Author: Senior Editor Nima

धादिङको बेनिघाट रोराङ गाउँपालिकाका अध्यक्ष तथा इन्चार्ज पुन: नेकपा माओवादी केन्द्रमा फर्किएका छन्।  Advertisement अध्यक्ष पित्तबहादुर डल्लाकोटी (हरि) ले एक विज्ञप्ति जारी गर्दै आफू माओवादी केन्द्रमा फर्किएको बताएका छन्। उनी सोमबारमात्रै प्रमुख प्रतिपक्षी दल नेकपा (एमाले)का अध्यक्ष केपी शर्मा ओलीको बालकोटस्थित निवास पुगेर पार्टी प्रवेश गरेका थिए।  तर आफूभित्र क्षणिक आक्रोश र आवेगमा आएर राजनीतिक रूपमा गम्भीर गल्ती-कमजोरी हुन गई पुन: पार्टीमा फर्किएको उनले बताए।  ‘मभित्र क्षणिक आक्रोश र आवेगमा आई राजनीतिक रूपमा गम्भीर गल्ती कमजोरी हुन गई समग्र पार्टी, बेनीघाट रोराङ र धादिङको पार्टी पंक्तिमा पर्न गएको क्षतिप्रति गम्भीर रूपमा आत्माआलोचना गर्न चाहन्छु,’ उनले जारी गरेको विज्ञप्तिमा उल्लेख छ, ‘र आगामी दिनमा माओवादी केन्द्रमा रही पार्टीको...

राष्ट्रपति विद्यादेवी भण्डारीले पाँच वटा अध्यादेश जारी गरेकी छन्।  Advertisement मंगलबार उनले पाँच वटा अध्यादेश जारी गरेको राष्ट्रपति कार्यालयका सहायक प्रवक्ता केशव प्रसाद घिमिरेले जानकारी दिए।  उनले नेपालको संविधानको धारा ११४ को उपधारा १ बमोजिम मन्त्रिपरिषद्ले सिफारिस गरेका अध्यादेश जारी गरेकी हुन्।  यौन हिंसा विरूद्धका केही ऐनलाई संशोधन गर्ने अध्यादेश, फौजदारी कसूर तथा फौजदारी कार्यविधिसम्बन्धी केही ऐनलाई संशोधन गर्ने अध्यादेश, सामाजिक सुरक्षा (पहिलो संशोधन) अध्यादेश, तेजाव तथा अन्य घातक रासायनिक पदार्थ (नियमन) अध्यादेश र नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय) (पहिलो संशोधन) अध्यादेश जारी भएका हुन्।  ...

नेकपा (एकीकृत समाजवादी) का अध्यक्ष माधवकुमार नेपालले एकीकृत समाजवादीप्रति जनताको आकर्षण देखेर विपक्षी दलहरू बर्बराउन थालेको बताएका छन्। Advertisement ६ महिना अघि मात्रै गठन गरिएको पार्टीमा जनताको लहर बढेको बताउँदै उनले आफ्नो पार्टीप्रतिको जनलहर देखेर विपक्षी दलहरू अत्तालिएको बताए। कपिलवस्तुको शिवराज नगरपालिकामा मंगलबार आयोजित कार्यक्रमलाई सम्बोधन गर्दै पूर्वप्रधानमन्त्री समेत रहेका नेता नेपालले आगामी निर्वाचनमा सत्ता साझेदार गठबन्धन मिलेर जाने भएकोले देशभर गठबन्धनका साझा उम्मेदवारले जित्ने दाबी गरे। निर्वाचनमा मिलेर जाने विषयमा पाँच दलीय गठबन्धनको निरन्तर वार्ता र छलफल भइरहेको र दलहरू गठबन्धनप्रति सकारात्मक रहेको उनको भनाइ छ। अध्यक्ष नेपालले अघिल्लो निर्वाचनमा दुईतिहाइ मत दिएर पठाएको पार्टीले जनतालाई धोका दिएको भन्दै अब भने नेपाली जन...

