राजनीति

सरकारमा आबद्ध तीन दल र सकार बाहिर रहेको विप्लव नेतृत्वको नेकपा मिलेर बनेको समाजवादी मोर्चाले देशव्यापी सन्देश सभा गरिरहेको छ। सन्देश सभामा मोर्चामा आबद्ध शीर्ष नेताहरूले सम्बोधन गरिरहेका छन्। उनीहरूका सम्बोधनले मोर्चाका साझा धारणाबाहेक अन्य धेरै विषयमा पनि संकेत गरिरहेका छन्।  मोर्चाले शुक्रबार पोखरामा सन्देश सभा आयोजना गरेको थियो। सभामा प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ का आफ्नै सन्देश थिए। प्रचण्डका जस्तै नेकपा एकीकृत समाजवादीका अध्यक्ष माधव नेपाल, नेकपा महासचिव नेत्रविक्रम चन्द विप्लवले पनि आ–आफ्नो सन्देश दिए। मोर्चा आबद्ध जनता समाजवादी पार्टी जसपाका अध्यक्ष उपेन्द्र यादव उपस्थित भएनन्। उनका ठाउँमा सोही पार्टीका कार्यकारिणी सदस्य शिवलाल थापाले सम्बोधन गरे। मोर्चाले बनाएका साझा अवधारणाका विषयमा उनीहरूका धारणा...

राष्ट्रिय प्रजातन्त्र पार्टी (राप्रपा) निकट प्रवासी नेपाली एकता समाज (पानस) को बेलायत अध्यक्ष रोशन सापकोटा चयन भएका छन्। राप्रपा प्रवक्ता मोहन श्रेष्ठले दिएको जानकारीअनुसार पानस अध्यक्षमा सर्वसम्मत रूपमा सापकोटा चयन भएका हुन्। पानसको उपाध्यक्षमा उपाध्यक्षमा सोनाम शेर्पा र शर्मिला लामा तथा महासचिवमा रमेश शाही ठकुरी चयन भएका छन्। सचिवमा गीता गिरी, संगठन विभागमा डेबिड थापा र भुपाल कार्की, प्राविधिकतर्फ राकेश शाह चयन भएका छन्। सदस्यमा रामप्रवेश यादव, मिठुलाल बिक, सुरेन्द्र बम, शैलेश श्रेष्ठ, दीपक खड्का, कुमार गुरुङ र सुरज श्रेष्ठ चयन भएको प्रवक्ता श्रेष्ठले जानकारी दिए। साथै भेलाले एक के श्रेष्ठ, मीरा राणा, नन्दकुमारी गुरुङ र प्रेमबहादुर गुरुङलाई सल्लाहकार चयन गरेको छ। ...

वन तथा वातावरण मन्त्री वीरेन्द्रप्रसाद महतोले जलवायु परिवर्तनले पुर्‍याएको असरको क्षतिपूर्ति लिन सबैले पहल गर्नुपर्ने बताएका छन्। आगामी जलवायु सम्मेलनमा सरोकारवाला सबै र नेपाल सरकारले जलवायु परिवर्तनबाट मुलुकमा परेको असरको क्षतिपूर्ति लिन पहल गर्नुपर्ने उनले बताए। नेपाल सरकार र यूएन वुमन नेपालको सहकार्यमा साथसाथै संस्थाले शुक्रबार काठमाडौंमा गरेको जलवायुसम्बन्धी कार्यक्रममा बोल्दै मन्त्री महतोले भने, ‘कोप २८ मा धेरै उपलब्धि हासिल गर्न सकिने गरी सरकारले तयारी गरिरहेको छ।’ उनले नेपालका हिमालमा जलवायु परिवर्तनले पुर्‍याएका असरबारे पनि कोप २८ मा जानकारी गराइने बताए। जलवायु परिवर्तनको मुख्य जोखिममा महिला र बालबालिका बढी प्रभावित रहेको पाइएको उनको भनाइ छ। कार्यक्रममा यूएन वुमन नेपालका राष्ट्रिय प्रतिनिधि प्याट्रिसिया फर्नान्डेज्ले नेपाल सरकारले समावेशीताका लागि चाल...

