जेठसम्म एक खर्ब ४८ अर्ब पुनर्कर्जा स्वीकृत
३१ असार, काठमाडौं । जेठ मसान्तसम्म कोभिड प्रभावित व्यवसाय पुनरुत्थानका लागि राष्ट्र बैंकले प्रदान गर्दै आएको पुर्नकर्जा एक खर्ब ४८ अर्ब रुपैयाँ स्वीकृत भएको छ । केन्द्रीय बैंकले सार्वजनिक गरेको ११ महिनाको वित्तीय विवरणअनुसार स्वीकृतमध्ये एक खर्ब २७ अर्ब ९ करोड रुपैयाँ भने लगानी भइसकेको छ ।
यस्तै व्यवसाय पुर्नउत्थानका लागि सरकारले प्रदान गरेको सहुलियतपूर्ण ऋण लगानी कृषि तथा पशुपन्छी क्षेत्रमा अत्यधिक रहेको पाइएको छ ।
Advertisement
जेठ मसान्तसम्म एक खर्ब ५० अर्ब ९६ करोड रुपैयाँ बराबरको सहुलियतपूर्ण कर्जा प्रवाह भएकोमा एक खर्ब दुई अर्ब ८३ करोड रुपैयाँ कृषि र पशुपन्छी क्षेत्रमा लगानी भएको राष्ट्र बैंकले जनाएको छ ।
कृषि तथा पशुपन्छी क्षेत्रमा यस्तो कर्जा लिनेको ऋणी ४४ हजार ७ जना छन् । यस्तै महिला उद्यमशील कर्जा शीर्षकमा ५० हजार ५१३ उद्यमीले ४४ ...
