राजनीति

प्रमुख प्रतिपक्षी दल नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले प्रधानन्यायाधीश चोलेन्द्रशमशेर राणाबारे आफ्नो दलले कुनै धारणा नराख्ने बताएका छन्। Advertisement मंगलबार बिहान मोरङमा प्रेस चौतारीले गरेको पत्रकार भेटघाट कार्यक्रममा बोल्दै ओलीले यस विषयमा एमालेले बोल्नै पर्ने केही नभएको बताए। प्रधानन्यायाधीश राणाले अहिलेको सत्तारूढ गठबन्धनसँग मन्त्रालयमा भागबन्डा खोजेको, न्यायालयको सुधारमा अवरोध गरेको भन्दै उनले कि राजीनामा दिनु पर्ने कि संसदबाट महाअभियोग लगाउनु पर्ने माग उठिरहेका बेला ओलीले यस विषयमा एमाले तटस्थ रहने बताएका हुन्।   ‘पहिला संवैधानिक इजलास जबरजस्ती फेर्ने, अरूले केही गर्नु नपर्ने अनि सबै प्रधानन्यायाधीशले मात्रै व्यहोर्नु पर्ने,’ ओलीले भने,‘यो राजनीति हो, यो दाउपेच हो। एमाले यसमा संलग्न हुँदैन।’ ओली सरकारमा ...

नेकपा एमाले उपाध्यक्ष भीम रावलले सुदूरपश्चिमका कुनै पनि जिल्लामा वडा अधिवेशन नभएको बताएका छन्। Advertisement संक्षिप्त कुराकानी गर्दै उपाध्यक्ष रावलले वडा अधिवेशनको विवरण आफूलाई प्राप्त नभएको बताए। 'वडा अधिवेशनको विवरण प्राप्त भएको छैन। सुदूरपश्चिममा कहीँ पनि वडा अधिवेशन भएको छैन,'उनले भने,'कर्णालीको पनि कतिपय ठाउँमा भएको छैन। कतिपय ठाउँमा पनि भएको छैन भन्ने सुनेको छु। तर सबै सूचना के हो, कसो हो प्राप्त भएको छैन।' एमाले पार्टी कार्यालयका सचिव शेरबहादुर तामाङले भने ६ हजार ७४३ वडामध्ये ६ हजारभन्दा बढी वडामा अधिवेशन भएको बताए। 'सुदूरपश्चिमका सबै वडामा अधिवेशन भएको छैन भन्नु गलत हो। बाढी प्रभावित कतिपय ठाउँमा वडा अधिवेशन भएको छैन,'उनले भने,'देशभरिको सूचना संकलन गरिरहेका छौं। ६ हजारभन्दा धेरै वडामा अधिवेशन भइसकेको छ।' ...

निर्वाचन आयोगका पदाधिकारीले आगामी चुनावबारे केन्द्रित रहेर प्रधानमन्त्री शेरबहादुर देउवासँग छलफल गरेका छन्। Advertisement आउँदो फागुन २१ बाट रिक्त हुने राष्ट्रिय सभाका १९ सदस्यको निर्वाचनको मिति तोक्नेलगायत विषयमा आज छलफल भएको हो। प्रमुख निर्वाचन आयुक्त दिनेशकुमार थपलियासहित आयुक्तहरूले बालुवाटार पुगेर प्रधानमन्त्री देउवासहित गृहमन्त्री बालकृष्ण खाण, ऊर्जामन्त्री पम्फा भुसाल, सञ्चार मन्त्री ज्ञानेन्द्रबहादुर कार्की, कानुन मन्त्री दिलेन्द्रप्रसाद बडुलगायतसँग छलफल गरेका थिए। स्थानीय तहको निर्वाचनबारे पनि आज कुराकानी भएको थियो। आयोगले चैतभित्रै स्थानीय तहको निर्वाचन गर्नुपर्ने बताएको थियो। साथै प्रतिनिधि सभामा रिक्त चार सदस्य, प्रदेश सभामा रिक्त १८ सदस्य पदमा उपनिर्वाचन गर्नेबारे पनि छलफल भएको आयोगले जनाएको छ। प्रधानमन्त्री देउवाले राष्ट्...

