Author: Senior Editor Nima

काठमाडौं । प्रतिनिधिसभा र प्रदेशसभा निर्वाचनको मिति अहिलेसम्म घोषणा भइसकेको छैन । निर्वाचन आयोग र सत्ता गठबन्धनका दलहरुको तयारी हेर्दा आगामी मंसिरमा चुनाव हुनसक्छ भनेर अनुमान मात्र गर्न सकिन्छ । तर, काठमाडौंमा भने स्वतन्त्रदेखि साना दलका युवाहरुले धमाधम उमेदवारी घोषणा गर्न थालेका छन् । उनीहरुले सामाजिक सञ्जालमार्फत् उमेदवारी घोषणा गर्दै चुनावी प्रचारसमेत थालिसकेका छन् । स्थानीय तह निर्वाचनमा स्वतन्त्र उमेदवार बालेन साहको विजयसँगै स्वतन्त्र उमेदवारी दिनेहरुको जोस बढेको छ ।  उमेदवारी घोषणा गर्नेमा स्थानीय तह निर्वाचनमा काठमाडौं महानगरपालिकामा स्वतन्त्ररुपमा मेयरमा उमेदवारी दिएका सुमन सायमी, अघिल्लो स्थानीय तह निर्वाचनमा मेयरमै विवेकशील साझा पार्टीबाट उमेदवारी दिएकी रञ्जु दर्शना, विवेकशीलकै नेता पुकार बमदेखि पूर्वप्रधानमन्त्री डा. बाबुराम भट्टराई पुत्री मानुसी यमीसमेत छन...

काठमाडाैं । राष्ट्रियसभामा चार प्रतिवेदन पेस गरिएको छ । सभाको आजको बैठकमा प्रधानमन्त्री शेरबहादुर देउवाका तर्फबाट परराष्ट्रमन्त्री डा नारायण खड्काले राष्ट्रिय समावेशी आयोग, आदिवासी जनजाति आयोग, राष्ट्रिय सूचना आयोग र महान्यायाधिवक्ताको वार्षिक प्रतिवेदन २०७७/७८ पेस गरेका हुन् ।  राष्ट्रियसभाको अर्को वैठक भोलि बिहीबार दिउँसो १ बजे बस्नेछ । ...

जनकपुरधाम । मधेस प्रदेश सरकारको आउँदो आर्थिक वर्षको नीति तथा कार्यक्रममाथि प्रदेशसभामा छलफल जारी छ । आर्थिक वर्ष ०७९/८० को नीति तथा कार्यक्रममाथि छलफल भइरहेको हो । बुधबार सत्तारूढ दल नेकपा (एकीकृत समाजवादी)का प्रदेशसभा सदस्य सुन्दरबहादुर विश्वकर्माले सरकारसँग जवाफ माग्दै संशोधन प्रस्ताव दर्ता गराएका छन् । विगतको नीति तथा कार्यक्रममा राखिएको निर्वाचन क्षेत्र कार्यक्रम हटाइएको विषयमा उनले जवाफ मागेका हुन् । “चालु आर्थिक वर्षमा राखिएको निर्वाचन क्षेत्र कार्यक्रम यस वर्ष राखिएको छैन । कुन कारणले राखिएको छैन ?,” उनले भने, “हामी नीति तथा कार्यक्रममा राख्ने गर्छौँ र पूरा नहुँदै बिर्सिँदै जान्छौँ । प्रदेश प्रवेशद्वारको योजना सुरुको वर्षदेखि राख्दै आएका छौँ । तर, अहिलेसम्म हामीले बनाउन सकेनौँ । किन अलपत्र छ ?” ...

काठमाडौं । नेपाली कांग्रेसका युवा नेता प्रदीप पौडेलले काठमाडौंको फोहर व्यवस्थापनमा आ–आफ्नो ठाउँबाट सहयोग गर्न सबैलाई आग्रह गरेका छन् । घाँटीको समस्याका कारण ‘भ्वाइस रेस्ट’ मा बसेका नेता पौडेलले सामाजिक सञ्चालमार्फत फोहोरले वातावरणीय प्रदूषणमा पार्ने प्रभावबाट कोही पनि मुक्त हुन नसक्ने भन्दै महानगरको फोहोरको समस्या सबैको साझा भएको बताएका हुन् ।  “स्थानीयवासीसँग भएका सम्झौताहरू पालना गर्न र उनीहरूको माग र समस्याहरूको समाधान गर्नुपर्छ,” पौडेलले फेसबुकमा लेखेका छन्– “फोहर व्यावस्थापनमा जसले जहाँबाट जति सकिन्छ सहयोग गरौँ । फोहरको प्रकृति हेरेर वर्गीकरण गरौँ । यो हाम्रा लागि हामीले गर्नुपर्ने काम हो । त्यसैगरी, फोहर व्यावस्थापन स्थलका स्थानीयहरूको माग र समस्याहरूको समाधान गरौँ । उहाँहरूसँगका सम्झौताहरू पालना गरौँ ।”  नेता पौडेलले फोहोर माथिको राजनीति र अर्थशास्त्र प...

