राजनीति

पुष्पकमल दाहाल प्रचण्ड नेतृत्वको वर्तमान सरकारमा नेपाली कांग्रेसबाट सहभागी भएका मन्त्रीहरू मंगलबार छलफलमा जुटे। उपप्रधान, रक्षामन्त्रीसमेत रहेका कांग्रेस उपसभापति पूर्णबहादुर खड्काले पार्टीबाट सरकारमा सहभागी भएका सबै मन्त्रीलाई छलफलमा निम्त्याएका थिए। अर्थमन्त्री प्रकाशशरण महतबाहेक अरू मन्त्रीहरू छलफलमा सहभागी रहे। अर्थमन्त्री महत क्यानडामा छन्। दाहाल नेतृत्वको सरकारमा कांग्रेसका ९ मन्त्री छन्। उपसभापति खड्का नेतृत्वमा २०७९ चैतमा कांग्रेस दाहाल नेतृत्वको सरकारमा सहभागी भएको थियो।  खड्काले पार्टीका मन्त्रीहरूलाई छलफलमा बोलाउनुका केही कारण छन्। पहिलो हो- मन्त्रीहरूका कामकारबाही प्रभावकारी भएन भन्ने गुनासो पार्टीभित्रैबाट उठ्नु। दोस्रो, सरकारले ल्याएका संघीय शिक्षा, संघीय निजामतीलगायत विधेयकमा कांग्रेसकै मन्त्रीहरूबाटै फरक धारणा आइरहनु। ...

काठमाडौं । नवनियुक्त प्रधानन्यायाधीश विश्वम्भरप्रसाद श्रेष्ठले न्यायाधीश नियुक्तिको पक्रिया कुनै पनि बाहनामा ढिलो गर्न नहुने बताएका छन् । मंगलबार पदभार ग्रहणपछि सञ्चारकर्मीसँगको कुराकानीका क्रममा प्रधानन्यायाधीश श्रेष्ठले आफू न्याय परिषद्को अध्यक्ष भएकाले न्यायाधीश नियुक्तिका लागि भोलिदेखि नै पहल थाल्ने बताएका छन् ।  उनले आफू न्यायालयमा तल्लो तहका समस्याबारे पनि जानकार रहेकाले कर्मचारीलाई उत्साहित बनाएर अघि पनि बताए । "म अधिकृत भएर प्रवेश गरेर प्रधानन्यायाधीश भएको छु । तल्लो तहका समस्यामा म भलिभाँती जानकार छु । उहाँहरूलाई पनि उत्साहित बनाएर अघि बढाउन प्रयास गर्छु," श्रेष्ठले भने ।  तर, न्यायपालिकालाई अत्यन्तै न्यून बजेट छुट्याउने गरिएकाले सहज भने नभएको उनको भनाइ छ । उनले आफूले आवश्यक स्रोत साधनका लागि प्रक्रिया अघि बढाइसके पनि बताए । "तर, न...

साथै प्रत्येक केन्द्रीय कार्यालयसँग एकरुपता हुने गरी सबै तहका कार्यसमितिलाई एक/एकवटा आधिकारिक सामाजिक सञ्जाल फेसबुक पेज सञ्चालन गर्न पनि कांग्रेसको निर्देशन छ । मिन विश्वकर्मा नेतृत्वको सूचना, सञ्चार तथा प्रचार विभागले मंगलबार विज्ञप्ति जारी गर्दै यस्तो निर्देशन दिएको जनाएको हो । 'क्रियाशील सदस्यता वितरण र नवीकरण कार्यलाई प्रभावकारी बनाउन आवश्यक समन्वय गर्ने तथा पार्टीको प्रचार प्रसार प्रणालीलाई थप प्रभावकारी बनाउन केन्द्रीय कार्यालयसँग एकरुपता हुने गरी सबै तहका कार्यसमितिले एक एक आधिकारिक सामाजिक सञ्जाल फेसबुक पेज संचालन गर्न गराउन र पार्टीको नाम, झण्डा वा चुनाव चिह्न राखी प्रयोग भएका व्यक्तिगत फेसबुक प्रोफाइल वा पेज बन्द गर्न गराउन निर्देशन दिने काम भएको छ,' विज्ञप्तिमा उल्लेख छ । कांग्रेसले आयोजना गरेको आन्तरिक विशेष अभियानको समीक्षा गर्दै यस्तो बताइएको हो ...

