राजनीति

झापा । नेपाली कांग्रेसका महामन्त्री विश्वप्रकाश शर्माले संसद्मा आफ्नो प्रतिनिधित्व व्यक्तिको जित नभएर परिवर्तनका पक्षमा व्यक्त अभिमत भएको बताएका छन् । गृहनगर धुलाबारीमा मंगलबार आयोजित अर्जुनदृष्टि अभियानको आभार समारोहमा बोल्दै उनले चुनाव जित्नेहरु मतदाताको प्रतिनिधि पात्र मात्रै भएको स्पष्ट पारे । “प्रतिस्पर्धीलाई भन्दा १४/१५ हजार मतदिने व्यक्तिलाई कहिल्यै बिर्सन सकिन्नँ,“ उनले भने, “तपाईंहरुको यो विश्वासले थप आत्मविश्वास बढेको छ ।“ उनले मतदाता समक्ष गरेका बाचा पूरा गरेरै छाड्ने दृढता व्यक्त गरे । आफू बदलिएको जनादेशको मनोविज्ञानलाई बुझेर अघि बढ्नुपर्ने पक्षमा रहेको बताएका शर्माले केही दिनअघि आफू काठमाडौं पुगेर त्यसको पेश्की भूमिका निर्वाह गरेको उल्लेख गरे ।  “लोपोन्मुख तथा अल्पसंख्यक समुदाय, महिला, मजदुर सबै व्यक्तिले देश विकासमा आआफ्नो स्थानबाट योगदान गरिरहनु भ...

काठमाडौं । रूपन्देही–२ मा प्रतिनिधिसभा सदस्य निर्वाचन पुन: गर्न माग गर्दै सर्वोच्च अदालतमा रिट परेको छ । राष्ट्रिय स्वतन्त्र पार्टीबाट उमेदवार बनेका गणेश पौडेलले पुन: निर्वाचनको माग गर्दै मंगलबार सर्वोच्चमा रिट निवेदन दर्ता गरेका हुन् । रिट निवेदनमा रूपन्देही–२ को निर्वाचन अधिकृतको कार्यालयले एमालेका उमेदवार विष्णु पौडेललाई अनियमित रूपमा निर्वाचित भएको घोषणा गरेको दाबी गरिएको छ ।  उनी एमाले उपाध्यक्ष पौडेलसँग १,३७० मतले पराजित भएका थिए । पौडेलले २७ हजार १६५ मत ल्याएका थिए । दोस्रो बनेका राष्ट्रिय स्वतन्त्र पार्टीका गणेश पौडेलले २५ हजार ७९५ मत ल्याएका थिए ।  ...

डडेलधुरा । प्रधानमन्त्री तथा नेपाली कांग्रेसका सभापति शेरबहादुर देउवाले आफ्नो चुनावी खर्च विवरण निर्वाचन आयोगलार्य बुझाएका छन् । डडेलधुराका निर्वाचन अधिकृत करुणाकर अवस्थीका अनुसार आज देउवाले आफ्नो चुनावी खर्चको विवरण प्रतिनिधिमार्फत बुझाएका हुन् ।  देउवाले निर्वाचनमा २६ लाख १२ हजार खर्च गरेको विवरण निर्वाचन कार्यालयमा पेस गरेका हुन् । प्रचार सामग्री छपाइ, यातायात, खाना, सम्पर्क कार्यालय स्थापना र सञ्चालनलगायतका सात शीर्षकमा २६ लाख १२ हजार खर्च भएको भन्दै विवरण निर्वाचन कार्यालयमा बुझाइएको हो ।  मंसिर ४ गते भएको प्रतिनिधिसभा तथा प्रदेशसभा सदस्य निर्वाचनमा भाग लिएका राजनीतिक दल र उमेदवारहरू निर्वाचन खर्चको विवरण बुझाउन थालेका छन् । निर्वाचन आयोगले खर्च पेस गर्न निर्देशन दिएसँगै उमेदवारले खर्च विवरण जिल्ला निर्वाचन कार्यालय डडेलधुरामा बुझाउन थालेका हुन् ।  ...