प्रधानमन्त्री एवं नेपाली कांग्रेसका सभापति शेरबहादुर देउवाले अनुदान वा सस्तो ब्याजदरमा ऋण लिन सक्ने हो भने मात्र रेलमार्ग बनाउन सकिने बताएका छन्। Advertisement आज काठमाडौंको चोभारस्थित सुक्खा बन्दरगाह उद्घाटन गर्दै प्रधानमन्त्री देउवाले रेलमार्गमा लगानी गर्ने हो भने नेपालीहरू झन् समस्यामा पर्न सक्ने बताए। उनले व्यापार घाटा बढ्दो रहेकोले अहिलेकै अवस्थामा रेलमार्ग बनाउन गाह्रो हुने बताएका हुन्। ‘यहाँ कुरा आयो, रेल त आवश्यकता छ। तर धेरै खर्च लाग्न सक्छ,’ प्रधानमन्त्री देउवाले भने, ‘कुनै दातृ राष्ट्रको अनुदान वा सस्तो ब्याजदरमा ऋण लिन सक्ने हो भने मात्र रेलवे बनाउन सकिन्छ। फाइदाजनक पनि हुन्छ।’ नेपालमा व्यापारघाटा बढेकोले रेलमार्ग बनाउनेजस्ता काम अहिले गर्न नसकिने देउवाको भनाइ थियो। ‘रेलमार्ग बनाएर थप समस्यामा पर्न हुन्न, व्यापार घाटा बढेको...

प्रमुख प्रतिपक्षी नेकपा (एमाले) ले स्थानीय तह निर्वाचन आचार संहिता प्रतिबद्धता पत्रमा हस्ताक्षर गरेको छैन।  Advertisement मंगलबार निर्वाचन आयोगले स्थानीय चुनावका लागि आचार संहितामा प्रतिबद्धता माग्न बैठक बोलाएको थियो। आयोगले जारी गरेको आचार संहिताबारे जानकारी नै नदिई प्रतिबद्धता पत्रमा हस्ताक्षर गर्न लगाएको भन्दै साना दलले नाराबाजी गरेका थिए। साना दल र आयोगको होहल्लाले गर्दा आज प्रतिबद्धता पत्रमा हस्ताक्षर गर्ने वातावरण नभएको एमालेले जनाएको छ। ‘निर्वाचन आचार संहितामा हाम्रो प्रतिबद्धता छ तर आज साना दल र आयोगबीच होहल्लाले गर्दा हस्ताक्षर गर्ने वातावरण बनेन’, एमाले निर्वाचन विभागका उपप्रमुख  निरज आचार्यले भने। राम्ररी छलफल र बहस हुन नपाएको भन्दै एमालेले हस्ताक्षर गर्न नमानेको हो। केही साना दलका प्रतिनिधिहरूले नाराबाजी गरे पनि आयोगले उनीह...

नेपाल तरूण दलले वैशाखमा हुने स्थानीय तह चुनावमा खट्न परिपत्र गरेको छ। Advertisement जिल्ला अध्यक्षहरूलाई अध्यक्ष विद्वान गुरूङले आज पत्र पठाउँदै जिल्ला र जिल्ला मातहतका संघीय निर्वाचन क्षेत्र, पालिका र वडा तहसम्म निर्वाचन परिचालनमा खट्न निर्देशन दिएका छन्। उनले सहयोग समिति बनाएर मतदान केन्द्रहरूमा तरूण स्वयमसेवकसमेत परिचालन गर्ने व्यवस्था मिलाउन निर्देशन दिएका हुन्। साथै तरूण दलमा रहेर पार्टी महाधिवेशनबाट विभिन्न तहमा जितेकाहरूलाई पनि अर्को निर्णय नहुन्जेलका लागि तरूण दलमै क्रियाशील गराउन अध्यक्ष गुरूङले निर्देशन दिएका छन्। ‘नेपाल तरुण दलको चौथो महाधिवेशनको सन्दर्भमा गठित दलको जिल्ला, संघीय निर्वाचन क्षेत्र, पालिका र वडा समितिहरुमा विभिन्न जिम्मेवारीमा रही कार्य गर्दै आएका तरुण साथीहरुलाई कांग्रेसको १४ औँ महाधिवेशनको सन्दर्...