काठमाडौं । नेपाली कांग्रेसका नेता मीनबहादुर विश्वकर्माले रवि लामिछाने नेतृत्वको राष्ट्रिय स्वतन्त्र पार्टी (रास्वपा) सामाजिक सञ्जालमा मात्रै सीमित रहेको दाबी गरेका छन् । मंगलबार पार्टी केन्द्रीय कार्यालयमा आयोजित पत्रकार सम्मेलनमा बोल्दै उनले सो टिप्पणी गरेका हुन् । पार्टीको सूचना, सञ्चार तथा प्रचार विभाग प्रमुख समेत रहेका नेता विश्वकर्माले नेपाली कांग्रेस समाजमा जन्मिएको तर राष्ट्रिय स्वतन्त्र पार्टी भने सामाजिक सञ्जालबाट जन्मिएको जिकीर समेत गरे । समाजमा जन्मिएको पार्टी भएको हुनाले कांग्रेसले जन सेवाको कामलाई निरन्तर अघि बढाएको उनको भनाइ थियो । नेता विश्वकर्माले नेपाली कांग्रेस प्रचारमा नभई जनताको सेवा गर्ने काममा केन्द्रित भइरहेको बताए । उनले भने, "समाजबाट जन्मिएका पार्टीहरू समाजमै छन् । सामाजिक सञ्जालबाट बनेका पार्टीहरू अझै सामाजिक सञ्जालमै छन् भन्ने हाम्रो बुझाइ छ...

काठमाडौं । प्रमुख प्रतिपक्ष दल नेकपा (एमाले)का सचेतक महेश बर्तौलाले सुन तस्करी प्रकरणको निष्पक्ष अनुसन्धान गर्न उच्चस्तरीय छानबिन समितिको मागबाट एमाले पछि नहट्ने बताएका छन् । मंगलबार संसद् भवनबाहिर सञ्चारकर्मीहरूसँग कुरा गर्दै उनले सरकारले चाहेको भए आज नै संसद् अवरोध खुल्न सक्ने भएपनि प्रधानमन्त्री पुष्पकमल दाहाल 'प्रचण्ड'को कार्यव्यस्तताका कारण संसद् खुल्न नसकेको बताए । उनले सरकार उच्चस्तरीय छानबिन समिति बनाउनका लागि बनिरहेको माहोल बिगार्न लागेको आरोप लगाए । सरकारले तस्करहरूको संरक्षण गरिरहेको बताए । “एमाले संसद् सुचारु हुनुपर्छ भन्ने पक्षमा नै छ तर प्रमुख प्रतिपक्षले उठाएको माग उपयुक्त छैन भनेर सरकार अटेर गरेर बसेको छ । हामीले यो माग उठाइरह्यौँ । हिजो बैठकमा एक प्रकारको उच्चस्तरीय छानबिन समिति बनाउन तयार छौँ भनेको छ,” उनले भने, “उच्चस्तरीय छानबिन समिति निर्माण नभइकन...

काठमाडौं । प्रधानन्यायाधीश विश्वम्भरप्रसाद श्रेष्ठले पदभार ग्रहण गरेका छन् । पद तथा गोपनीयताको शपथ लिएपछि श्रेष्ठले सर्वोच्च अदालत पुगेर आजै पदभार ग्रहण गरेका हुन् ।  उनी हिजो मात्र प्रध्यानन्यायाधीश नियुक्त भएका थिए । श्रेष्ठ संसदीय सुनुवाइ समितिबाट हिजै अनुमोदित भएका थिए । उनले आज शीतल निवासमा राष्ट्रपति रामचन्द्र पौडेलबाट शपथ लिएका हुन् । ...

