Author: Senior Editor Nima

काठमाडौं । पूर्वप्रधानमन्त्री डा. बाबुराम भट्टराई नेतृत्वको नेपाल समाजवादी पार्टीले आगामी निर्वाचनका लागि घोषणापत्र सार्वजनिक गरेको छ । आइतबार काठमाडौंमा आयोजित एक कार्यक्रममा भट्टराईले पार्टीको घोषणापत्र सार्वजनिक गरेका हुन् ।  घोषणपत्रमा संविधान संशोधनमार्फत प्रत्यक्ष निर्वाचित राष्ट्रपति र प्रदेश प्रमुखहरूको व्यवस्था गरिने उल्लेख गरेको छ भने संविधान संशोधन गर्न सहमत राजनीतिक दलहरूलाई दुई तिहाइ मत दिन अपिल गरिएको भट्टराईले बताए । घोषणापत्रमा राष्ट्रपति र प्रदेश प्रमुखमा निर्वाचित व्यक्ति दुई कार्यकालभन्दा बढी रहन नसक्ने व्यवस्था पनि गर्ने उल्लेख छ भने राज्यपुनर्संरचना आयोगको प्रतिवेदनको आधारमा प्रदेशहरूको पुनर्संरचना गर्ने, स्थानीय तहहरूलाई बलियो र अधिकार सम्पन्न गर्ने उल्लेख गरिएको छ । भट्टराईले मुलुकको आर्थिक विकासका लागि समतामूलक समृद्धिको अवधारणा अगाडि स...

काठमाडौं । सत्तारूढ दल नेपाली कांग्रेसको चुनावी घोषणापत्र सोमबार (भोलि) मात्र सार्वजनिक गरिने भएको छ । महामन्त्री विश्वप्रकाश शर्माको संयोजकत्वमा रहेको घोषणापत्र लेखन समितिले आज बेलुका ५ बजे भर्चुअल माध्यमबाट घोषणापत्र सार्वजनिक गर्ने भनिएको थियो । तर, अन्तिम समयमा सो कार्यक्रम स्थगन गरियो । कांग्रेस केन्द्रीय कार्यालयका मुख्यसचिव कृष्ण पौडेलले विज्ञप्ति जारी गरी आजको कार्यक्रम स्थगन गरिएको र सोमबार बिहान १०ः३० बजे मात्र घोषणापत्र सार्वजनिक गरिने जानकारी दिए । घोषणापत्र लेखन समितिका सदस्य जीवन परियारले प्रधानमन्त्री समेत रहेका पार्टी सभापति शेरबहादुर देउवा सत्ता गठबन्धनको कार्यक्रमका क्रममा काठमाडौंबाहिर रहेको र इन्टरनेटमा जोडिन समस्या भएकाले उक्त कार्यक्रम रोक्नुपरेको जानकारी दिए । ...

धनगढी । प्रधानमन्त्री एवं नेपाली कांग्रेसका सभापति शेरबहादुर देउवाले संविधान, गणतन्त्रको रक्षाका लागि आसन्न निर्वाचनमा सत्ता गठबन्धनलाई जिताउन आवश्यक रहेको बताएका छन् । आइतबार धनगढीमा आयोजित एक कार्यक्रममा उनले निर्वाचनपछि देश कता जाने भन्ने गम्भीर मोडमा रहेको बताए । उनले सुदूरपश्चिमबाट गठबन्धन दलका उमेदवारहरूलाई जिताउन आग्रह समेत गरे । कार्यक्रममा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले गठबन्धनको मुख्य मुद्दा भनेकै संविधानको रक्षा भएको बताए । प्रतिगामीहरूलाई परास्त गर्नका लागि गठबन्धन गरिएको उनले उल्लेख गरे । “हामी संविधान, लोकतन्त्र र संघीयताको रक्षाका लागि एक ठाउँमा छौँ,” प्रचण्डले भने, “अर्को थरीले रछ्यानमा मिल्काएको राजतन्त्र फर्काउनका लागि गठबन्धन गरेका छन् ।” नेकपा (एकीकृत समाजवादी)का अध्यक्ष माधवकुमार नेपालले आसन्न निर्वाचनमार्फ...

