राजनीति

जनकपुरधाम । जनता समाजवादी पार्टी (जसपा)को मधेस प्रदेशको संसदीय दलको बैठकबाट प्रदेशको विधान पारित भएको छ ।  बैठकमा प्रदेशसभामा पार्टीका तर्फबाट प्रत्यक्ष तथा समानुपातिकतर्फ निर्वाचित भएका प्रदेशसभाका सदस्यको उपस्थितिमा विधान पारित गरेको जसपा नेता लालकिशोर साहले बताए । भोलि शुक्रबारसम्ममा संसदीय दलका नेता चयन गर्ने कार्यक्रम रहेको नेता साहले बताए । पार्टीको केन्द्रीय समितिले मधेस प्रदेशको संसदीय दलको नेता छान्नका लागि पार्टीका नेता लालकिशोर साहको अध्यक्षतामा तीन सदस्यीय निर्वाचन समिति गठन गरेको थियो । समितिले प्रदेशसभाका सदस्यसँग छलफल तथा परामर्श गरिरहेको जानकारी दिए । मधेस प्रदेशमा जसपाका प्रत्यक्ष तथा समानुपातिकतर्फ गरेर १६ प्रदेशसभाका सदस्य रहेका छन् ।  संसदीय दलका नेताका लागि वर्तमान मुख्यमन्त्री लालबाबु राउत, निवर्तमान सभामुख सरोजकुमार यादव र रामअशिष यादवको ना...

प्रधानमन्त्री पुष्पकमल दाहाल 'प्रचण्ड'ले अखिल (क्रान्तिकारी) लाई चुनावमा लाग्न निर्देशन दिएका छन्। बिहीबार अखिल(क्रान्तिकारी) को पदाधिकारी बैठकलाई सम्बोधन गर्दै प्रचण्डले यस्तो निर्देशन दिएको अखिल (क्रान्तिकारी) उपाध्यक्ष जीपी मैनालीले जानकारी दिए। त्रिविको विद्यार्थी कल्याण तथा खेलकुद निर्देशनालयले स्ववियु चुनाव चैत ५ गते गर्न प्रस्ताव गरेको छ। यो मिति त्रिवि कार्यकारी परिषदबाट अनुमोदन भने हुन बाँकी छ। प्रचण्डले संगठनमा असन्तुष्ट बनेकाहरूलाई सहमतिमा ल्याउनुपर्ने बताए। उनले पञ्चा सिंह नेतृत्वको कमिटीले नै संगठनका समस्या समाधान गर्नुपर्ने बताए। आफ्नो तेस्रो कार्यकालमा उल्लेख्य काम गर्ने भन्दै प्रचण्डले नराम्रो केही नगर्ने बताए। यसपटक ऐतिहासिक काम गर्ने उनको दाबी छ। ...

राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले पूर्वराजा ज्ञानेन्द्र शाहलाई भेटेका छन्। पूर्वराजा शाहसँग भेटेकोबारे मिश्रले बिहीबार ट्वीटरबाट सार्वजनिक समेत गरेका छन्। मिश्रले पूर्वराजा शाहसँग आफूले १५ वर्षपछि भेटेको उल्लेख गरेका छन्। ‘असोचनीयस्तरको प्रतिकूलता व्योहोरेका राजा ज्ञानेन्द्रसँगको डेढ घण्टा लामो भेटमा उनको सदाझैँको शालीनता, सौम्यता, समझदारी र देशप्रतिको गहिरो चिन्ताबाट प्रभावित भएको अवस्था,’ मिश्रले लेखेका छन्, ‘बढ्दो भूराजनीतिक र आन्तरिक संवेदनशीलताबीच नेपालमा राजसंस्था अपरिहार्य भएको निष्कर्ष।’उनले दलहरूले राजा फालेकोमा असन्तुष्टि पनि जनाएका छन्। ‘स्वार्थकेन्द्रीत र अपरिपक्व नेपाली राजनीतिकर्मीहरूले एकछिनको आवेगमा राजासँग व्यक्तिगत प्रतिशोध साँध्न देशको दूरगामी हित/अहितका बारे सोच्दै नसोची २४० वर्ष पुरानो संस्था फ्याँकिदिए...