राष्ट्रिय स्वतन्त्र पार्टी (रास्वपा) का सभापति रवि लामिछाने र भारतीय राजदूत नवीन श्रीवास्तवबीच भेटवार्ता भएको छ। शुक्रबार पार्टी केन्द्रीय कार्यालय बनस्थलीमा सभापति लामिछाने र राजदूत श्रीवास्तवबीच भेटघाट भएको रास्वपाले जनाएको छ। भेटघाटको क्रममा: रास्वपाको मुख्य एजेण्डा सुशासन, सामाजिक न्याय र आर्थिक विकास रहेको र नेपालको समृद्धिका लागि नेपाल-भारत सम्बन्धलाई थप बलियो बनाउनका साथै आपसी चासोका मुद्दाहरूलाई संवादमार्फत् हल गर्दै जानु पर्ने विषय सभापति लामिछानेले राखेको रास्वपाले जनाएको छ। भेटवार्तामा रास्वपाका महामन्त्री डा. मुकुल ढकाल, अन्तर्राष्ट्रिय सम्बन्ध विभाग प्रमुख शिशिर खनाल र सांसद मनिष झालगायत पनि थिए। ...

काठमाडौं । नेकपा (एकीकृत समाजवादी)का अध्यक्ष माधवकुमार नेपालले आफ्नो पार्टीलाई बलियो बनाउन नेता, कार्यकर्ताहरुलाई निर्देशन दिएका छन् । शुक्रबार पोखरामा आयोजित समाजवादी मोर्चा, नेपालको सन्देश सभालाई सम्बोधन गर्दै अध्यक्ष नेपालले एकीकृत समाजवादी पार्टीलाई बलियो बनाउन पार्टीका नेता, कार्यकर्ताहरुलाई निर्देशन दिए । पार्टीलाई बलियो बनाउँदै समाजवादी मोर्चालाई पनि गतिशील बनाउन उनको आग्रह थियो । एकीकृत समाजवादी माओवादीमा विलय हुने प्रचार भएको भन्दै उनले मन मिल्ने पार्टीहरुका बीचमा एकता गर्न समाजवादी मोर्चाभित्र रोक नलगाइएको बताए । संगठनलाई गतिशील बनाउन र जनतामा जान मोर्चामा आवद्ध पार्टीका सबैलाई उनले आग्रह गरे । आपसमा खुट्टा नतानी काम गर्न निर्देशन दिँदै उनले काम गर्न सके काम गर्न र काम गर्न नसके बाटो छोड्न पनि आग्रह गरे । “राम्रा मान्छेलाई अगाडि बढाउने कुरामा हामी कुनै सम...

काठमाडौं । सभामुख देवराज घिमिरेले संसदीय समितिका निर्देशनहरु सरकारले प्रभावकारी तवरले कार्यान्वयन गर्नुपर्ने बताएका छन् । काठमाडौंमा शुक्रबार आयोजित एक कार्यक्रममा सभामुख घिमिरेले समितिले दिएका निर्देशन औपचारिक मात्रै हुने गरेको भन्दै प्रभावकारी तवरले कार्यान्वयन हुनुपर्ने बताए । उनले सरकार समितिले दिएका निर्देशन कार्यान्वयन गर्न किन तयार छैन ? भन्दै प्रश्न गरे । संसद् जनताप्रति उत्तरदायी हुन जरुरी रहेको भन्दै उनले जनताको पक्षमा काम गर्न समयभित्रै ऐन बनाउन जरुरी रहेको बताए । विधायिका संस्थामा सांसदहरुले खेल्ने भूमिका प्रभावकारी हुनुपर्ने पनि उनले बताए । सभामुख घिमिरेले देश समृद्ध बनाउन र राष्ट्रको उन्नति गर्न सांसद र संसद् क्रियाशील बन्नुपर्ने बताए । देशको पछौटेपन अन्त्य गर्न आर्थिक रुपमा सबल बन्नुपर्ने बताउँदै उनले संसद्लाई सोझै जनताप्रति उत्तरदायी संस्था बनाउन अझै न...

हेटौँडा । वाग्मती प्रदेश सरकारका मुख्यमन्त्री शालिकराम जम्कट्टेलले प्रदेश राजधानी हेटौँडा र सङ्घीय राजधानी काठमाडौं जोड्ने सडकको निर्माण चार महिनाभित्र पूरा हुने बताएका छन् । हेटौँडा–कुलेखानी–फाखेल–काठमाडौं सडक पुसभित्र निर्माण सम्पन्न भइसक्ने उनले दाबी गरे । प्रदेश राजधानी र सङ्घीय राजधानी काठमाडौंसम्म जोड्ने छोटो मार्गका रुपमा रहेको यस सडकखण्ड पहिरोको उच्च जोखिममा छ । जसका कारण सामान्य वर्षामा समेत पहिरोका कारण पटक–पटक सडक अवरुद्ध हुँदै आएको छ । मुख्यमन्त्री जम्मकट्टेलले निर्माणमा ढिलासुस्ती नगर्न निर्माण कम्पनीलाई निर्देशन दिइएको बताए । उनले समयमा नै काम सम्पन्न गराउनका लागि सम्बन्धित मन्त्रालयका मन्त्रीसँग कार्यसम्पादन करार सम्झौता गरिसकिएको बताए । ...