काठमाडौं । अख्तियार दुरुपयोग अनुसन्धान आयोगले भ्रष्टाचारका मुद्दा विचाराधीन रहेको अवस्थामा निर्वाचित भएका एक गाउँपालिका अध्यक्ष र तीनजना वडाध्यक्षलाई निलम्बनमा राख्न निर्देशन दिएको छ । आयोगले संघीय मामिला तथा सामान्य प्रशासन मन्त्रालय, निर्वाचन आयोगसहितका निकायलाई पत्र लेखेर भ्रष्टाचारको मुद्दा विचाराधीन रहेका बेला उनीहरू जनप्रतिनिधिमा चुनिएको भन्दै स्वतः निलम्बनमा रहने व्यवस्था कार्यान्वयन गर्न भनेको छ ।  कैलालीको मोहन्याल गाउँपालिकाको अध्यक्ष देवीदत्त उपाध्याय, मोहन्याल–३ का वडाध्यक्ष नन्दराम गिरी, अछामको पञ्चदेवल विनायक नगरपालिका–७ का वडाध्यक्ष सुरतबहादुर रावल र नुवाकोटको बिदुर नगरपालिका–९ का वडाध्यक्ष हरिराम भण्डारी अख्तियारको निलम्बनमा परेका छन् । कैलालीको मोहन्याल गाउँपालिकाको अध्यक्ष उपाध्यायविरुद्ध विशेष अदालतमा मुद्दा विचाराधीन रहेको अख...

काठमाडौं । काठमाडौं महानगरको कार्यपालिका सदस्यमा ८ जना प्रतिनिधि निर्वाचित भएका छन् । आज राष्ट्रिय सभा गृहमा सम्पन्न निर्वाचनबाट नगरकार्यपालिकाको महिला सदस्य पदमा कांग्रेसका उमेदवारहरू मीना सुनार, मीना सिंह, कञ्चना नेपाली हरिजन र ललिता खड्गी तथा नेकपा (एकीकृ समाजवादी)की मैयाँलक्ष्मी महर्जन निर्वाचित भएको मुख्य निर्वाचन अधिकृत राजुकुमार खतिवडाले जानकारी दिए ।  उनीहरूले क्रमशः ९९, ९९, ९७, ९७ र ९९ मत प्राप्त गरिन् ।  यसैगरी दलित वा अल्पसंख्यकतर्फबाट कांग्रेका बिनोद अछामी र महेश नेपाली तथा माओवादी केन्द्रका अनिता कार्की ढोली निर्वाचित भए । उनीहरूले क्रमशः ९८, ९७ र ९५ मत प्राप्त गरे । निर्वाचन कार्यक्रमअन्तर्गत आज नै मतदान गरिएको थियो । गएको वैशाख ३१ गते सम्पन्न स्थानीय तह सदस्य निर्वाचनबाट काठमाडौं महानगरका लागि निर्वाचित जनप्रतिनिधि मतदाता रहेको न...

काठमाडौं । वाग्मती प्रदेश मन्त्रिपरिषद्को बैठकले प्रदेश सूचनाको हकसम्बन्धी ऐन, २०७६ मा व्यवस्था भएको पुनरावलोकन समितिको रिक्त रहेको सदस्य पदमा काभ्रेकी सम्झना हुमागाईंको नाम सिफारिस गरेको छ । आज बसेको प्रदेशको मन्त्रिपरिषद्को बैठकले सो निर्णय गरेको हो । बैठकले स्थानीय तहबाट कार्यान्वयन भएका आयोजनाका बाँकी दायित्व व्यवस्थापन गर्ने निर्णय गरेको मन्त्रिपरिषद्को कार्यालयले जनाएको छ । त्यसैगरी मन्त्रिपरिषद्को बैठकले प्रदेश स्वास्थ्य सेवा नियमावली संशोधन, प्रदेश व्यापार तथा व्यवसाय सञ्चालनसम्बन्धी नियमावली संशोधनलगायत निर्णय गरेको छ । ...

काठमाडौं । संस्कृति, पर्यटन तथा नागरिक उड्डयन मन्त्री प्रेमबहादुर आलेले पार्टीभित्रकै केही नेताहरु आफूलाई बदनाम गर्न लागिपरेको आरोप लगाएका छन् । पशुपति क्षेत्र विकास कोषले आयोजना गरेको विश्वरुपा मन्दिर तथा आसपासमा रहेका सत्तलको पुनर्निर्माणको शिलान्यास गर्दै मन्त्री आलेले  पार्टीभित्रकै केही नेताहरु आफूलाई बदनाम गर्न लागिपरेको आरोप लगाए । उनले आफूलाई मन्त्री बन्ने लोभ नरहेको भन्दै अन्य नेताहरुलाई मौका दिने इच्छा भए मन्त्री बनाउन नेकपा (एकीकृत समाजावदी) का अध्यक्ष माधवकुमार नेपाललाई आग्रह गरे । मन्त्री आलेले पार्टीका केही नेताहरुले प्रेम आलेले चलखेल गरेको भन्दै अन्तर्वार्ता दिइरहेकोप्रति आपत्ति जनाए । मन्त्री आलेले आफू मन्त्री रहुन्जेल देश र जनताको शिर ननिहुरिने गरी काम गर्ने प्रतिवद्धतासमेत व्यक्त गरे । मन्त्री आलेले भने, “मैले मेरो पार्टीको आदरणीय ने...