मनै हल्लाउने एउटा उत्कृष्ट इरानी फिल्म, हेर्नुहोस् युट्युबमा : Saturday Cinema
इरानी फिल्म हेरेपछि धेरैले भनेका छन्, लेखेका छन् — आहा! कस्तो जीवनजस्तै जीवन्त फिल्महरू!
आममान्छेको दैनिक जीवनका मसिना घटनाक्रम जोड्दै व्यावहारिक र दार्शनिक विषयमा घोत्लिन बाध्य पार्नु इरानी फिल्मका विशेषता हुन्। सामान्य घटनाक्रम, थोरै लगानी तर यथार्थपरक र कलात्मक फिल्मका लागि इरानी सिनेमा संसारभरका दर्शकमाझ प्रख्यात छ।
माजिद माजिदी यस्तै प्रख्यात फिल्म बनाउने निर्देशक हुन्। उनका फिल्ममा पनि यस्ता विशेषता भेटिन्छन्।
अझ उनी इरानका मात्र नभई संसारकै उत्कृष्ट निर्देशकमा गनिन्छन्।
उनको फिल्म 'चिल्ड्रेन्स अफ हेभन' अस्कर मनोनयनमा परेको थियो। 'चिल्ड्रेन्स अफ हेभन' बाहेक 'कलर अफ पाराडाइज', 'बारान', 'द सङ अफ स्प्यारोज' आदि उनका अत्यधिक रूचाइएका फिल्म हुन्।
आज गुड फ्राइडे सिनेमामा हामीले उनको फिल्म 'द विल्लो ट्री' सिफारिस गरेका छौं। पर्सियन भाषाको यो फिल्म अंग्र...