खेलकुद

काठमाडौं । निशान थापा र चन्द्रमा थापा क्षेत्री मंगलबार पारा राष्ट्रिय खेलकुदको उपत्यकाव्यापी पारा एथलेटिक्स प्रतियोगितामा होचापुड्कातर्फ पहिलो भएका छन् । Advertisement त्रिपुरेश्वरस्थित दशरथ रंगशालामा भएको प्रतियोगितामा निशान पुरुष २०० मिटर दौडमा पहिलो भएका हुन् । देवराज घिमिरे दोस्रो तथा मानबहादुर श्रेष्ठ तेस्रो भए । चन्द्रमाले महिला १०० मिटर दौडमा शीर्ष स्थान हासिल गरिन् । सिर्जना सेन्चुरी दोस्रो तथा छोरीमाया थापा तेस्रो भए । राष्ट्रिय खेलकुद परिषद् (राखेप)को आयोजना तथा नेपाल पारा एथलेटिक्स संघको तत्त्वाधानमा सञ्चालित प्रतियोगिताको बहिरा क्षेत्रतर्फ महिला २०० मिटर दौडमा जयन्ती विष्टले स्वर्ण, पूजा बास्तोलाले रजत र हीरामाया घलेले कास्पदक जिते । सो स्पर्धाको पुरुषमा अजय कर्ण, सौगात पोखरेल र उर्गेन गुरुङ क्रमशः शीर्ष तीन स्थानमा रहे । पुरुष...

काठमाडौं । कागेश्वरी मनोहरा नगरपालिकाका मेयर उपेन्द्र कार्कीले आगामी पाँच वर्षभित्र आफ्नो नगरलाई खेलकुद नगरीका रूपमा विकास गर्ने प्रतिबद्धता जनाएका छन् ।  Advertisement १५औं गणतन्त्र दिवसका अवसरमा आइतबार आयोजित कार्यक्रममा बोल्दै मेयर कार्कीले सुसंस्कृत नगरका रूपमा कागेश्वरी मनोहरालाई विकास गर्ने अभियानमा खेलकुदको ठूलो महत्व हुने विचार राखे ।  “कुनै पनि समाज, नगर र देशको विकासमा खेलकुदको भूमिका निकै ठूलो रहने गर्छ । विश्वका धेरै ठूला सहर र देशको पहिचान खेलकुदले बोकेका छन्,” मेयर कार्कीले भने, “खेलकुद कुनै पनि समाजको आर्थिक, सामाजिक, सांस्कृतिक विकासका लागि महत्वपूर्ण माध्यम हो । हामीले पनि खेलकुदको माध्यमबाट सुसंस्कृत कागेश्वरी मनोहरा बनाउने अभियान थालेका छौँ ।” मेयर कार्कीले संघीय सरकार, प्रदेश सरकार र निजी क्षेत्रसँगको सहकार्यमा नगरभरी नै...

काठमाडौं । अमेरिकामा आयोजना हुने आईसीसी पुरुष क्रिकेट विश्वकप लिग–२ अन्तर्गतको त्रिदेशीय एकदिवसीय शृंखला खेल्ने नेपाली राष्ट्रिय क्रिकेट टोलीको बिदाइ गरिएको छ । शनिबार नेपाल क्रिकेट संघ (क्यान)ले सिरिजका लागि अमेरिकाको टेक्सस जाने नेपाली टोलीलाई बिदाइ गरेको हो । Advertisement नेपाली टोलीलाई युवा तथा खेलकुदमन्त्री महेश्वर गहतराज, क्यानका अध्यक्ष चतुरबहादुर चन्दलगायत पदाधिकारीले बिदाइ गरे । त्यसक्रममा मन्त्री गहतराजले खेलाडीलाई दबाबविहीन भएर खेल्न आग्रह गरे । उनले सरकारले नेपाली क्रिकेटलाई चिन्दा क्यानलाई चिन्ने भएकाले क्यानको निर्णयलाई सबैले स्वीकार गर्नुपर्ने धारणा राखे । पछिल्लोपटक क्रिकेटमा देखिएको विवादलाई आफूहरू नै मिलेर समाधान गर्ने र त्यसमा खेलाडीले ध्यान नदिन उनले आग्रह गरे । राष्ट्रिय क्रिकेट टोलीका कप्तान सन्दीप लामिछानेले लिग–२ मा अझै ...

