मेसी सर्वकालीन महान् फुटबलर भएकोमा शंका छ र?
मंगलबार राती कतारको लुसेलस्थित लुसेल रंगशालामा लिओनल मेसीको जादूमयी खेलको साक्षी बन्न पाइयो। फिफा विश्वकप २०२२ को सेमिफाइनलमा मेसीले क्रोएसियाविरूद्ध आफ्नो कला देखाए। अर्जेन्टिना ३-० ले विजयी हुँदै उपाधि नजिक पुग्यो।
हुन त मेसीले क्वार्टरफाइनलमा नेदरल्यान्ड्सविरूद्धको खेलमा पनि उस्तै खेल देखाएका थिए। आफ्नो वरिपरि विपक्षीलाई फनफनी नचाउने र बललाई उत्कृष्ट तवरबाट पास निकाल्दा लुसेल रंगशालामा समर्थकको हुटिङ एक्कासी बढ्थ्यो।
क्रोएसियाविरूद्ध पहिलो गोल मेसीले पेनाल्टीबाट गरेका थिए। दोस्रो गोल अल्भारेजले गर्दा तेस्रो गोलमा मेसीको कला देखियो। उनले विपक्षी बक्सभित्र उत्कृष्ट तरिकाबाट बल घुमाउँदै अल्भारेजका लागि पास मिलाइदिएका थिए।
मैदानमा मेसीलाई विपक्षीले चार तिरबाट घेरिरहँदा उनको खुट्टा बलबाट बल फुत्किदैन थियो। विपक्षी शारीरिक रूपमा आफूभन्दा बलिया भए पनि मेसीले विपक्षीलाई छक्याइ...
