राजनीति

काठमाडौं । अमेरिकाका सहायक विदेशमन्त्री डोनाल्ड लू बिहीबार नेपाल आएका छन् ।  दुई दिने भ्रमणका लागि लू बिहीबार अपरान्ह काठमाडौं झरेका हुन् । नेपाल रहँदा उनले प्रधानमन्त्री शेरबहादुर देउवा र परराष्ट्रमन्त्री नारायण खड्कासँग भेटवार्ता गर्ने कार्यक्रम छ । त्यस्तै, उनी एक अवार्ड वितरण कार्यक्रममा सहभागी हुने बताइएको छ । सहायक विदेशमन्त्री लूको नेपाल भ्रमण नियमित भएको नेपालस्थित अमेरिकन दूतावासले जनाएको छ ।  ...

काठमाडौं । नेपाल नागरिकता (पहिलो संशोधन) विधेयक राष्ट्रियसभाबाट पारित भएको छ । प्रतिनिधिसभाबाट पारित भएपछि विधेयक राष्ट्रियसभामा पठाइएको थियो । बिहीबारको बैठकमा गृहमन्त्री बालकृष्ण खाँणले विधेयक पारित गर्न प्रस्ताव प्रस्तुत गरेका थिए । त्यसपछि सभाको बहुमतबाट विधेयक पारित गरिएको हो । विधेयक अब प्रमाणीकरणका लागि राष्ट्रपतिसमक्ष पठाइनेछ । राष्ट्रपतिबाट प्रमाणीकरण भएपछि नेपाल राजपत्रमा प्रकाशित गरिएसँगै कार्यान्वयन हुनेछ । ...

काठमाडौं । सत्तारूढ दल नेपाली कांग्रेसका नेता डा. शेखर कोइरालाले किसानसँग संवाद गरेका छन् । बुधबार पर्साको सुवर्णपुरमा कांग्रेस नेताहरू सञ्जय गौतम र रामकृष्ण यादवका साथ उनले किसानहरूसँग छलफल गरेका हुन् । त्यसक्रममा किसानले बाली लगाउने समयमा मलखादको अभाव र चर्को मूल्यवृद्धिको विषय उठाएका थिए । किसानले खेतीका लागि आवश्यक पानी र नहरको स्थायी व्यवस्थाका लागि पहल गरिदिन पनि माग गरे । नेता डा. कोइरालाले किसानको समस्या आफूले नजिकबाट बुझेको भन्दै गुनासो सम्बोधनका लागि तीनै तहका सरकारसमक्ष पहल गर्ने प्रतिबद्धता व्यक्त गरे । ...

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले राजा राखेरै देशलाई समृद्ध बनाउन सकिने बताएका छन् । मंगलबार काठमाडौंमा आयोजित पार्टी प्रवेश कार्यक्रममा लिङ्देनले राजादेखि कोही डराउनुनपर्ने बताए । यसका लागि मुलुकको वर्तमान शासन व्यवस्था नै परिवर्तन गर्नुपर्ने उनको भनाइ छ ।  उनले देशमा पूर्णसमानुपातिक संसद्, प्रत्यक्ष निर्वाचित प्रधानमन्त्रीका साथै अभिभावकीय भूमिकामा राजा रहनुपर्ने बताए । देशको बोझको रूपमा रहेको प्रदेशको संरचना खारेज गर्ने, भ्रष्ट नेताहरूलाई छानबिनको दायरामा ल्याएर कारबाही गर्नुपर्ने उनले बताए । उनले स्वतन्त्रताको नाममा अभिभावकविहीन ढंगले कुनै काम गरे दुर्घटनामात्र हुने तर्क गरे । ...

काठमाडौं । नेपाली कांग्रेसका नेता तथा सांसद प्रदिप गिरि अस्पताल भर्ना भएका छन् ।  उनलाई निमोनियाको संक्रमण भएपछि मेडिसिटी अस्पताल भर्ना गरिएको छ । “उहाँलाई आज निमोनिया देखिएपछि अस्पताल भर्ना गरिएको हो,” पत्रकार किशोर नेपालले भने, “डाक्टरले उहाँको स्वास्थ्य सुधार हुँदैछ भोलिसम्म हामी भेट गर्न दिन्छौँ भनेको छ ।” उनले आफूले गिरिलाई भेट गरेर फर्किएको जानकारी दिए । क्यान्सर पीडित गिरीले लामो समय भारतमा उपचार गराएका थिए । उनी आइतबार मात्र नेपाल फर्किएको पत्रकार नेपालले जानकारी दिए ।  ...

