राजनीति

काठमाडौं । सत्तासाझेदार दल नेकपा (माओवादी केन्द्र)का प्रमुख सचेत देव गुरुङ एसपीपी सम्झौतासम्बन्धी सरकारको निर्णय अमेरिकालाई पत्रचार गर्न माग गरेका छन् । आजको प्रतिनिधिसभा बैठकमा उनले सरकारले गएको असार ६ गते एसपीपी सम्झौता नगर्ने निर्णय गरे पनि परराष्ट्र मन्त्रालयले पत्राचार नगरेको बताए । उनले छिट्टै पत्राचारका लागि ‘रुलिङ’ गर्न समेत माग गरे । विभिन्न पक्षसँग सल्लाह गरेर मात्र पठाइने भन्ने परराष्ट्र मन्त्रालयका प्रवक्ताको अभिव्यक्ति आएको भन्दै उनले आपत्ति समेत जनाए । “परराष्ट्र मन्त्रालयले यो निर्णय कार्यान्वयन गरिरहेको छैन । त्यसैले सम्मानीय सभामुखमार्फत एसपीपीसम्बन्धी निर्णयको प्रत्राचार अविलम्ब गरियोस् भन्ने रुलिङको माग गर्न चाहन्छु,” उनले भने । गुरुङले यसका पछाडि गम्भीर तयारी भइरहेको समाचार आइरहेको बताए । उनले अरू नामबाट सोही सैन्य सम्झौता गर्ने प्रयास...

काठमाडौं । प्रमुख प्रतिपक्ष दल नेकपा (एमाले)का सांसद प्रदीप ज्ञवालीले महँगी बढेको आवाज उठाउँदा फोटोसप गरी विषायान्तर गरिएको भन्दै गुनासो गरेका छन् । आजको प्रतिनिधिसभा बैठकमा उनले केही दिनअघि आफूले दुई थरी तरकारी पकाउन सकिने अवस्था छैन भन्दा अमेरिकामा खाना खाएको फोटोसप गरिएको बताए । “मूल्य बढ्यो भन्दा स्वीकार गर्नुको साटो कसले यो विषय उठायो ? फोटोसप गरेर हुन्छ कि के गरेर हुन्छ कि ट्रोल बनाउनेतिर लाग्छन् । अस्ति मैले यही विषय सार्वजनिक कार्यक्रममा बोलेको थिएँ,” उनले भने, “साथीहरूले मैले अमेरिकामा खाना खाइरहेको फोटो छापेर दुई थरी तरकारीको कुरा गर्नुभो । त्यसो गरेर उहाँको भान्छामा सस्तो हुन्छ भने मेरो शुभकामना छ ।” उनले विषायान्तर गरेर मूल्यवृद्धि नियन्त्रण गर्न सकिन्छ ? भन्दै प्रश्न गरे । महँगीको विषयमा छलफल गर्नुपर्ने बेलामा एम अधिकारी को हो भन्दै विषयान्तर गर...

काठमाडौं । नेपाली कांग्रेसकी सांसद रंगमती शाहीले नेकपा (एमाले)का सांसद भीम रावलले संसद्को ‘रोस्ट्रम कब्जा’ गरेकोप्रति कटाक्ष गरेकी छन् । आजको प्रतिनिधिसभा बैठकमा उनले सभामुखको आसन नै कब्जा हुने हो कि भन्ने चिन्ता बढेको भन्दै व्यंग्य गरिन् । “अब त सम्माननीय सभामुखज्यूको आसन नै कब्जा हुने हो कि भन्ने बढो चिन्ताको विषय बन्यो,” उनले भनिन् । बुधबारको प्रतिनिधिसभा बैठकमा रावलले एसपीपीको विषयमा धारणा राख्दा रोष्ट्रम छाड्नै नमानेपछि बैठक नै स्थगित गरिएको थियो । शाहीले आफैँले बनाएको नियमावली पढाउँदा पीएचडीको अपमान हुने भन्दै कटाक्ष समेत गरिन् । ...

