राजनीति

नेपाली कांग्रेसले प्रदेश सभापतिहरूको सम्मेलन गर्ने भएको छ। कांग्रेस गण्डकी प्रदेशको संयोजनमा प्रदेश सभापतिहरूको सम्मेलन यही भदौमा पोखरामा गर्ने तयारी गरिएको हो। गण्डकी प्रदेश सभापति शुक्रराज शर्माले सभापति शेरबहादुर देउवालाई प्रदेश सभापति सम्मेलनको जानकारी गराइसकेका छन्। प्रदेश सभापति सम्मेलनको उद्घाटन सभापति शेरबहादुर देउवाले गर्ने तय भइसकेको छ।  भदौ १६ र १७ गते सम्मेलनका लागि सभापति देउवाले समय दिइसकेका छन्।  तर कार्यक्रमको औपचारिक निर्णय भने गण्डकी प्रदेश समितिले गर्न बाँकी छ। कांग्रेस गण्डकी प्रदेश महामन्त्री किरणबाबु श्रेष्ठले सम्मेलनको औपचारिक निर्णय गर्न बाँकी रहेको बताए। कांग्रेसमा ७ प्रदेश समितिमा महाधिवेशनबाट चुनिएका ७ जना सभापति छन्। ...

काठमाडौं । सत्तारुढ दल नेकपा (एकीकृत समाजवादी)को केन्द्रीय समितिको दोस्रो दिनको बैठक जारी छ । बैठकमा केन्द्रीय सदस्यहरुले धारणा राख्न सुरु भएको छ । मंगलबारदेखि ललितपुरको बालकुमारीमा सुरु भएको केन्द्रीय कमिटी बैठकमा मंगलबार पार्टी अध्यक्ष माधवकुमार नेपाल र महासचिव घनश्याम भुसालले प्रस्तुत गरेका विभिन्न प्रतिवेदनमा आज (बुधबार) छलफल जारी रहनेछ । पार्टीका केन्द्रीय सदस्यहरुले विभिन्न प्रतिवेदनमाथि आफ्ना धारणा राख्न सुरु गरेका छन् । बैठक आज बिहान ८ बजेदेखि सुरु भएको हो । मंगलबारको बैठकमा राजनीतिक प्रतिवेदन, लेखा आयोग र निर्वाचन आयोगको प्रतिवेदन पेस गरिएको थियो । सोही प्रतिवेदनमा छलफल चलिरहेको छ । पार्टी अध्यक्ष माधवकुमार नेपालले प्रस्तुत गरेको राजनीतिक प्रतिवेदनमा सैद्धान्तिक, वैचारिक दृष्टिकोण, नेपाली समाजको विशिष्ट अवस्था, भूराजनीतिक परिस्थिति, समाजवादी व्यवस्थालगायत ...

काठमाडौं । प्रधानमन्त्री पुष्पकमल दाहाल प्रचण्ड अमेरिका जाने भएका छन् । आज बिहान सिंहदरबारमा बसेको मन्त्रिपरिषद् बैठकले न्युयोर्कमा आयोजना हुने, संयुक्त राष्टसंघको महासभामा सहभागी हुन भ्रमण स्वीकृत दिने निर्णय गरेको सञ्चार तथा सूचना प्रविधिमन्त्री तथा सरकारकी प्रवक्ता रेखा शर्माले जानकारी दिइन् । ...

मन्त्रिपरिषद्को बैठक बस्दै छ। मन्त्रिपरिषद्को बैठक सिंहदरबारमा बिहान ९ बजेलाई बोलाइएको प्रधानमन्त्रीको प्रेस विज्ञ मनहरि तिमिल्सिनाले जानकारी दिए। उनकाअनुसार मंगलबारको नियमित मन्त्रिपरिषद् बैठक बस्न नभ्याइएपछि अहिले बिहानलाई सरेको हो। ‘मंगलबार नियमित मन्त्रिपरिषद् बैठक बस्दै आएको छ। हिजो नबसेका कारण आज बिहान बस्न लागेको हो,’ उनले भने। बुधबार बिहान ११ बजे सिंहदरबारमा संसद्मा प्रतिनिधित्व गर्ने राष्ट्रिय मान्यता प्राप्त दलहरूको पनि बैठक बस्दै छ। आज बस्ने बैठकले ६० किलो बढी सुनलगायत प्रकरण जाँचबुझ गर्न उच्चस्तरीय समितिको कार्यादेश र क्षेत्राधिकार तय गर्ने बताइएको छ। ...

