२०७९ मंसिर २२
Advertisement

Advertisement

राष्ट्रपतिविरुद्ध मधेसमा चार दिनदेखि प्रदर्शन जारी, राजीनामा दिनुपर्ने माग




जनकपुरधाम । मधेस प्रदेशमा चार दिनदेखि राष्ट्रपति विद्यादेवी भण्डारीविरुद्ध प्रदर्शन भइरहेको छ । नागरिकता विधेयक प्रमाणीकरण नगरेपछि मधेसवादी दलहरूले निरन्तर रूपमा राष्ट्रपतिविरुद्ध प्रदर्शन गरिरहेका छन् ।


Advertisement


राष्ट्रपतिको राजीनामा माग गर्दै शुक्रबार पनि जनकपुरधाम जनक चोकस्थित प्रदर्शन गरिएको छ । जनता समाजवादी पार्टी (जसपा)को नेतृत्वमा शुक्रबार भएको प्रदर्शनमा राष्ट्रपति भण्डारीको राजीनामा माग गर्दै नेता तथा कार्यकर्ताहरूले प्रदर्शन गरेका हुन् ।

राष्ट्रपतिले एमाले अध्यक्ष केपी शर्मा ओलीको इसारामा नागरिकता विधेयक प्रमाणीकरण नगरेको प्रदर्शनकारीहरूको आरोप छ । 



उनीहरूले ‘राष्ट्रपति राजीनामा देऊ, नागरिकता विधेयक प्रमाणीकरण गर, संविधानलाई पालना गर, संविधान उल्लंघन गर्न पाइँदैन’लगायतका नारा लगाएका थिए । 

जसपा नगर अध्यक्ष विष्णुदेव साहको नेतृत्वमा भएको कार्यक्रममा जसपा नेता ज्ञानेन्द्र यादव, चमेली देवी दास र जितेन्द्र यादवलगायतको उपस्थिति थियो । 

गएको मंगलबारदेखि मधेस प्रदेशका जिल्लाहरूमा लोकतानित्रक समाजवादी पार्टी (लोसपा), तराई मधेस लोकतान्त्रिक पार्टी (तमलोपा) र जसपाको नेता तथा कार्यकर्ताहरूले प्रदर्शन गर्दै आइरहेका छन् ।

Copy link
Powered by Social Snap