट निम्तिएको बताएका छन् । शनिबार काठमाडौंमा आयोजित एक कार्यक्रममा उनले नेपालको भूराजनीतिक संकटमा अमेरिका, चीन र भारतबीच तानातान भइरहेको जिकिर गरे । उनले भूराजनीतिक संकटका कारण देशमा संघीयतालाई कमजोर पार्ने, अर्थतन्त्रलाई कमजोर पार्ने र अराजकता निम्त्याउने प्रयास भइरहेको बताए । उनले संकटलाई ध्यान दिँदै देशलाई नयाँ दिशा दिलाउनका निम्ति अहिलेदेखि नै तयारी गर्न आवश्यक रहेको औँल्याए । केही समययता नेपालमा राजनीतिको गम्भीर ढंगले स्खलन भएको उनले उल्लेख गरे । “यो निर्वाचनपछि नयाँ राजनीतिक ध्रुवीकरण हुँदै अग्रगमनतर्फको दिशामा अघि बढ्नेछ । किनकि, पुराना शक्तिहरूले यो देशलाई झन् बर्बादीतिर लिएर जाँदै छन् । जुन भूराजनीतिक संकट चीन, अमेरिकाबीचको तानातान बढ्दै छ, यसले द...

काठमाडौं । सत्ताको नेतृत्वकर्ता दल नेपाली कांग्रेसमा आसन्न निर्वाचनका लागि निर्वाचनमा आयोगमा बुझाइएको समानुपातिकतर्फको बन्दसूचीको विषयलाई लिएर असन्तुष्टि चुलिएको छ । उक्त सूची बुझाएसँगै नेता डा. शेखर कोइराला समूह पार्टी सभापति शेरबहादुर देउवासित थप चिढिएको हो । सोहीविरुद्ध शनिबार काठमाडौंमा शेखर समूहले खबरदारीसभा आयोजना गर्‍यो । देउवालाई सामानुपातिक सूची सच्याउन दबाब दिन उक्त सभा आयोजना गरिएको हो । आफूहरूप्रति ‘न्यायोचित’ भागबन्डा हुनुपर्ने शेखर समूहको माग छ । खबरदारीसभामा सहभागी नेता भीमसेनदास प्रधानले समानुपातिकतर्फको बन्दसूचीपछि आफूहरू नेतृत्वप्रति सशंकित भएको बताए । पार्टीभित्र आफूसँग असहमति राख्ने, आफूलाई १४औँ महाधिवेशनमा मत नहालेकै कारणले ‘सशक्त व्यक्तित्वलाई तेजोवध गर्ने ढंगले पार्टी नेतृत्व लागेको’ उनको आरोप छ । “बन्दसूचीपछि हामीलाई सचेत गराउने काम ...

बुटवल । नेकपा (एकीकृत समाजवादी)की सचिव एवं पूर्वसहरी विकास मन्त्री रामकुमारी झाँक्रीले निर्माण व्यवसायीहरूले समयमा काम सम्पन्न नगर्दा विकास निर्माण कार्यमा ठूलो असर पुगेको बताएकी छन् ।  शुक्रबार गुल्मीमा आयोजित एक कार्यक्रममा बोल्दै उनले निर्माण व्यवसायीले ठेक्का हातमा पार्नका लागि तछाडमछाड गर्ने तर ठेक्का पाएपछि समयमा काम नगर्ने परिपाटीले करोडौँका योजनाहरू अलपत्र पर्ने गरेको बताइन् । नेतृ झाँक्रीले निर्माण व्यवसायीहरूलाई बोलाएर सम्झाउन र योजनाको कामलाई अलपत्र पर्न नदिने वातावरण बनाउनका लागि प्रमुख जिल्ला अधिकारीलाई ध्यानाकर्षण गराइन् । गुल्मीको पहिचानको मुख्य आधार भनेको छोटो सडक, पुर्वाधारका अतिरिक्त पर्यटकीय गन्तव्य स्थल महत्त्वपूर्ण रहेको भन्दै झाँक्रीले अब जनतालाई चिल्ला कुरा गरेर मात्र हैन कामबाट परिणाम देखाएर मन जित्नुपर्ने समय आएको बताइन् । ...

जनकपुरधाम । मधेस प्रदेशमा चार दिनदेखि राष्ट्रपति विद्यादेवी भण्डारीविरुद्ध प्रदर्शन भइरहेको छ । नागरिकता विधेयक प्रमाणीकरण नगरेपछि मधेसवादी दलहरूले निरन्तर रूपमा राष्ट्रपतिविरुद्ध प्रदर्शन गरिरहेका छन् । राष्ट्रपतिको राजीनामा माग गर्दै शुक्रबार पनि जनकपुरधाम जनक चोकस्थित प्रदर्शन गरिएको छ । जनता समाजवादी पार्टी (जसपा)को नेतृत्वमा शुक्रबार भएको प्रदर्शनमा राष्ट्रपति भण्डारीको राजीनामा माग गर्दै नेता तथा कार्यकर्ताहरूले प्रदर्शन गरेका हुन् । राष्ट्रपतिले एमाले अध्यक्ष केपी शर्मा ओलीको इसारामा नागरिकता विधेयक प्रमाणीकरण नगरेको प्रदर्शनकारीहरूको आरोप छ ।  उनीहरूले ‘राष्ट्रपति राजीनामा देऊ, नागरिकता विधेयक प्रमाणीकरण गर, संविधानलाई पालना गर, संविधान उल्लंघन गर्न पाइँदैन’लगायतका नारा लगाएका थिए ।  जसपा नगर अध्यक्ष विष्णुदेव साहको नेतृत्वमा भएको कार...

काठमाडौं । समानुपातिक सूचीमा एकलौटी गरेको भन्दै सत्तारुढ दल नेपाली कांग्रेसमा असन्तुष्टिले उग्र रूप लिएको छ । संस्थापन पक्षअर्थात् पार्टी सभापति शेरबहादुर देउवाले एकलौटी ढंगबाट समानुपातिक सूची बुझाएको भन्दै इतर समूह प्रतिकारमा उत्रिएको हो ।  पार्टीमा संस्थापन पक्षले इतर समूहलाई उपेक्षा गरेको भन्दै खबरदारी सभाको आयोजना गरेको छ । शेखर समूहले शनिबार बानेश्वर ब्याक्वेटमा दिउँसो १ बजेलाई खबरदारी भेला आयोजना गरेको समूहका नेता जगदिश्वर नरसिंह केसीले जानकारी दिए । “समानुपातिक सूचीमा सभापतिज्यूले एकलौटी गर्नुभयो । हाम्रो समूहका साथीहरूको नाम काट्ने काम भयो,” उनले भने, “पार्टीभित्र मनपरित्रतन्त्र हावी भयो । सभापतिले एकलौटी गरेपछि हामीले खबरदारी सभाको आयोजना गरेका हौँ ।” नेता केसीका अनुसार समानुपातिक सूचीमा संस्थापन पक्षले एकलौटी गरेजस्तै प्रत्यक्ष तर्फको टिकटमा पनि एकपक्ष...