काठमाडौं । सत्तासाझेदार दल नेकपा (एकीकृत समाजवादी)को केन्द्रीय कमिटीको बैठक सुरु भएको छ । ललितपुरको बालकुमारीमा बैठक बसेको हो । बैठकमा अध्यक्ष माधवकुमार नेपालले राजनीतिक प्रतिवेदन प्रस्तुत गर्नेछन् । महासचिव घनश्याम भुसालले सांगठनिक प्रतिवेदन पेस गर्नेछन् । दुवै प्रतिवेदनमाथि छलफलपछि पारित गरिनेछ ।  बैठक यही भदौ ७ गतेसम्म चल्नेछ । बैठकमा पछिल्लो राजनीतिक घटनाक्रम, संगठनको पुनर्गठन, पार्टीको भूमिकालाई सशक्त बनाउनेलगायत विषयमा छलफल हुने नेताहरूले बताएका छन् ।  ...

काठमाडौं । राष्ट्रपति रामचन्द्र पौडेलले डाकेको सर्वदलीय बैठक प्रमुख प्रतिपक्ष दल नेकपा (एमाले)ले बहिष्कार गरेको छ । प्रधानमन्त्री पुष्पकमल दाहाल ‘प्रचण्ड’ले भने राष्ट्रपतिको ‘पहलकदमी’लाई ‘सकारात्मक’ भनेर टिप्पणी गरेका छन् । प्रधानमन्त्री प्रचण्डले संसद् बैठक सञ्चालन होस् र राजनीतिक दलहरूबीच समझदारी बनोस् भन्ने राष्ट्रपतिको शुभेच्छा सकारात्मक रहेको बताएका हुन् । “यसमा कसैले विमति राख्नुपर्ने कारण छैन । हामी निरन्तर छलफलमा छौँ,” प्रधानमन्त्री प्रचण्डले भनेका छन्, “संसद् सुचारु गर्ने सहमतिको करिबकरिब नजिक पुगेका छौँ । राष्ट्रपतिको शुभेच्छाप्रति आभार व्यक्त गर्दछु ।” एमालेले भने राष्ट्रपतिको चासो अनुचित भएको भन्दै बैठक बहिष्कार गरेको हो । एमालेबाट जारी संसद्को अवरोध अन्त्यका लागि राजनीतिक दललाई जिम्मेवार हुन सम्झाउन सोमबार बिहान राष्ट्रपतिले डाकेको बैठकमा एमाले नेता अनुप...

काठमाडौं । राष्ट्रियसभा बैठकको समय सारिएको छ । आज दिउँसो १ बजेर १ मिनेटका लागि बोलाइएको बैठक दिउँसो ३ बजेर १४ मिनेटमा बस्ने भएको हो । संघीय संसद् सचिवालयका महासचिव डा. भरतराज गौतमले आज जारी गरेको सूचनामा विशेष कारणवश तोकिएको समयमा बैठक बस्न नसक्ने भएकाले सवा दुई घण्टा सारिएको उल्लेख छ । राष्ट्रियसभा नियमावली, २०७५ को नियम ६ को उपनियम (३) बमोजिम बैठक सारिएको सूचनामा उल्लेख छ । विगत एक महिनादेखि प्रमुख प्रतिपक्ष दल नेकपा (एमाले)को अवरोधका कारण संघीय संसद्को दुवै सदनका बैठक कार्यसूचीमा प्रवेश नगरी स्थगित हुँदै आएको छ ।  ...

काठमाडौं । राष्ट्रपति रामचन्द्र पौडेलले बोलाएको सर्वदलीय बैठकमा नेकपा एमाले भने अनुपस्थित रहेको छ । राष्ट्रपति पौडेलले बिहान साढे ८ बजे संसद्मा प्रतिनिधित्व गर्ने राजनीतिक दललाई छलफलका लागि बोलाएका थिए । सबै दलको सहभागिता भए पनि एमाले भने अनुपस्थित छ । नेकपा एमालेका एक नेताले दिएको जानकारीअनुसार राष्ट्रपतिले बोलाएको छलफलप्रति एमालेको विमति छ । “हिजो बेलुकी नै लगभग टुंगिएको छ,” एमाले दलका उपनेता सुवास नेम्वाङले भने, “प्रधानमन्त्रीकै पहलमा लगातार बैठक भइरहेको छ । प्रधानमन्त्रीकै सल्लाहमा राख्ने हो क्यारे । राष्ट्रपतिले कताबाट राख्नुभयो थाहा भएन ।” नेम्वाङले बैठकबारे आफूहरुलाई जानकारी नभएको बताए । साउन १० गतेदेखि लगातार संसद् बैठक अवरुद्ध भइरहेको छ ।  ...