Author: Senior Editor Nima

नवनियुक्त स्वास्थ्य तथा जनसङ्ख्या मन्त्री पदम गिरीले सबै नेपालीमा स्वास्थ्य सेवाको पहुँच सुनिश्चित गर्नेगरी काम गर्ने बताएका छन्। मंगलबार स्वास्थ्य तथा जनसङ्ख्या मन्त्रीको शपथ ग्रहणपछि मन्त्रालयमा पुगेर कार्यभार सम्हाल्दै मन्त्री गिरीले सबै नेपालीमा स्वास्थ्य सेवाको पहुँचलाई सुनिश्चित गर्न सम्पूर्ण ध्यान केन्द्रित गर्ने बताएका हुन्। उनले सबै पालिकाहरुमा निर्माणाधिन अवस्थामा रहेका अस्पतालमा आवश्यक जनशक्ति र उपकरणहरुको व्यवस्थापनमा पनि ध्यान दिइने बताए। उनले जनताहरुले गुणस्तरीय सेवा लिन सकुन् भन्ने आफ्नो चाहना रहेको उल्लेख गर्दै त्यसका लागि रफ्तारमा काम अगाडि बढाउने बताए। ‘सबैभन्दा महत्वपूर्ण कुरा के हो भने आम नेपाली जनताको, खासगरी सिमान्तकृत जनताहरु, उपेक्षामा परेका जनताहरु, पछाडि परेको जनता, विपन्न जनताहरुसम्म स्वास्थ्य सेवाको पहुँचलाई सुनिश्चित गर्नेकुरा हाम्रो मुख्य च...

सिके राउत नेतृत्वको जनमत पार्टीबाट मन्त्री बनेका अब्दुल खानले आफूले पाएको मन्त्रालयमा असन्तुष्टि जनाउँदै पदभार सम्हाल्न अस्वीकार गरेका छन्। मंगलबार नवनियुक्त र पहिला नियुक्त भएर कार्यभार तोकिएका अरू सबै मन्त्रीहरूले मन्त्रालयमा पुगेर पदभार सम्हाले पनि खान भने सिंहदरबार गएनन्। ‘खै हाम्रो मन्त्रीज्यू त आउनुभएन। केही कुरा नमिलेर होला,’ मन्त्रालयका एक कर्मचारीले भने। जनमत पार्टीले उद्योग, वाणिज्य तथा आपूर्ति मन्त्रालय मागेको थियो। पुस ११ गते नै शपथ लिएका खानलाई सुरूमा बिनाविभागीय मन्त्री बनाइएको थियो। अहिले बाँडफाँट गर्दा खानेपानी मन्त्रालय दिएपछि जनमत पार्टी रूष्ट बनेको हो।अब के गर्ने भन्नेबारे पार्टी बैठक बसेर निर्णय गरिने जनमत पार्टीका एक पदाधिकारीले जानकारी दिए। संसदमा जनमत पार्टीका ६ जना सांसद छन्। ...

सुदूरपश्चिम प्रदेश सभाकाे उपसभामुखका लागि दुई जनाकाे उम्मेदवारी परेकाे छ। प्रदेशको उपसभामुखको लागि सत्ता गठबन्धनबाट एमालेकी कोइलीदेवी चौधरीले उम्मेदवारी दर्ता गरेकी छन्। यस्तै नेकपा एकीकृत समाजवादीबाट माया पन्त उपसभामुखका लागि उम्मेदवार भएकी हुन्। यहाँ सत्तारूढ गठबन्धनबाट नागरिक उन्मुक्ति पार्टीको भागमा परेको उपसभामुख परेकाे थियाे। तर, नागरिक उन्मुक्तिले तत्काल सरकारमा सहभागी नहुने र उपसभामुख पनि नलिने भनेपछि एमालेबाट उम्मेदवार बनाइएको होयसअघि मंगलबारनै सुदूरपश्चिम प्रदेशको सभामुखमा माओवादीका भीम भण्डारी निर्वाचित भइसकेका छन् उपसभामुखको निर्वाचन पनि आज नै हुने तालिका छ। साँझ ४ बजेसम्म मनोनयन दर्ता गरेर ६ बजे निर्वाचन गर्ने तयारी भइरहेको छ। ...