प्रधानमन्त्री शेरबहादुर देउवा भारतको तीन दिने औपचारिक भ्रमण सकेर आइतबार साँझ स्वदेश फर्किएका छन्। प्रधानमन्त्री देउवा नयाँदिल्लीबाट नेपाल वायुसेवा निगमको नियमित उडानबाट केहीबेरअघि काठमाडौं आइपुगेका हुन्।  Advertisement गत असारमा प्रधानमन्त्री बनेपछि देउवा शुक्रबार पहिलो पटक छिमेकी भारतको भ्रमणमा गएका थिए। शनिबार प्रधानमन्त्री देउवा र भारतीय समकक्षी नरेन्द्र मोदीबीच दुई पक्षीय वार्ता भएको थियो। वार्ताका क्रममा प्रधानमन्त्री देउवाले नेपाल-भारतबीच रहेको सीमा विवादको स्थापित संयन्त्रबाट हल गर्न आग्रह गरेका थिए।  आज प्रधानमन्त्री देउवा उत्तर प्रदेशको धार्मिक सहर बनारस पुगेका थिए। बनारसमा प्रधानमन्त्री देउवाले विभिन्न मन्दिरमा पूजाआजा गर्नुका साथै नेपाल सरकारले बनाउन लागेको वृद्धाश्रमको शिलान्यास गरेका थिए।  नयाँदिल्लीस्थित नेपाली राजदूत श...

भारतको औपचारिक भ्रमणमा रहेका प्रधानमन्त्री शेरबहादुर देउवा बनारसबाट दिल्ली फर्किएका छन्।  आइतबार बिहान बनारस पुगेका उनी दिउँसो दिल्ली फर्किएका हुन्। Advertisement बनारसस्थित काशी विश्वनाथ मन्दिरमा प्रधानमन्त्री देउवाले विशेष पूजा गरेका थिए।  उक्त कार्यक्रममा देउवा पत्नी आरजु राणा देउवा, परराष्ट्र मन्त्री नारायण खड्का, उत्तर प्रदेशका मुख्यमन्त्री योगी आदित्यनाथ र भारतीय राजदूत विनयमोहन क्वात्रालगायत उपस्थित थिए।  पूजापछि प्रधानमन्त्री देउवाले एक वृद्धाश्रमको शिलान्यास समेत गरेका छन्।  ललिताघाट, पशुपतिनाथ मन्दिर परिसरमा नेपाल सरकारले बनाउन लागेको वृद्धाश्रमको प्रधानमन्त्री देउवाले शिलान्यास गरेका हुन्। नेपाल सरकारले वृद्धाश्रमका लागि एक करोड विनियोजन गरेको छ। यद्यपि भवन निर्माणको ठेक्का लगाउन भने ब...

नेकपा एमालेका अध्यक्ष केपी शर्मा ओलीले नेकपाको पाँच वर्षे सरकारलाई बीचैमा ढालेर पुष्पकमल दाहाल प्रचण्ड र माधवकुमार नेपाल अहिले भिखमंगाजस्तो गरी दुनो लिएर हिँडेको बताएका छन्। Advertisement वामगठबन्धन हुँदै एमाले र माओवादी एकीकरण गरेर नेकपा बनेपछि ओली प्रधानमन्त्री बनेका थिए। तर प्रतिनिधि सभा विघटनपछि अदालतको आदेशमा नेकपा खारेज भई एमाले र माओवादी पुन अस्तित्वमा आएका थिए। नेकपा हुँदाका अवस्थाका कुरा निकाल्दै आज ओलीले प्रधानमन्त्रीसहित मन्त्रीहरू सबै आफ्नै पार्टीको हुँदा पनि प्रचण्ड-माधव नेपालले काम गर्न नदिएको र सरकार ढालेको बताए। दोस्रोपटक प्रतिनिधि सभा विघटन गरेपछि अदालतको परमादेशबाट ओली प्रधानमन्त्री हटेर गत असार २९ मा शेरबहादुर देउवा गठबन्धनबाट प्रधानमन्त्री बनेका थिए। नेकपा माओवादी केन्द्रका अध्यक्ष प्रचण्ड र नेकपा एकीकृत समाजवादीका अध्...