धनगढी । धनगढी सुपर लिग ट्वान्टी २० क्रिकेट प्रतियोगिताको उपाधि महेन्द्रनगर क्रिकेट एकेडेमीले जितेको छ । शनिबार धनगढीको लिटल फ्लावर क्लबलाई २२ रनले पराजित गर्दै महेन्द्रनगर च्याम्पियन बनेको हो । विजेता महेन्द्रनगरले नगद दुई लाख रुपैयाँसहित ट्रफी, मेडल र प्रमाणपत्र पायो । उपविजेता लिटल फ्लावरले एक लाखमा चित्त बुझायो । शनिबार कैलालीको धनगढीस्थित प्रदेश प्रहरीको मैदानमा भएको फाइनल खेलमा टस जितेर ब्याटिङ थालेको महेन्द्रनगरले निर्धारित २० ओभरमा ९ विकेट गुमाएर १४० रन बनाएको थियो । जवाफमा लिटल फ्लावरले १८.३ ओभरमा सबै विकेट गुमाउँदै ११८ रन मात्रै बनाउन सक्यो । Advertisement लिटल फ्लावरका दीपक बोहराले सर्वाधिक ४१ रन बनाए । नरेन भट्टले १८, अभिषेक पालले १३ र सन्दीप खत्रीले १२ रन जोडे । बलिङतर्फ महेन्द्रनगरका सन्तोष भट्टले चार विकेट लिए । हेमन्त धामी र वि...

काठमाडौं । नेपाल टी–२० लिगको टेन्डर खुला नेपाल क्रिकेट संघ (क्यान)को आयोजनामा हुन लागेको नेपाल टी–ट्वान्टी लिग प्रतियोगितामा टिम खरिदका लागि खुला टेन्डर आह्वान गरिएको छ ।  Advertisement अगामी असोज ८ देखि कात्तिक ५ गतेसम्म हुने उक्त प्रतियोगिताका लागि टिम खरिद गर्न इच्छुक लगानीकर्तालाई टेन्डर आह्वान गरिएको क्यानद्वारा आज सार्वजनिक प्रेस विज्ञप्तिमा उल्लेख गरिएको छ । क्यानले औचारिकरूपमा पहिलोपटक आयोजना गर्न लागेको उक्त प्रतियोगिताको टेन्डरको मिति भने यही जेठ २७ गतेसम्मलाई तोकेको छ ।  क्यानको गत मंगलबार बसेको बोर्ड बैठकले ६ वटा नामलाई अनुमोदन गरेको थियो । जसमा विराटनगर, जनकपुर, काठमाडौं, पोखरा, लुम्बिनी–भैरहवा र सुदूर पश्चिम रहेका छन् । ...

काठमाडौं । कान्तिपुर पब्लिकेसन्सले आयोजना गर्ने कान्तिपुर हाफ म्याराथनको दशौँ संस्करण जेठ २१ गते हुने भएको छ ।  म्याराथनमा यसपटक ४ हजार धावकले प्रतिस्पर्धा गर्ने जनाइएको छ । प्रतियोगितामा तीन विधामा धावकले प्रतिस्पर्धा गर्नेछन् । २१.१ किलोमिटरको हाफ म्याराथन, ५ किलोमिटरको कर्पोरेट म्याराथन र ह्विलचियर गरी तीन विधामा प्रतिस्पर्धा हुनेछ ।  हाफ म्याराथनको महिला र पुरुष स्पर्धाका विजेताले १ लाख रुपैयाँ पुरस्कार जित्नेछन् । उपविजेताले ५० हजार, तेस्रो हुनेले ३० हजार, चौँथो हुनेले २० हजार र पाँचौँ हुनेले १० हजार रुपैयाँ नगद पुरस्कार पाउने छन् । हाफ म्याराथनमा १८ वर्ष पुगेका खेलाडीले मात्र सहभागिता जनाउन पाउनेछन् । Advertisement कान्तिपुर पब्लिकेसन्सले पहिलो सात संस्करण आफ्नो वार्षिकोत्सवको दिन फागुन ७ गते आयोजना गर्दै आएको थियो । तर, आठौँ संस...

