Author: Senior Editor Nima

नेपाली कांग्रेस प्रदेश १ संसदीय दलको शुक्रबार भएको चुनावको नतिजा पहिलो चरणमा नतिजा नआउने अनुमान कांग्रेस वृत्तमै थियो। संस्थापन पक्षबाटै दुई जना उम्मेदवार भएको र संस्थापनइतर समूहका उम्मेदवारका पक्षमा बहुमत पुग्ने अवस्था नदेखिएका कारण चुनाव दोस्रो चरणमा जाने अनुमान थियो। तर, नतिजा पहिलो चरणमै आयो। संस्थापन पक्षका कृष्णप्रसाद सिटौलानिकट झापाका उद्धव थापा १८ मत पाएर दलको नेता चुनिए। शेखर कोइरालानिकट केदार कार्कीले आफ्नो समूहको शतप्रतिशत अर्थात् ९ मत पाएर दोस्रो भए। संस्थापन पक्षमा पनि सभापति शेरबहादुर देउवानिकट मानिने मोरङका अमृत अर्याल भने आफ्नै समर्थक र प्रस्तावकको मत पाउनबाटै विफल देखिएका छन्। संसदीय दलको नेताका लागि उम्मेदवारी दिने क्रममा अर्यालको प्रस्तावक डोल्मा तामाङ र समर्थक सुनिताकुमारी चौधरी थिए। समर्थक र प्रस्तावकको मत आएको भए उनले आफूसहितको ३ मत पाउने सम्भाव...

काठमाडौं । नेपालका लागि चिनियाँ ‘चार्ज डी अफेयर्स’ वाङ जिनले प्रधानमन्त्री पुष्पकमल दाहाल 'प्रचण्ड'सँग शिष्टाचार भेटवार्ता गरेका छन् । वाङले प्रधानमन्त्रीलाई भेटेर चिनियाँ प्रधानमन्त्री ली खछ्याङले पठाएको बधाई सन्देश हस्तान्तरण गरेका हुन् । प्रधानमन्त्री दाहालसँग यसअघि भारतीय राजदूत नवीन श्रीवास्तवले पनि भेट गरिसकेका छन् । प्रधानमन्त्रीमा नियुक्त भएसँगै दाहाललाई छिमेकी देश भारत र चीनले बधाई दिएका थिए । ...

धनगढी । नेकपा (एकीकृत समाजवादी)को सुदूरपश्चिम प्रदेश सभा संसदीय दलको नेतामा दीर्घबहादुर सोडारी सर्वसम्मत रूपमा चयन भएका छन् । दलको उपनेतामा प्रकाश रावल र प्रमुख सचेतकमा नरेश शाही चयन भए । दुवैजना दोस्रो कार्यकालका लागि प्रदेश सभा सदस्यमा निर्वाचित भएका हुन् ।प्रदेश सभा सदस्य माया पन्तलाई सचेतकको जिम्मेवारी दिइएको छ । सुदूरपश्चिममा एकीकृत समाजवादीका चार सांसद छन् ।सोडारी प्रदेश सरकारमा भौतिक पूर्वाधार विकास मन्त्री छन् भने रावल आर्थिक मामिला मन्त्री छन् । ...

राप्रपा लुम्बिनीको संसदीय दलको नेतामा चयन भएका आशिषकुमार चौधरी । बुटवल । राष्ट्रिय प्रजातन्त्र पार्टी (राप्रपा) ले लुम्बिनी प्रदेश सभा संसदीय दलको नेतामा आशिषकुमार चौधरीलाई चयन गरेको छ । शुक्रबार संसदीय दलको बैठकले रूपन्देही १ (१) बाट निर्वाचित चौधरीलाई दलको नेता चयन गरेको पार्टीका लुम्बिनी प्रदेश अध्यक्ष प्रदीपकुमार उदयले जानकारी दिए । सचेतकमा बाँकेकी मीनाकुमार श्रेष्ठ चयन भएकी छन् ।लुम्बिनीमा राप्रपाका प्रत्यक्षबाट दुई र समानुपातिकबाट दुई गरी ४ सांसद छन् । लुम्बिनीमा प्रमुख दलहरू नेकपा (एमाले), नेपाली कांग्रेस, नेकपा (माओवादी केन्द्र) लगायतले दलको नेता चयन गर्न बाँकी छ । प्रदेश सभाको अधिवेशन यही पुस १८ गतदेखि दाङको भालुवाङमा सुरु हुँदै छ । ...

जनकपुरधाम । मधेस प्रदेशसभाका १०४ सदस्यले आज पद तथा गोपनीयताको शपथ लिएका छन् । प्रदेशसभाका जेष्ठ सदस्य गोविन्दबहादुर न्यौपानले सदस्यहरुलाई शपथ खुवाएका हुन् । तर, प्रदेशसभा सदस्यमा निर्वाचित सप्तरीकी माला कर्ण र महोत्तरीका रजी हैदरले भने आज शपथ ग्रहण गरेका छैनन् । दुवैजना समानुपातिक सांसद हुन् ।  सर्वोच्च अदालतको आदेशअनुसार कर्ण र हैदरको शपथ रोकिएको प्रदेशसभा सचिव रञ्जित यादवले जानकारी दिए । ...