काठमाडौं । सत्ता साझेदार र प्रमुख प्रतिपक्षी दलका शीर्ष नेताहरूको बैठक आज बस्दै छ । प्रमुख प्रतिपक्षी दल नेकपा (एमाले) अध्यक्ष केपी शर्मा ओली अनुपस्थित भएपछि मंगलबार बस्न नसकेको बैठक आज बस्न लागेको हो ।  बैठक प्रधानमन्त्री पुष्पकमल दाहाल ‘प्रचण्ड’ले बिहान ११ बजेका लागि बोलाएका छन् ।  एमालेले सुन तस्करी प्रकरणमा उच्चस्तरीय छानबिन समिति बनाउनुपर्ने मागसहित सदन चल्न दिएको छैन । सोमबार रातिको बैठकमा समिति बनाउने सहमति भएको थियो । मंगलबारको बैठकले समितिको विषयमा मस्यौदा बुझाउने र बैठकले त्यसलाई अन्तिम रूप दिने तयारी गरेको थियो । तर, ओलीको अनुपस्थितिमा बैठक बस्न सकेको थिएन ।   ...

काठमाडौं । नेकपा (एकीकृत समाजवादी)को केन्द्रीय समितिको बैठक आज पनि बस्दै छ । बैठकको पहिलो दिन हिजो अध्यक्ष माधवकुमार नेपालले राजनीतिक प्रतिवेदन प्रस्तुत गरेका थिए ।  बैठकमा लेखा आयोग र निर्वाचन आयोगको प्रतिवेदन पनि पेस भएको छ । आजबाट बैठकमा अध्यक्ष नेपालको प्रतिवेनदमाथि केन्द्रीय सदस्यहरूले आफ्नो धारणा राख्नेछन् ।  ...

काठमाडौं । संघीय संसद् प्रतिनिधिसभाको बैठक आज बस्दै छ । बैठक दिउँसो ३ बजेका लागि बोलाइएको छ । संसद् बैठक साउन १० गतेदेखि सुन तस्करी प्रकरणमा उच्चस्तरीय छानबिन समितिको माग गर्दै प्रमुख प्रतिपक्षी दल नेकपा (एमाले)ले सदन अवरुद्ध गर्दै आएको छ ।  दलहरूबीच सहमति नजुटे पनि सचिवालयले भने हरेक दिन पुरानै कार्यसूची निकालेर बैठक बोलाउँदै आएको छ ।  सरकार सीआईबीले छानबिन गरिरहेको भन्दै राज्यको संयन्त्रमा विश्वास गर्नुपर्ने तथा उच्चस्तरी छानबिन समिति गठन गर्न नसक्ने अडानमा छ । तर, एमाले भने समिति नबनेसम्म सदन चलाउन नदिने भन्दै बैठक अवरुद्ध गर्दै आएको छ ।  साउन १० गतेपछि बोलाइएको संसद् बैठक कहिले कार्यसूचीमा प्रवेश नगरी त कहिले सूचना टाँसेर स्थगन भएको छ । ...

डायरीमा काम गर्ने रूटिन र दिमागमा योजना नभएको नेता/कार्यकर्तालाई अब माओवादी पार्टीमा सजिलो नहुने माओवादी (केन्द्र) का उपमहासचिव जनार्दन शर्माले बताएका छन्। भक्तपुरको ठिमीमा मंगलबार 'जनतासँग माओवादी विशेष रूपान्तरण अभियान' कार्यक्रमलाई प्रमुख अतिथिको रूपमा सम्बोधन गर्दै नेता शर्माले नेता/कार्यकर्ताले अबको पार्टी आन्दोलनमा आफूलाई समयसँगै 'अपडेट' नगरे 'आउट डेटेड' हुने पक्का भएको बताएका हुन्। बागमती प्रदेशको इन्चार्जको जिम्मेवारीमा रहेका नेता शर्माले फरक प्रसंगमा 'समय बदलिएको तर राजनीतिक दलका नेता कार्यकर्ताहरूले परिवर्तित समयको बहाव समात्न नसकेको विचार राखेका हुन्। शर्माले अभियानका सम्पूर्ण कार्यक्रम स्थानीयलाई केन्द्रमा राखेर बनाउन निर्देशन दिँदै अगाडि भने, 'जनताको कुरा के छ?जनताहरू के चाहन्छन्? सुझाव लिनुस् र सबै अभियानलाई त्यसैको सम्बोधन हुने गरी कार्यक...