सर्वोच्च पुगेका पूर्वमाओवादीका चार नेताले दिए आफ्नै रिटको सुनुवाइ स्थगित गर्न निवेदन
सांसद पदमा पुनर्बहाली माग गर्दै सर्वोच्च अदालत पुगेका पूर्वमाओवादी केन्द्रका चार नेताले आजको सुनुवाइ आफैंले स्थगित गर्न निवेदन दिएका छन्।
उनीहरूले सर्वोच्चमा दायर गरेको रिटको पेशी शुक्रबार आनन्दमोहन भट्टराईको इजलासमा तोकिएको थियो।
तर उनीहरूले भने सुनुवाइ स्थगित गर्न निवेदन दिएको सर्वोच्च अदालतका प्रवक्ता बाबुराम दाहालले बताए।
Advertisement
'यसअघि हिजोको इजलासले यो मुद्दा हेर्न भ्याएको थिएन। आज न्यायाधीश आनन्दमोहन भट्टराईको इजलासमा पेशी तोकिएको थियो तर पक्षहरू आफैंले स्थगित गर्नुभएको छ,' उनले भने।
नेकपा माओवादी केन्द्रले सांसदबाट हटाएपछि पुनर्बहाली माग गर्दै टोपबहादुर रायमाझी, लेखराज भट्ट, प्रभु साह र गौरीशंकर चौधरीले बुधबार सर्वोच्चमा रिट दायर गरेका थिए।
बिहीबार चारै नेताको रिट न्यायाधीश दीपककुमार कार्कीको...