कर्णाली प्रदेश सभाको उपसभामुख बुधबार चयन गरिने भएको छ। मंगलबार बसेको प्रदेश सभाको बैठकले उपसभामुख चयनका लागि निर्वाचनको मिति तोकेको हो। कर्णाली प्रदेशसभा नियमावली, २०७९ को नियम (९) बमोजिम उपसभामुख चयन गर्न लागिएको हो। बुधबार दिउँसो १ बजे बस्ने प्रदेश सभाको बैठकले उपसभामुख चयन भएको घोषणा गर्नेछ।आइतबार भएको निर्वाचनबाट कर्णाली प्रदेश सभाका सभामुखमा एमालेकी नन्दा गुरूङ चयन भएकी छन्। ...

माओवादी केन्द्रबाट प्रदेशसभा सदस्यमा निर्वाचित तुलाराम घर्ती लुम्बिनी प्रदेशसभाको सभामुखमा निर्विरोध रूपमा निर्वाचित भएका छन्। प्रदेशसभा सचिवालयमा सोमबार गरेको मनोनयनमा सभामुखका लागि घर्तीको मात्रै उम्मेदवारी परेपछि उनी निर्विरोध भएका हुन्। सत्ता गठबन्धनबाट सभामुखमा उम्मेदवारी दर्ता गरेका घर्तीको प्रस्तावकमा एमालेका भूमिश्वर ढकाल र समर्थकमा राप्रपाका आशिष चौधरी छन्। उपसभामुखमा भने सत्ता गठबन्धनबाट राप्रपाकी मेनुका खाणसँगै अन्य दुई जनाको पनि उम्मेदवार दर्ता भएको छ। प्रदेशसभा सचिवालयका अनुसार उपसभामुखका लागि नेपाली कांग्रेसका विश्व प्रेम पाठक र नागरिक उन्मुक्ति पार्टीकी निर्मलादेवी थारूले पनि मनोनयन दर्ता गरेका छन्। यसअघि २०७४ सालको निर्वाचनबाट पनि पाल्पा २(ख) बाट निर्वाचित घर्ती प्रदेश सभामा माओवादी केन्द्रको तर्फबाट प्रमुख सचेतक थिए।गत मंसिर ४ गते सम्पन्न निर्वाचन...

नेपाली कांग्रेसले बागमती प्रदेशका मुख्यमन्त्री शालिकराम जम्कट्टेललाई विश्वासको मत दिने निर्णय गरेको छ। आज प्रदेश सभा बैठकमा मुख्यमन्त्री जम्कट्टेलले विश्वासको मत लिँदैछन्। नेकपा माओवादी केन्द्रका प्रदेश संसदीय दल नेता जम्कट्टेल गत पुस २५ मा मुख्यमन्त्री नियुक्त भएका थिए। मुख्यमन्त्री जम्कट्टेललाई विश्वासको मत दिने निर्णय पार्टीले गरेको नेपाली कांग्रेस बागमती प्रदेशका सचेतक कुन्दनराज काफ्लेले जानकारी दिए। ‘हामी मुख्यमन्त्रीलाई विश्वासको मत दिन्छौं तर सरकारमा सहभागी हुँदैनौं, प्रतिपक्षी भूमिका रहेर सरकारलाई गुण र दोषका आधारमा सहयोग वा विरोध गर्छौं,’ उनले भने। संसदको रोष्टममा उभिएर आजै कांग्रेस बागमती प्रदेश संसदीय दलका नेता बहादुरसिंह लामाले पनि मुख्यमन्त्रीलाई विश्वासको मत दिएर कांग्रेस प्रतिपक्षमा बस्ने बताए। बागमती प्रदेशमा नेपाली कांग्रेसबाट ३७ जना सांसद छन्। ...

काठमाडौं । मन्त्रालयको भागवण्डालाई पूर्णता दिन सत्ता साझेदार दलहरूको बैठक बस्दै छ । बैठक प्रधानमन्त्रीको सरकारी निवास बालुवाटारमा बस्ने तयारी भइरहेको छ । सोमबार मन्त्रालयको भागवण्डा मिलाउन प्रधानमन्त्री पुष्पकमल दाहाल ‘प्रचण्ड’ र नेकपा एमाले अध्यक्ष केपी शर्मा ओलीबीच करिव पाँच घण्टा ओली निवास बालकोटमा संवाद भएको थियो । उक्त संवादले सभामुख÷उपसभामुखसहित मन्त्रालयको भागवण्डा मिलाइसकेको छ ।  सोही संवाद र सहमतिको आधारमा साझेदार दलहरूको बैठक बस्न लागेको प्रधानमन्त्रीको सचिवालयले जानकारी दिएको छ । “सबै कुरा मिलेको छ । आजै सत्तासाझेदार दलहरुको बैठक बस्छ र मन्त्रालयको भागवण्डाले पूर्णता पाउँछ,” सचिवालय स्रोतले भन्यो, “तर समय भने यकिन भइसकेको छैन ।” ...