काठमाडौं । गत वैशाख ३० गतेको स्थानीय तह निर्वाचनमा प्रतिमतदाता २८४ रुपैयाँ खर्च भएको छ । निर्वाचन आयोगले आज पत्रकार सम्मेलन गरेर सार्वजनिक गरेको विवरणमा प्रतिमतदाता २८४ खर्च पर्न गएको उल्लेख छ ।  आयोगका  प्रवक्ता शालिग्राम शर्मा पौडेलका अनुसार निर्वाचनमा पाँच अर्ब ४३ करोड ३९ लाख दुई हजार ७६ खर्च भएको छ । यस निर्वाचनमा प्रतिमतदानकेन्द्र दुई लाख २९ हजार ५७ रुपैयाँ खर्च भएको आयोगले जनाएको छ । यो निर्वाचन मितव्ययी भएको आयोगको निष्कर्ष छ ।  आयोगकाअनुसार २०७४ को स्थानीय निर्वाचनमा प्रतिमतदाता ५०९ रुपैयाँ खर्च भएको थियो । अघिल्लो निर्वाचनको तुलनामा हालको निर्वाचनमा प्रतिमतदाता २२५ रुपैयाँ कम खर्च भएको छ ।  ...

काठमाडौं  । गएको वैशाख ३० गते सम्पन्न स्थानीय तह निर्वाचनमा वडाध्यक्षतर्फ नेपाली कांग्रेसले सबैभन्दा बढी मत पाएको छ । निर्वाचन आयोगले आज सार्वजनिक गरेको तथ्यांकअनुसार कांग्रेसले ६ हजार ७४३ वडाबाट ३९ लाख ५६ हजार १९३ मत प्राप्त गरेको छ  । आयोगको तथ्याकअनुसार जुन कुल मतको ३४.२८ प्रतिशत हो । एमालेले कांग्रेसभन्दा एक लाख ४४ हजार ५९१ मत कम पाएको तथ्यांकमा उल्लेख छ ।  नेकपा (एमाले)ले खसेको मतमध्ये ३८ लाख ११ हजार ६०२ मत पाएको छ । यो कुल मतको ३३.०३ प्रतिशत हो ।  त्यसैगरी नेकपा (माओवादी केन्द्र)ले एमाले पाएको मतभन्दा आधा मत पाउन नसकेको आयोगको तथ्यांकले देखाउँछ । उसले १५ लाख तीन हजार २४७ मत पाएको छ । ...

काठमाडौं । गत वैशाख ३० गते सम्पन्न स्थानीय तह निर्वाचनमा पाँच अर्ब चार करोड तीन लाख ९३ हजार खर्च भएको छ । निर्वाचन आयोगले आज पत्रकार सम्मेलन गरेर खर्च विवरण सार्वजनिक गरेको हो । जसअनुसार आयोगले तीन अर्ब ६ लाख सात हजार १२४ सरकार लाई फिर्ता गरेको जानकारी दिएको छ । आयोगले सरकारसँग ८ अर्ब ११ करोड माग गरेको थियो ।  ...

काठमाडौं । सभामुख अग्निप्रसाद सापकोटाले कोरोना संक्रमण पुनः बढ्दै गएको भन्दै मास्क प्रयोग गर्न आग्रह गरेका छन् । मंगलबार प्रतिनिधिसभाको बैठकमा सभामुख सापकोटाले कोभिड–१९ को संक्रमणदर पुनः बढ्दै गएको भन्दै संसद् बैठकमा उपस्थित हुँदा मास्क प्रयोग गर्न आग्रह गरे । उनले आवश्यक सतर्कता अपनाउन पनि आग्रह गरे । पछिल्लो समय नेपालमा कोरोना संक्रमितको संख्या बढ्दै गएको छ । तीन हजारभन्दा बढी संक्रमित आइसोलेसनमा छन् । ...

काठमाडौं । प्रधानमन्त्री शेरबहादुर देउवाविरुद्ध नाराबाजी गर्ने तीनजना युवा रिहा भएका छन् ।  उनीहरुले प्रधानमन्त्री देउवा सहभागी कार्यक्रममा एमसीसी पास गरेको भन्दै नाराबाजी गरेका थिए । नागरिकता विधेयकको पनि उनीहरुले विरोध गरेका थिए । तीनैजना युवा मंगलबार रिहा भएका हुन् ।