काठमाडौं । नेकपा (एकीकृत समाजवादी)का अध्यक्ष माधवकुमार नेपालले निर्वाचन प्रचारको क्रममा आफूले मतदातालाई प्रलोभन देखाउनेगरी अभिव्यक्ति नदिएको दाबी गरेका छन् ।  आइतबार निर्वाचन आयोगले सोधेको स्पष्टीकरणको जवाफ दिँदै उनले आफूले निर्वाचन आचारसंहिता पालना गर्ने प्रतिवद्धता पनि व्यक्त गरेका छन् । चार बुँदामा स्पष्टीकरण दिँदै उनले भनेका छन्, "पत्रमा भनिएजस्ता निर्वाचनको सिलसिलामा मैले कुनै उमेदवार वा मतदाता वा निजहरूमध्ये कसैको सरोकार वा स्वार्थ भएको कुनै व्यक्ति वा निर्वाचन अधिकृत वा निर्वाचनमा संलग्न कुनै कर्मचारीलाई कुनै किसिमको प्रभाव पार्ने कार्य गरेको छैन । मैले कसैलाई कुनै किसिमको लोभलालच वा आर्थिक प्रलोभन देखाउन कुनै कामकारबाही गरको छैन । अतः उक्त पत्रमा भनिएजस्तो अभिव्यक्ति मैले दिएको छैन ।" आयोगले निर्वाचन प्रचारको क्रममा नेपालले आचारसंहिता उल्लंघन हुनेगरी म...

काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले उमेदवारी मनोनयन दर्ताका क्रममा बाजागाजा बजाउने पार्टीको निर्णय नभएको स्पष्ट पारेका छन् । निर्वाचन आयोगले सोधेको स्पष्टीकरणको जवाफ दिँदै उनले कताबाट बाजा बज्यो भन्ने समेत आफूलाई थाहा नभएको उल्लेख गरेका छन् । उनी आसन्न निर्वाचनमा गोरखा क्षेत्र नम्बर–२ बाट प्रतिनिधिसभा सदस्य पदका उमेदवार हुन् । “हामीले आचारसंहिता पालना गरेका छौँ । बाजागाजा कताबाट बजाएर आए, त्यो कुरा हामीलाई जानकारी हुने कुरा भएन । बाजा बजाउने पार्टीको योजना थिएन,” प्रचण्डले दिएको स्पष्टीकरणको जवाफ उद्धृत गर्दै आयोग स्रोतले भन्यो । आयोगले निर्वाचन आचारसंहिताविपरीत उमेदवारी मनोनयन दर्ताका क्रममा बाजागाजा किन बजाएको बारेमा स्पष्टीकरण सोधेको थियो । ...

काठमाडौं । अर्थशास्त्री समेत रहेका नेपाली कांग्रेसका नेता स्वर्णिम वाग्लेले पार्टीका महामन्त्री गगन थापा प्रधानमन्त्री बन्नुपर्ने बताएका छन् । शनिबार काठमाडौंमा आयोजित एक कार्यक्रममा उनले क्षेत्रसँगै सिंगो देशको विकास गर्न गगनको नेतृत्व आवश्यक रहेको बताए । “उहाँको प्रस्तुति तयारीसहितको तथ्यमा टेकेर विज्ञहरूको कुरा सुनेर हुन्छ । गएको संसद्मा पनि गगन थापा र मीनेन्द्र रिजालको मात्र उपस्थित संसद्मा बलियो थियो,” उनले भने, “ओलीको दुईतिहाइ सरकारलाई अलिकति भए पनि उत्तरदायी बनाउने काम उहाँबाट भएकै हो । कोभिडको समयमा सरकारसँग मिलेर काम गर्न चाहेको, स्वास्थ्य बिमाका विषयको विषय उदाहरण हुन् ।” ...