काठमाडौं । नेकपा (एकीकृत समाजवादी)मा प्रवेश गरेका गण्डकी प्रदेशका स्वतन्त्र सांसद राजीव गुरुङ (मनाङे) ले आफू पदका लागि पार्टी प्रवेश नगरेको बताएका छन् । मंगलबार एकीकृत समाजवादीको पार्टी कार्यालयमा आयोजित स्वागत कार्यक्रममा गुरुङले आफू जनताको सेवाका लागि पार्टी प्रवेश गरेको भन्दै पदको कुनै लोभ नभएको बताए । अब एकीकृत समाजवादी छाडेको खण्डमा आफूले राजनीति नै नगर्ने उनको भनाइ छ ।  गुरुङले यसअघि आफ्नै कारणले गठबन्धनले सरकार बनाउन सकेको भन्दै ठूला ठूला मन्त्रालयहरूको अफर आए पनि आफूले युवा तथा खेलकुद मन्त्रालय नै रोजेको धारणा राखे ।  गुरुङलाई पार्टी कार्यालयमा समाजवादीका महासचिव बेदुराम भुसाल लगाएतले स्वागत गरेका थिए । गुरुङलाई स्वागत गर्दै भुसालले विगतलाई लिएर धेरै टीकाटिप्पणी गर्नु उचित नभएको बताए । ...

काठमाडौं । राष्ट्रपति विद्यादेवी भण्डारीलाई भेट्न जनमत पार्टीका अध्यक्ष चन्द्रकान्त राउत (सीके) शीतलनिवास पुगेका छन् ।  राउतले सामाजिक सञ्जाल फेसबुकमार्फत राष्ट्रपतिलाई भेट्न आफू मंगलबार शीतलनिवास पुगेको जानकारी दिए ।  राष्ट्रपति भण्डारीसँगको भेटमा समसामयिक राजनीतिक विषय र तिनको निकासका लागि छलफल भएको उनले उल्लेख गरेका छन् ।  “सम्माननीय राष्ट्रपतिज्यूसँग शिष्टाचार भेटघाट तथा देशको समसामयिक राजनीतिक निकासको विषयमा छलफल,” तस्विरसहित उनले फेसबुकमा लेखेका छन् । ...

काठमाडौं । नेपाली कांग्रेसका महामन्त्री गगन थापाले महाधिवेशनदेखि सँगै रहेका नेता डा. शेखर कोइरालासँग अहिले पनि सँगै रहेर पार्टीभित्र विधि स्थापित गर्न लागिपरेको बताएका छन् । विराटनगरमा कांग्रेस नेता गुरु घिमिरेको पुस्तक विमोचन समारोहलाई सम्बोधन गर्दै उनले यस्तो बताएका हुन् । उनले अहिले देश बनाउने अभियानमा लाग्दा उमेर सोध्ने काम भएको बताउँदै अभियानबाट पछि नहट्ने स्पष्ट पारे । “देश बदल्छौं भन्दा बाबुको उमेर कति हो भनेर सोध्ने ?,” उनको प्रश्न थियो, “कुन दाइ रिसाउनुहुन्छ मतलब गर्नुहुँदैन । अब मनको डर निकाल्नुपर्छ ।”  उनले विचारको कारणले महाधिवेशनमा शेखर कोइरालासँग एकैठाउँमा उभिएको हुँदा फेरि पनि पार्टीभित्र सुधारका एजेन्डा सँगै लिएर अघि बढ्ने बताए । “हामी उहाँकै नेतृत्वमा, उहाँसँगै रहेर काम गर्छौँ । पार्टीभित्र पनि सुधारका एजेन्डा अघि सार्छौँ । विधिको श...

काठमाडौं । यही मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनअन्तर्गत समानुपातिक प्रणालीतर्फ दुवै संसद्को सबै मतगणना मङ्गलबार सकिने भएको देखिएको छ । प्रत्यक्षतर्फको मतगणना आजै सकिएको छ । निर्वाचन आयोगको सूचना प्रणालीमा प्रविष्ट भएअनुसार प्रतिनिधिसभामा सो प्रणालीतर्फ हालसम्म एक करोड चार लाख ३० हजार ४३९ मतगणना सकिएको छ । सो प्रणालीतर्फ अब स्याङ्जा क्षेत्र नं २, दोलखा र बाजुराको केही मतगणना हुन बाँकी रहेको आयोगका सहायक प्रवक्ता कमल भट्टराईले जानकारी दिए ।  मतगणनाको परिणाम आइसकेपछि आयोगमा दलहरूले बुझाएको समानुपातिकका उमेदवारको बन्दसूचीका आधारमा दलहरूले पाउने सिट सङ्ख्यासहित नाम सिफारिसका लागि आयोगले दलहरूलाई पत्राचार गर्नेछ । सोका लागि दलहरूले प्रतिनिधिसभातर्फ सात दिन र प्रदेशसभातर्फ तीन दिन समय पाउनेछन् ।  निर्वाचनका लागि कूल मतदाता एक करोड ७...

नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’सँग गृहमन्त्री बालकृष्ण खाणले आज भेटवार्ता गरेका छन्। ललितपुरको खुमलटारस्थित दाहाल निवासमा भएको भेटमा वर्तमान समसामयिक राजनीतिक विषयमा छलफल भएको गृहमन्त्रीका प्रेस संयोजक मधुसुदन भट्टराईले जानकारी दिए। भेटमा पाँच दलीय गठबन्धनलाई निरन्तरता दिनेबारे छलफल भएको र दुवै नेता गठबन्धनलाई निरन्तरता दिन सकारात्मक रहेको बताइएको छ। निर्वाचनमा गठबन्धन गरेका दलहरूले पाँच वर्षसम्मै गठबन्धनकै माध्यमबाट मुलुकको विकास गर्न एकजुट भएर लाग्नुपर्नेमा जोड दिएको दिँदै आएका छन्।  ...

काठमाडौँ — सत्ता गठबन्धनमा आवद्ध दलहरू अहिलेकै गठबन्धनलाई निरन्तरता दिन सहमत भएका छन् । सोमबार सत्ता गठबन्धनका शीर्ष नेताहरूको प्रधानमन्त्री निवास बालुवाटारमा बसेको बैठकले यस्तो निष्कर्ष निकालेको हो । बैठकले हालै सम्पन्न प्रतिनिधिसभा र प्रदेशसभा निर्वाचनको समीक्षासमेत गरेको नेकपा एकीकृत समाजवादीका महासचिव वेदुराम भुसालले जानकारी दिए । 'चुनावपछिको पहिलो बैठक भएकाले निर्वाचनको सामान्य समीक्षा गरियो । बैठकले आगामी दिनमा यही गठबन्धनको सरकारलाई निरन्तरता दिने निष्कर्ष निकालेको छ,' नेता भुसालले बताए । निर्वाचन सम्पन्न भएपछि सत्ता गठबन्धन दलहरूको यो पहिलो बैठक हो । बैठकमा प्रधानमन्त्री एवं कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहालसहित चार दलका शीर्ष नेताहरू सहभागी थिए । चुनावमा गठबन्धन गरेको दल लोसपाका नेता भने बैठकमा सहभाग...

पोखरा । गण्डकीका बहालवाला युवा तथा खेलकुदमन्त्री दीपक मनाङे (राजीव गुरुङ) गठबन्धनको एक घटक नेकपा (एकीकृत समाजवादी)मा प्रवेश गरेका छन् । चुनावको अन्तिम नतिजा लगभग आइसकेर सरकार गठनको प्रक्रिया अघि बढ्ने बेला उनी 'अचनाक' एकीकृत समाजवादीमा प्रवेश गरेका हुन् । सोमबार साँझ मात्र केन्द्रमा सत्ता गठबन्धनका शीर्ष चार नेताले संयुक्त वक्तव्य जारी गरेका छन् । जसमा एकीकृत समाजवादी पनि छ । वक्यव्यमा अहिलेको गठबन्धनलाई निरन्तरता दिने भनिएको छ।  गण्डकीमा नयाँ सरकार गठबन्धनका लागि नेपाली कांग्रेस र नेकपा (माओवादी केन्द्र) मिले अरू नचाहिने स्थिति छ । सत्ता गठबन्धनलाई निरन्तरता दिने निर्णय भएपछि गण्डकीमा सांसविहीन अवस्थामा पुगेको एकीकृत समाजवादी पनि सत्ता साझेदार दल हुने बुझेर नै मनाङे एकीकृत समाजवादीमा प्रवेश गरेका हुन् ।  एकीकृत समाजवादीले गण्डकीमा नवलपु...