काठमाडौं । नेपाली कांग्रेसका प्रवक्ता एवं सांसद डा. प्रकाशशरण महतले छानबिन समितिको निष्कर्षलाई आम सर्वसाधारणको पहुँचबाट टाढै राख्ने परिस्थितिको अन्त्य हुनुपर्ने बताएका छन् ।  उनले आइतबार काठमाडौंबाट पोखराका लागि उडेको विमान दुर्घटना भएकोप्रति दुःख व्यक्त गर्दै यस्ता घटनाहरु पटकपटक दोहोरिरहेको भन्दै जाँचबुझका लागि गठन गरेको समितिले बुझाएको प्रतिवेदनको पूर्ण कार्यान्वयन हुनुपर्नेमा जोड दिए ।  समितिले बुझाएका प्रतिवेदनहरुको सही कार्यान्वयन हुन नसक्दा यस्ता घटनाहरुको पुनरावृत्ति भइरहेको उनले बताए । “अहिलेसम्म भएका विमान दुर्घटनाहरु किन भए भन्ने जाँचबुझ समितिले बुझाएको प्रतिवेदन सार्वजनिक गर्न आवश्यक छ” उनले भने, “जाँचबुझ समितिले बुझाएको प्रतिवेदनका आधारमा दुर्घटना दोहोरिन नदिन यथेष्ठ उपाय खोज्नुपर्छ ।”  उनले जाँचबुझ समितिले बुझाएको प्रतिवेदनको कार्यान्वयन गरेर अ...

उच्चस्तरीय राजनीतिक संयन्त्रको बैठक बोलाइएको छ। आज अपरान्ह ५ बजे उच्चस्तरीय राजनीतिक संयन्त्रको बैठक बस्ने उपप्रधान तथा अर्थमन्त्री विष्णु पौडेलले जानकारी दिए। प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ‌ओलीबीच बालकोटमा छलफलपछि उच्चस्तरीय संयन्त्रको बैठक बोलाइएको हो। उच्चस्तरीय राजनीतिक संयन्त्रको संयोजकमा सत्ता साझेदार दल एमालेका अध्यक्ष केपी शर्मा ओली छन्।‘प्रधानमन्त्री र उच्चस्तरीय राजनीतिक संयन्त्र संयोजकबीच आज बैठक भयो। आजै अपरान्ह ५ बजे उच्चस्तरीय राजनीतिक संयन्त्रको बैठक बस्दैछ,’ बालकोटमा पत्रकारहरूसँग आज संक्षिप्त कुराकानी गर्दै मन्त्री पौडेलले भने, ‘कसले कति मन्त्रालय लिने भन्नेजस्ता विषय आजको बैठकमा छलफल गरिन्छ।’ उनले मन्त्रिपरिषद विस्तार पनि छिट्टै हुने बताएका थिए। यसअघि प्रधानमन्त्री पुष्पकमल दाहाल प्रचण्डले पनि छिट्टै मन्त्रिपरि...

प्रधानमन्त्री पुष्पकमल दाहाल प्रचण्डले सरकारलाई विश्वासको मत दिएका सबै पार्टीका नेताहरूको बैठक मंगलबार बस्ने बताएका छन्। सोमबार नेकपा एमालेका अध्यक्ष केपी शर्मा ओलीसँग बालकोटमा कुराकानी गरेपछि पत्रकारहरूसँग संक्षिप्त प्रतिक्रिया दिँदै प्रधानमन्त्री प्रचण्डले सरकारलाई विश्वासको मत दिने सबै पार्टीका नेताहरू मंगलबार बैठकमा बस्न लागेको बताए। ‘विश्वासको मत दिने सबै पार्टीका नेताहरूको बैठक भोलि बस्दैछ,’ उनले भने। उनले मन्त्रिपरिषदलाई छिट्टै पूर्णता दिने पनि बताए। सरकारले कहिले पूर्णता पाउँछ भन्ने प्रश्नमा उनले आजै टुंगिने बताएका थिए।नेमकिपा र राष्ट्रिय जनमोर्चाबाहेक संसदमा प्रतिनिधित्व गर्ने अन्य दल तथा स्वतन्त्र सांसदहरूले गत पुस २६ मा प्रधानमन्त्री प्रचण्डलाई विश्वासको मत दिएका थिए। ...