काठमाडौं । नेपाली कांग्रेसका केन्द्रीय सदस्य बलबहादुर केसीले आसन्न निर्वाचन जित्नु नै आफ्ना लागि पहिलो महत्त्वपूर्ण कुरा भएको बताएका छन् । शनिबार काठमाडौंमा आयोजित एक कार्यक्रममा उनले काठमाडौंवासी सोलुखुम्बुका मतदातालाई चुनावअगावै निर्वाचनमा भोट हाल्न पठाइदिन पार्टी समन्वय समितिहरूलाई निर्देशन दिए । उनले मतदातालाई जिल्ला पठाउँदा अरू पार्टीका मानिस पनि त्यही हुलमा मिसिन सक्ने भन्दै सचेत रहन आग्रह गरे । नामै किटान गरेर उनले नेकपा (एमाले)का कार्यकर्ताहरू पनि गठबन्धनको हुलमा मिसिएर आफूले पठाएको सवारीसाधनबाट जिल्ला जान सक्ने आरोप लगाए । आफू ६ पटक निर्वाचन लडिसकेको अनुभवका आधारमा विगतमा पनि यस्ता गतिविधि भएको उनले सुनाए । गठबन्धनको बलमा सोलुखुम्बुबाट उमेदवार बनेका नेता केसीले एमालेबाट आफ्ना प्रतिस्पर्धी रहेका नेता मानवीर राईप्रति इंगित गर्दै सिंहदरबार नै नचिनेको मानिस...

काठमाडौं । निर्वाचन आयोगले आसन्न निर्वाचनलक्षित टिकटक भिडियो बनाएर पठाउन आग्रह गरेको छ । त्यसरी पठाइएका मध्ये उत्कृष्ट पाँच भिडियोलाई जनही ५० हजार रुपैयाँका दरले पुरस्कृत गरिने आयोगले जनाएको छ । आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचन प्रयोजनका लागि निर्वाचन प्रचारप्रसार, निर्वाचन आचारसंहिता, निर्वाचन शिक्षाजस्ता विषयमा आधारित रही २० सेकेन्डदेखि एक मिनेटसम्मको टिकटक भिडियो बनाएर पठाउन भनिएको छ । यही कात्तिक ५ देखि कात्तिक १५ गतेभित्र आयोगको इमेल ठेगाना ([email protected])मा भिडियो पठाउनुपर्नेछ । टिकटक भिडियो प्रतिनिधिसभा र प्रदेशसभा सदस्य निर्वाचन, २०७९ लक्षित हुनुपर्नेछ । भिडियो संवादमूलक, सन्देशमूलक हुनुपर्नेछ । आफ्नै मौलिक अडियो र अभिनय भएको भिडियोलाई प्राथमिकता दिइने आयोगले जनाएको छ । कुनै एक व्यक्तिले एउटा विषयमा पाँचवटासम्म भिडियो ...

जनकपुरधाम । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले ‘बागी’ उमेदवारलाई कारबाही गर्ने चेतावनी दिएका छन् । शनिबार जनकपुरधाममा आयोजित पाँचदलीय गठबन्धनको भेलामा उनले बागीलाई उमेदवारी निष्क्रिय गर्न आग्रह गरे । “गठबन्धनका नेताहरूबाट पनि केही कमजोरी भएको छ । जसका कारण कतिपय ठाउँमा बागी उमेदवार देखिएको छ,” उनले भने, “समस्यालाई सम्पूर्ण रूपमा हल गर्नैपर्छ । अन्तिमपटक सम्झाउँछौँ, नमाने कारबाही गर्नेछौँ । यो परिस्थितिमा रहन दिनु हुँदैन ।” ...

काठमाडौं । आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि उत्कृष्ट टिकटक भिडियो बनाउनेलाई निर्वाचन आयोगले पुरस्कृत गर्ने घोषणा गरेको छ । निर्वाचन प्रचारप्रसार, निर्वाचन आचारसंहिता तथा निर्वाचन शिक्षाजस्ता विषयमा आधारित उत्कृष्ट टिकटक भिडियो बनाउन आह्वान गर्दै आयोगले प्राप्त उत्कृष्ट भिडियोलाई पुरस्कृत गर्ने निर्णय गरेको हो । टिकटक भिडियो प्रतियोगितामा सहभागी हुनेले २० सेकेन्डदेखि एक मिनेटसम्मको बनाएर यही कात्तिक ५ देखि १५ गतेभित्र पठाइसक्नुपर्नेछ । आयोगले प्राप्त भएका मध्ये उत्कृष्ट पाँच भिडियोलाई जनही ५० हजार रुपैयाँका दरले पुरस्कृत गर्ने जनाएको छ । उनीहरूलाई प्रशंसापत्र समेत प्रदान गरिने बताइएको छ । ...