काठमाडौं । राफेल नाडालले बुधबार राति ग्रान्ड स्लाममा ३००औं जित निकाल्ने क्रममा कोरेन्टिन मौटेटलाई ३–० को सोझो सेटमा हराउँदै फ्रेन्च ओपनको तेस्रो चरणमा स्थान बनाएका छन् । नाडालसँगै विश्व नम्बर एक नोभाक जोकोभिच र एलेक्जेन्डर जेरेभले पनि तेस्रो चरणमा स्थान बनाउन सफल भए । Advertisement सबैभन्दा धेरै २१ ग्रान्डस्लाम उपाधि जितेका नाडालले फ्रेन्च ओपनमा १३ उपाधि जितिसकेका छन् । स्पेनका ३५ वर्षे नाडालले फ्रान्सका २३ वर्षे मौटेटलाई ६–३, ६–१, ६–४ को स्कोरमा हराएका हुन् । नाडी र खुट्टाको चोटका कारण नाडालको तयारीमा असर पुगेको थियो । तर, पहिलो दुई चरणको प्रदर्शन हेर्दा नाडाल १४औं उपाधि जितका लागि बलियो दाबेदार देखिएका छन् । “तयारी राम्रो हुन नसकेकाले यस्तो राम्रो हुन्छ भन्ने लागेको थिएन । तर, राम्रो भइरहेको छ । तथापि, प्रत्येक दिन मलाई स्वास्थ्यको चिन्ता हुन्छ,”...

काठमाडौं । नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनी ‘ज्याप क्रिकेट’ ले प्रायोजन गरेको छ ।  राष्ट्रिय टिमका कप्तान सन्दीप लामिछानेसहित विकेटकिपर ब्याट्सम्यान बिनोद भण्डारी लगायत युवा क्रिकेटरहरू सुनिल धमला, भीम सार्की, देव खनाल र आदील अन्सारीलाई ज्यापले एक वर्षको लागि खेल सामग्री प्रायोजन गरेको हो । यसअघि नै ज्यापले महिला राष्ट्रिय क्रिकेटर सबनम राईलाई पनि प्रायोजन गरेको थियो । सम्झौतापछि खेलाडीहरूले खेल्ने सबैखाले प्रतियोगितामा ज्यापको ब्याट लगायत अन्य सामग्री प्रयोग गर्नेछन् ।  Advertisement बुधबार काठमाडौंमा आयोजित कार्यक्रम माझ ज्यापका संस्थापक सीईओ भव्य भारध्वज र क्रिकेटरहरूले सम्झौता पत्रमा हस्ताक्षर गरेका हुन् । सम्झौता बापत एक वर्षको लागि ज्यापले अनुबन्धित क्रिकेटरहरूलाई सम्पूर्ण क...

काठमाडौं । एएफसी एसियन कप २०२३ को छनोट प्रतियोगितामा नेपालको कप्तानी नवयुग श्रेष्ठले गर्ने भएका छन् ।  Advertisement कुवेतमा हुने प्रतियोगिताका लागि नेपाली टोली भोलि कतार जाँदै छ । कतारबाट नेपाली टोली जेठ २१ गते कुवेत जाने टिम म्यानेजर मधुसुदन उपाध्यायले बताए ।  कतारमै दुई मैत्रीपूर्ण खेलका लागि प्रयास भइरहेको उपाध्यायले बताए ।  नेपालले पहिलो खेल यही जेठ २५ गते जोर्डनविरुद्ध, २८ गते कुवेत र ३१ गते इन्डोनेसियाविरुद्ध खेल्ने छ । प्रतियोगिता कुवेतमा हुने छ ।  नेपाली टोलीगोलकिपर : दीप कार्की, विशाल सुनार र टिकेन्द्रसिंह थापा ।रक्षक : विकास खवास, विकास तामाङ, गौतम श्रेष्ठ, राजन गुरुङ, शिव गुरुङ र सुमन अर्याल ।मिडफिल्डर : आकाश बुढामगर, एरिक विष्ट, नीरकुमार राई, पुजन उपरकोटी, रोशन रानामगर, सन्तोष तामाङ, सेसेहाङ आङदेम्बे, सन...

काठमाडौं । यही जेठमा हुने भनिएको नवौँ राष्ट्रिय खेलकुद प्रतियोगिता आउँदो असोज २८ गतेदेखि हुने भएको छ । मंगलबार बसेको मन्त्रिपरिषद्को बैठकले नवौँ राष्ट्रिय खेलकुद गण्डकी प्रदेशमा असोज २८ देखि कात्तिक ३ गतेसम्म गर्ने निर्णय गरेको हो ।  Advertisement युवा तथा खेलकुदमन्त्री महेश्वरजंग गहतराजले भने, “बजेट कार्यान्वयनको सवालमा सार्वजनिक खरिद ऐनलाई टेकेर गर्ने कुरा भयो । हामीले १३औँ सागमा जस्तै फास्ट ट्रयाकमा काम गर्ने योजना बनाएका थियौँ । तर, विविध कारणले त्यस्तो नहुने भएकाले हामीले प्रतियोगिताको मिति सार्नुपरेको हो ।” यसअघि, यही जेठ २२ गतेदेखि २८ गतेसम्म उक्त खेलकुद गर्ने निर्णय गरिएको थियो । ...