कर्णाली प्रदेशमा पछिल्लो समय मुख्यमन्त्री परिवर्तनको विषय पेचिलो बन्दै गएको छ। कर्णालीमा नेकपा माओवादी केन्द्रका महेन्द्रबहादुर शाही मुख्यमन्त्री छन्। सत्तारूढ अर्को दल नेपाली कांग्रेसले अब मुख्यमन्त्री आफूले पाउनु पर्ने माग गरिरहेको छ। शाही अल्पमतमा परेका बेला विश्वासको मत जुटाउन सहयोगी बनेको कांग्रेस अब आफूले नै मुख्यमन्त्री पाउनु पर्ने अडानमा छ तर माओवादी केन्द्रले मुख्यमन्त्री नछाड्ने मनस्थिति बनाएको छ। कांग्रेसले शाहीलाई मुख्यमन्त्रीमा विश्वासको मत दिनुअघि आलोपालो मुख्यमन्त्री बन्ने सहमति गरेको थियो। उक्त सहमतिअनुसार नै माओवादीले आफूलाई मुख्यमन्त्री छाड्नु पर्ने कांग्रेसको दाबी छ। Advertisement सत्ता हस्तान्तरणको समय नजिकिएका बेला माओवादी र कांग्रेसबीच सम्बन्ध सुमधुर देखिएको छैन। कांग्रेस र माधवकुमार नेपाल पक्षका चार सांसदको साथमा म...

प्रधानन्यायाधीश चोलेन्द्रशमशेर राणा।  प्रधानन्यायाधीश चोलेन्द्रशमसेर राणाले गजेन्द्र हमाललाई मन्त्री बनाउनमा आफ्नो कुनै संलग्नता नभएको बताएका छन्। पेसी व्यवस्थापनमा गोलाप्रथा र समसामयिक विषयमा प्रधानन्यायाधीशसँग छलफल गर्न पुगेको नेपाल बारको कार्यसमितिसँग उनले यस्तो स्पष्टीकरण दिएका हुन्।  Advertisement छलफलमा उपस्थित एक सदस्यका अनुसार उनलाई बार अध्यक्ष चण्डेश्वर श्रेष्ठले गोलाप्रथा लागू गर्न आलटाल गरेको र मन्त्रिपरिषदमा भाग खोजेको विषय के हो भनेर सोधेका थिए।  उनको प्रश्नमा उत्तर दिँदै राणाले हमाललाई मन्त्री बनाउन आफ्नो कुनै संलग्नता नरहेको र हमालसँग आफ्नो आउजाउसमेत नभएको उत्तर दिएका थिए। 'मेरो २०४१ सालमा मृत्यु भएको श्रीमतीको दाजु हो उहाँ। हाम्रो नाता त कायम छ तर अहिले हाम्रो आउजाउ राम्रो छैन। उहाँ मन्त्री भएको विषयमा मलाई जोडियो। उह...

प्रहरी नजरमा ‘फरार’ नेकपा एमालेकी सासद गुलेफुन खातुन मियाँ प्रदेश नम्बर १ का मुख्यमन्त्री भीम आचार्यलाई विश्वासको मत दिन आउने चर्चापछि प्रहरी ‘अलर्ट’ बनेको छ। Advertisement आज मुख्यमन्त्री आचार्यले प्रदेश सभामा विश्वासको मत लिने तयारी गरेका छन्। सरकारी कागजात किर्ते गरेको अभियोगमा अदालतबाट दोषी ठहर भएपछि उनी फरार छिन्। ‘उहाँ लामो समयदेखि प्रदेश सभाको बैठकमा आउनु भएको छैन,’ मोरङ प्रहरी प्रमुख एसपी जनार्दन जिसीले भने, ‘उहाँबारे हामी अलर्ट छौँ।’ फरार सासद भेटे के गर्नुहुन्छ? भन्ने प्रश्नमा उनले थपे, ‘यसै गर्छौ भनेर अहिले भन्न मिल्दैन। तर प्रहरीले आफ्नो सुर छोड्दैन।’ सरकारी छाप र हस्ताक्षर किर्ते गरेको मुद्दामा उच्च अदालत विराटनगरले सांसद खातुनलाई एक वर्ष कैद र १४ हजार ५८३ जरिमाना सजायको फैसला सुनाएपछि फरार रहेकी उनी प्रहरीको खोजी सूचीमा छन्।...