काठमाडौं । सुदूरपश्चिम प्रदेशसभा सदस्यहरुले पद तथा गोपनीयताको शपथ लिएका छन् । शुक्रबार प्रदेशसभा हलमा ज्येष्ठ सदस्यका हैसियतले अछाम निर्वाचन क्षेत्र नम्बर १ को (२) बाट निर्वाचित सांसद मानबहादुर रावलले अन्य ५२ जना सांसदहरुलाई शपथ गराएका हुन् ।  त्यसअघि प्रदेशसभा सदस्य निर्वाचन ऐन, २०७४ को दफा ७५ बमोजिम प्रदेश प्रमुख देवराज जोशीले ज्येष्ठ सदस्य मानबहादुर रावललाई शपथ ग्रहण गराएका हुन् । शपथमा ६ जनाले मातृभाषामा शपथ लिएका थिए ।  ...

रूपन्देही । लुम्बिनी प्रदेश सरकारले प्रदेश सभाका सदस्यलाई पुस १६ गते शपथ गराउन प्रदेश प्रमुखलाई सिफारिस गरेको छ । लुम्बिनी प्रदेश सरकारको आज बसेको मन्त्रिपरिषद् बैठकले लुम्बिनी प्रदेशसभाका सदस्यलाई शपथ गराउन सरकारका तर्फबाट प्रदेश प्रमुख अमिक शेरचनलाई सिफारिस गर्ने निर्णय गरेको हो । मुख्यमन्त्री कुलप्रसाद केसीको अध्यक्षतामा बसेको मन्त्रिपरिषद्को बैठकले प्रदेश अधिवेशन पुस १८ गते बोलाउने निर्णयसमेत गरेको सरकारका प्रवक्ता एवं आन्तरिक मामिला, कानून तथा सञ्चारमन्त्री तिलकराम शर्माले जानकारी दिए । लुम्बिनी प्रदेशका प्रदेशसभा सदस्यलाई दाङको देउखुरीमा रहेको प्रदेशसभाको भवनमा शपथ गराउने तयारी गरिएको छ । ...

काठमाडौं । प्रधानमन्त्री पुष्पकमल दाहाल प्रचण्डलाई पुरानो घेरा तोडेर काम गर्न सांसद राजेन्द्र बजगाइँले आग्रह गरेका छन् । उनले आज प्रधानमन्त्री कार्यालयमा भेट गरेर यस्तो आग्रह गरेका हुन् । “प्रधानमन्त्री भइसकेपछि पोलिसीमा खेल्ने व्यापारीहरु फेरि हावी हुन सक्छन्,” उनको भनाई थियो, “पुरानो घेरा तोडेर नयाँ बनाउनुहोला ।” बजगाइँले उत्तर दक्षिण ३२ चक्के लरी चल्ने पाँचवटा सडक निर्माण गरिनुपर्ने, दुई घण्टामा वीरगन्ज पुग्ने सडक बनाउन पहल गर्न पनि आग्रह गरेका थिए । बजगाइँले २०४८ मा प्रधानमन्त्री गिरिजाप्रसाद कोइरालाले अमेरिकाबाट ८ जना विज्ञ आमन्त्रण गरेर रोड कम्स फस्ट अवधारणा र निजीकरण अघि बढाएको प्रसँग उठाउँदै अहिले फेरि त्यस्तै निर्णयको आवश्यकता रहेको बताएका थिए ।  ...

काठमाडौं । नेपाली कांग्रेस वाग्मती प्रदेश संसदीय दलको नेतामा बहादुरसिंह लामा विजयी भएका छन् ।  बुधबार भएको निर्वाचानमा लामाले इन्द्र बानियाँलाई पराजित गरेका हुन् । लामाले २१ मत प्राप्त गर्दा बानियाँले १६ मत प्राप्त गरे । प्रदेश संसदीय दलको कार्यालय हेटौँडामा भएको मतदानमा ३७ जनाले मतदान गरेका थिए । उनीहरू दुवैजना संस्थापन पक्षका हुन् । लामा सभापति शेरबहादुर देउवा निकट हुन् भने बानियाँ नेताहरू पूर्णबहादुर खड्का र प्रकाशमान सिंह निकट मानिन्छन् । ...

काठमाडौं । अधिवक्ता डा. दिनमणि पोखरेल महान्यायाधिवक्ता पदमा नियुक्त भएका छन् । बुधबार राष्ट्रपति विद्यादेवी भण्डारीले उनलाई महान्यायाधिवक्तामा नियुक्त गरेको राष्ट्रपतिको कार्यालयले जनाएको छ । प्रधानमन्त्री पुष्पकमल दाहाल ‘प्रचण्ड’को सिफारिसमा नेपालको संविधानको धारा १५७ को उपधारा (२) बमोजिम उनलाई सो पदमा नियुक्त गरिएको हो । डा. पोखरेल प्युठानको झिमरूक गाउँपालिका–४ निवासी हुन् । ...