काठमाडौं । नेकपा (एकीकृत समाजवादी)का सम्मानित नेता झलनाथ खनालले एमसीसीका नाममा राष्ट्रहित विपरीतको कुनै पनि सर्तहरू मान्य नहुने बताएका छन् । शुक्रबार विश्व ट्रेड युनियन महासंघ, समन्वय समिति नेपालले काठमाडौंमा आयोजना गरेको एक कार्यक्रममा खनालले खुल्लारूपमा अमेरिकाले गर्ने सहयोग लिन कुनै समस्या नहुने तर एमसीसीका नाममा देशको स्वाभिमान र स्वतन्त्रताविरुद्ध कुनै सर्तहरू मान्य नहुने बताएका हुन् । उनले एमसीसी सम्झौतामा दर्जनौ असमान सर्तहरू रहेको जिकीर गरे । एमसीसीको व्याख्यात्मक घोषणा दलहरूको लाज ढाक्ने ठाँउ मात्रै रहेको र यसको कुनै कानुनी हैसियत नरहेको उनको भनाइ छ । त्यस्तै, खनालले अमेरिकी साम्राज्यवादको विश्व रणनीतिको केन्द्रबिन्दु चीन घेर्ने भएकाले त्यसका लागि नेपाललाई आफ्नो स्वार्थ पूरा गर्ने माध्यम बनाएको तर्क गरे । ...

काठमाडौं । प्रतिनिधिसभाका सभामुख देवराज घिमिरेले नेपाल विश्वकै सुन्दर मुलुकहरूको सूचीमा सबैभन्दा अगाडि हुने सम्भावना बोकेको देश भएको बताएका छन् । नेपाललाई विश्वकै सुन्दर देशको अग्रणी बनाउन त्यसै अनुसारको अध्ययन, विश्लेषणको जरुरी रहेको पनि बताए । शुक्रबार ललितपुरस्थित महालक्ष्मी नगरपालिकाले लाँकुरी भञ्ज्याङमा स्थापना गरेको मनमोहन मेमोरियल टावर परिसरमा लागिगुँरास फूलको बिरुवा रोपेपछि उनले सञ्चारकर्मीमाझ नेपाल सुन्दर देश भएपनि त्यसलाई अगाडि बढाउनेगरी अध्ययन र अनुसन्धानको पाटोमा काम हुन नसकेको बताए । उनले भने, "संसारको सुन्दर मुलुकहरूमा सबभन्दा अगाडि नेपाल हुनसक्छ । तर, त्यही ढंगको अध्ययन गर्ने, हेर्ने, विश्लेषण गर्ने भइरहेको छैन । अहिले महालक्ष्मी नगरपालिकाले यो क्षेत्रलाई एउटा पर्यटनको हिसाबले आकर्षक क्षेत्रको रूपमा विकास गर्ने जे सुरुवात गरेको छ । यो राष्ट्रकै हितको लागि, र...

पोखरा । प्रधानमन्त्री पुष्पकमल दाहाल 'प्रचण्ड'ले ललिता निवास प्रकरणमा मुछिएका पूर्वप्रधानमन्त्री तथा नेकपा (एकीकृत समाजवादी)का अध्यक्ष माधवकुमार नेपाल निर्दोष रहेको बताएका छन् । माओवादी केन्द्रका अध्यक्षसमेत रहेका प्रचण्डले शुक्रबार पोखरामा समाजवादी मोर्चाको सन्देश सभालाई सम्बोधन गर्दै माधव नेपाललाई सीआईबीले निर्दोष सावित गरेको बताए । “माधवजीको बारेमा पनि धेरै प्रश्नहरू उठे, के हो ? कसो हो ? भनिराखे,” प्रचण्डले भने, “पहिलोचोटि अहिले उहाँ निर्दोष हो भन्ने सावित भयो ।” निर्दोष सावित भइसकेपछि अब प्रश्न उठाउने ठाउँ नै नरहेको उनले बताए । नेपाल निर्दोष सावित भएपछि आफ्नो पनि टेन्सन हटेको प्रचण्डले बताए । “औपचारिक ढंगले सावित भयो, अब प्रश्न उठाउने ठाउँ रहेन । किनभने सीआईबीले अन्ततः के हो के हो भनेर बयान त लियो । बयान लिएर निर्दोष सावित गरेर मुद्दा चलाउन नपर्ने भनेर लि...