नेपाल बार एसोसिएसनका अध्यक्ष चण्डेश्वर श्रेष्ठले आफूहरू अहिले पनि प्रधानन्यायाधीश चोलेन्द्र शमसेर जबराको राजीनामा नमागेको स्पष्ट पारेका छन्। उनले भने,‘हामीले अहिले प्रधानन्यायाधीशको राजीनामा मागेको छैनौं। हामी छलफलमै छौं। भोलि उहाँलाई भेट्ने कार्यक्रम छ। उहाँसँग भेटेपछि रिपोर्ट कार्यान्वयनमा हाम्रो जोड हुनेछ, उहाँसँग भोलि छलफल भएपछि बारको बैठक बस्छ। महाभियोगको प्रश्न त पार्लियामेन्टको विषय हो।’ आज राजधानीमा आयोजित साक्षात्कारमा बोल्दै अध्यक्ष श्रेष्ठले विगतमा भागबण्डाको आधारमा न्यायाधीश नियुक्ति गरिएको हुनाले अहिले समस्या उत्पन्न भएको टिप्पणी गरेका छन्।  Advertisement उनले भने,‘उच्चतम योग्यताको आधारमा न्यायाधीश नियुक्ति भएन, भागबण्डाको आधारमा न्यायाधीश नियुक्ति गरिने काम भए, त्यो बेलादेखि नै हामीले यस किसिमको नियुक्ति ठिक भएन भनेर पटक-पटक भन्दै ...

परराष्ट्र मन्त्री नारायण खड्काले नेपाली कांग्रेसको नेतृत्वमा प्रदेश नं १ मा सरकार गठनको सम्भावना रहेको बताएका छन्। Advertisement विराटनगर विमानस्थलमा आज सञ्चारकर्मीसँग संक्षिप्त कुराकानी गर्दै उनले आइतबार विश्वासको मतदानपछि कसको नेतृत्वमा सरकार गठन गर्ने सम्बन्धमा निर्णय गरिने जानकारी दिए। मन्त्री खड्काले प्रधानमन्त्री शेरबहादुर देउवाले सरकारमा सहभागी गठबन्धन दलबीच छलफल एवं सहमतिका आधारमा  प्रदेश सरकारका सम्बन्धमा (प्याकेज) मा निर्णय गरिने बताए।  उनले प्रदेश नं १ र बागमतीमा आधा/आधा कार्यकाल नेतृत्व गर्ने सम्बन्धमा प्रस्ताव आएको तर अहिलेसम्म निर्णय नभएको जानकारी दिए। मन्त्री खड्काले नेपाली कांग्रेसको बहुमत नभएकाले सबै दलबीच आपसी छलफल गरी साझा सहमतिमा एमसिसी पास हुने बताए। मन्त्री खड्काले राष्ट्रिय जनगणना कार्यालयले लिपुले...

२०७४ मंसिरमा आम निर्वाचनको नतिजा धमाधम आउँदै थियो। गृहजिल्ला झापाको अन्तिम नतिजा सार्वजनिक हुनै लाग्दा एमाले अध्यक्ष केपी ओली यति एयरको चाटर्ड विमानमार्फत दलबलसहित चन्द्रगढी विमानस्थल उत्रिए। कार्यकर्ता र सञ्चारकर्मीले घेरिएका ओलीले त्यसबेला घोषणा गरेका थिए, ‘अब केन्द्रदेखि सातै वटा प्रदेशमा वामपन्थी सरकार बन्छ। अहिलेलाई होइन, आउँदो धेरै कार्यकाललाई बन्छ। अब सबैले यसो भन्ने बानी नगरी सुखै छैन।’ चार वर्षअघि सार्वजनिक रुपमा यसरी खुला ‘हाँक’ दिएका उनै ओली यतिबेला आफ्नै दल नेतृत्वको अर्को दुईटा सरकार गुमाउने अवस्थामा पुगेका छन्। Advertisement यसअघि नै गण्डकी र लुम्बिनी प्रदेश सरकार तथा आफ्नै  नेतृत्वको संघीय सरकार गुमाएका ओली र एमालेले आइतबारबाट प्रदेश १ सरकारको नेतृत्व पनि गुमाउने निश्चित भएको छ। कात्तिक १० मा वागमती प्रदेश सरकार पनि एमालेले ग...