स्ववियु चुनावको कार्यतालिका जारी गर्नुभन्दा अगाडि २ वटा काम गर्न नेविसंघले त्रिवि उपकुलपतिलाई आग्रह गरेको छ। नेविसंघ अध्यक्ष दुजाङ शेर्पाले बिहीबार त्रिविका उपकुलपति धर्मकान्त बाँस्कोटालाई स्ववियु चुनावको वातावरण बनाउनका लागि २ काम गर्न आग्रह गरेका हुन्। ‘स्ववियु चुनावको कार्यतालिका ल्याउनुअघि स्नातक तहका परीक्षा लिइएका सबैको परीक्षाफल प्रकाशित गरिनुपर्छ। र स्ववियु चुनावबाट कोही विद्यार्थी संगठन पनि बाहिर नजाओस् भन्नका लागि सबै संगठनका प्रमुखहरूलाई बोलाएर माइन्युट गर्नुपर्छ भन्ने सुझाव उपकुलपतिलाई दिएको छु,’ अध्यक्ष शेर्पाले भने। त्रिविको विद्यार्थी कल्याण तथा खेलकुद निर्देशनालयले स्ववियु चुनाव चैत ५ गते गर्न प्रस्ताव गरेको छ। यो मिति त्रिवि कार्यकारी परिषदबाट अनुमोदन भने हुन बाँकी छ। ...

वाम एकताका लागि नेकपा एकीकृत समाजवादीले कार्यदल गठन गरेको छ। आज पार्टी केन्द्रीय कार्यालयमा बसेको सचिवालय बैठकले वाम एकताका लागि पहल र अगुवाई गर्न महासचिव बेदुराम भुसालको नेतृत्वमा कार्यदल गठन गरेको हो। प्रवक्ता जगन्नाथ खतिवडाका अनुसार महासचिव भुसाल नेतृत्वमा रहेको कार्यदलमा गंगालाल तुलाधर, प्रकाश ज्वाला र विजय पौडेल पनि छन्। ‘वाम एकताका लागि पहल र अगुवाई गर्न एक कार्यदल बनाइएको छ,’ उनले भने, ‘सबै वामपन्थी व्यक्ति र संस्थासँग छलफल गर्छौं।’ एकीकृत समाजवादीले पुष्पकमल दाहाल प्रचण्ड नेतृत्वमा रहेको अहिलेको सरकारलाई समर्थन गर्ने कि नगर्नेमा भने निर्णय गर्न सकेको छैन ...

काठमाडौं जिल्ला प्रशासन कार्यालयले चार वटा सेवामा टाइम कार्ड लागू गरेको छ। सेवाग्राहीले लामो समय लाइन बस्नुपर्ने समस्यालाई समाधानको लागि प्रशासन कार्यालयले बिहीबारदेखि टाइम कार्ड लागू गरेको हो। प्रशासन कार्यालयले अहिले परीक्षणको रूपमा यो सेवा सुरू गरेको काठमाडौंकी सहायक प्रमुख जिल्ला अधिकारी देवी पाण्डे खत्रीले जानकारी दिइन्। यसरी लागू गरेसँगै उपप्रधान तथा गृहमन्त्री रवि लामिछानेले पनि प्रशासन कार्यालयको निरीक्षण गरेका छन्। प्रशासनले सुरूआती चरणमा चार सेवामा टाइम कार्ड लागू गरेको हो। संस्था नविकरण, नयाँ नागरिकता वितरण, नाबालिग परिचयपत्र र मुद्दाको पेशी र तारिख दिनेमा टाइम कार्ड लागू गरेको हो। प्रशासन कार्यालयले सेवाग्राहीलाई यी सेवा दिन निश्चित समय दिन्छ। त्यो समयभित्रमा प्रशासन कार्यालयले सेवा दिइसक्ने गरी यो परीक्षण सुरू गरेको सहायक प्रमुख जिल्ला अधिकार...