काठमाडौं । सत्तासाझेदार दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र जनता समाजवादी पार्टी (जसपा) संघीय परिषद्का अध्यक्ष डा. बाबुराम भट्टराईबीच भेटवार्ता भएको छ । आज बिहान ललितपुरको हात्तीवनस्थित प्रचण्डनिकट एक व्यक्तिको घरमा करिब दुई घण्टा छलफल भएको डा. भट्टराईको सचिवालयले जनाएको छ । उनीहरूबीच बिहान ९ बजेदेखि भेटवार्ता भएको थियो । दुई नेताबीच गएको मंगलबार पनि सिंहदरबारमा भेटवार्ता भएको थियो । पार्टी एकता गरेर समाजवादी केन्द्र बनाउने विषयमा छलफल भएको बताइएको छ । डा. भट्टराईले एकता गरेर समाजवादी केन्द्र बनाउनुपर्नेमा जोड दिँदै आएका छन् । ...

काठमाडौं । निवर्तमान अर्थमन्त्री जनार्दन शर्माले आफूले राष्ट्रका लागि कुनै घात नगरेको बताएका छन् । संसदीय विशेष छानबिन समितिको बिहीबारको बैठकमा उनले यस्तो बताएका हुन् । उनले गएको जेठ १४ गते मध्यराति अस्वाभाविक रूपमा करको दरमा हेरफेर नगरिएको जिकिर गरे । “करको दर हेरफेर गरेर राष्ट्रका लागि घात गरेको छैन,” शर्माले बैठकमा भने । चालु आर्थिक वर्षको बजेट निर्माणका क्रममा अनधिकृत व्यक्तिलाई प्रवेश गराएको आरोप लागेका शर्मासित समितिले छलफल गरेको हो । तत्कालीन अर्थमन्त्री शर्माले २०७९/०८० को बजेट बनाउने क्रममा अनधिकृत व्यक्तिलाई मध्यरातमा मन्त्रालयमा बोलाएर करका दर हेरफेर गरेको आरोप लागेको छ । उक्त आरोपबारे छानबिन गर्न ११ सदस्यीय उक्त समिति गठन गरिएको हो । समिति बनेसँगै शर्माले पदबाट राजीनामा दिएका थिए । आज समिति गठन गरिएको १० दिन पूरा भएको छ । समय अपुग भएको भन्दै सात...

काठमाडौं । सहरी विकासमन्त्री मेटमणि चौधरीले इन्जिनियरहरू विदेश पलायन हुन नहुने बताएका छन् । बुधबार पुल्चोक क्याम्पस इन्जिनियरिङ अध्ययन संस्थानमा विद्यार्थीहरूसँग मन्त्री कार्यक्रमअन्तर्गत भएको सहरी विकास विषयक अन्तरक्रियामा बोल्दै मन्त्री चौधरीले इन्जिनियरहरू विदेशिन नहुने बताएका हुन् । इन्जिनियरिङ क्याम्पस भर्ना गर्नुअघि नै विदेश जाने मनोविज्ञान बोक्ने गरिएको भन्दै उनले त्यस्तो मनोविज्ञान त्याग्न विद्यार्थीहरूलाई आग्रह गरे । उनले मुलुक निर्माण गर्ने जिम्मेवारी इन्जिनियरहरूको पनि भएको उल्लेख गरे । मन्त्री चौधरीले सहरी विकाससम्बन्धी नीतिहरू बनाउँदा इन्जिनियरहरूको ज्ञानको पनि उपयोग गरिने बताए । "इन्जिनियरिङ कलेज भर्ना गर्नुभन्दा अगाडी विदेश जान पाइन्छ भन्ने जुन मनोविज्ञान छ । यसलाई सधैँभरिका लागि छोड्नुपर्छ । सरकारले लगानी लगाउने भनेको विदेशमा गएर आफ्नो ...

काठमाडौं । सत्तारूढ दल नेपाली कांग्रेसको हालै सम्पन्न केन्द्रीय कार्यसमितिको बैठकले १३ बुँदे निर्णय गर्‍यो । निर्णय नम्बर–७ मा आउँदो भदौ २ देखि २४ गतेसम्म राष्ट्रव्यापी रूपमा विशेष अभियान सञ्चालन गरिने उल्लेख छ । कांग्रेसले सोही बैठकबाट मंसिरमा हुनुपर्ने प्रदेश र प्रतिनिधिसभा निर्वाचनमा गठबन्धन गरेर होमिने निर्णय गरेको छ । गएको स्थानीय तह निर्वाचनमा भएको गठबन्धनलाई निरन्तरता दिने कांग्रेसले घोषणा गरिसकेको छ । कांग्रेससहित नेकपा (माओवादी केन्द्र), जनता समाजवादी पार्टी (जसपा), नेकपा (एकीकृत समाजवादी) र राष्ट्रिय जनमोर्चा वाम–लोकतान्त्रिक गठबन्धनमा आबद्ध छन् । गएको निर्वाचनमा पनि गठबन्धनको बलमा आफू पहिलो शक्ति बनेको कांग्रेसको निष्कर्ष छ । स्थानीय निर्वाचनमा कांग्रेसले ‘घरघर जाऔँ, कांग्रेस जिताऔँ’ अभियान सञ्चालन गरेको थियो । भदौ २ बाट गर्न लागिएको अभियान पनि निर्वा...

काठमाडौं । प्रधानमन्त्री शेरबहादुर देउवाले अमेरिका भ्रमण गर्ने भनिए पनि अहिलेसम्म भ्रमणको मिति तय हुन सकेको छैन । परराष्ट्र मन्त्रालयले प्रधानमन्त्री देउवाको भ्रमण कहिले हुने भन्ने निश्चित नभएको जानकारी दिएको छ । मन्त्रालयकी प्रवक्ता सेवा लम्सालले नियमति पत्रकार सम्मेलनमा भ्रमणबारे अझै स्पष्ट जानकारी नभएको बताइन् । उनले एउटा मितिलाई लिएर कुरा अघि बढेको तर दुवै पक्षबाट सहमति भएपछि मिति तय गरिने जानकारी दिइन् । अमेरिकासँग सैन्य रणनीति स्टेट पार्टनरसिप प्रोग्राम  (एसपीपी)मा नेपालले सम्झौता नगर्ने निर्णय गरेपछि देउवाको भ्रमण पनि रद्द हुन सक्ने आँकलन गरिएको थियो । यसैबीच, एसपीपी सम्झौतामा नेपाल सहभागी नहुने निर्णय परराष्ट्रले पत्रमार्फत अमेरिकालाई औपचारिक जानकारी दिने भनिएकोबारे अझै अध्ययन भइरहेको उनले बताइन् । “एसपीपीअन्तर्गत नै कतिपय सहयोग यसअघि नै आइस...

काठमाडौं । सत्तासाझेदार दल नेकपा (एकीकृत समाजवादी)का अध्यक्ष माधवकुमार नेपालले गठबन्धनको धेरै भरोसा नभएको बताएका छन् । उक्त पार्टीबाट स्थानीय तहमा निर्वाचित जनप्रतिनिधिहरूको प्रशिक्षण कार्यक्रममा बुधबार उनले गठबन्धन गर्दा अरूको सहारामा बाँच्नुपर्ने बताए । “गठबन्धनको धेरै भरोसा छैन । गठबन्धनको भर परेपछि अरूको सहारामा बाँच्नुपर्दो रहेछ,” उनले भने, “अरूको भरमा बाँच्ने मान्छेले केही गर्न सक्दैन । आफ्नै तागतमा जित्छु भन्ने भरोसा भएकाहरूले पार्टीको पनि विश्वास जित्न सक्दा रहेछन् ।” उनले स्थानीय तह निर्वाचनमा सत्ता गठबन्धनभित्र धोका भएको पनि बताए । आन्तरिक कारण समेत पराजित भएको उनको भनाइ छ । ...

काठमाडौं । प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले सत्ता गठबन्धन आफैँ फुट्ने बताएका छन् । बुधबार पार्टीको वाग्मती प्रदेश भेलामा उनले स्वार्थका लागि एकता भएकाले गठबन्धन आफैँ फुट्ने बताए । “एकता फोड्नका लागि चाँदीको तरबार बनाउन आवश्यक छैन । स्वार्थको टक्करबाट आफैँ फुट्छ,” उनले भने । केही दिनअघि राष्ट्रियसभागृहको कार्यक्रममा आफूले कोही वामपन्थी भए आउन र त्यसका लागि एमाले खुला भएको बताएको उनले जानकारी गराए । तर, आफ्नै पार्टीका नेता–कार्यकर्ताहरू अरूलाई भोट दिन गइरहेको भन्दै उनले शुद्धीकरणमा लाग्न आग्रह गरे । “...गठबन्धन टुट्नु हुँदैन, छोड्नु हुँदैन, छोड्दिनँ भनिरहेका छन् । हामी त्यस्ताहरूको वामपन्थीहरू भनेर अपेक्षा गर्छौँ, देश बनाउने कुरामा यी आऊलान्, लाग्लान् । यहाँ आफ्नै साथीहरू त अर्कैलाई भोट दिन कुदिरहेका बेलामा त्यस्ताहरू,” उनी भन्छन्, “त...