राजनीति

जनकपुरधाम । मधेस प्रदेशमा नेपाली कांग्रेस संसदीय दलको नेता छान्न तीन सदस्य समिति गठन भएको छ । बिहीबार प्रदेश समितिका उपसभापति चन्द्रशेखर कुमार यादवको संयोजकत्वमा निर्वाचन समिति गठन भएको हो ।  समितिको सदस्यमा प्रदेश समितिका महामन्त्री वृहस्पति कृष्ण श्रेष्ठ र सहमहामन्त्री विन्दुकुमारी यादव छन् । यो समितिले प्रदेशसभामा दलको नेता चयनको लागि निर्वाचन गराउने छ ।  तर, पार्टीले प्रदेश सरकार गठन तथा छलफलको लागि प्रदेश सभापति कृष्ण यादवलाई जिम्मेवारी दिइसकेको छ । कांग्रेसले मधेस प्रदेशमा सरकारको नेतृत्वमा दाबी गर्ने प्रदेश समितिले जनाएको छ । “माथी छलफल गर्दा मधेस प्रदेशमा नेपाली कांग्रेसको नेतृत्वमा प्रदेश सरकार गठन गर्नका लागि केन्द्रीय नेतृत्वसँग समन्वय गरी गठबन्धनमा रहेका दल लगायतसँग वार्ता, संवाद र छलफल प्रक्रिया प्रारम्भ गर्ने जिम्मेवारी प्रदेश सभापति कृष्ण यादवलाई दिन...

विराटनगर । प्रदेश नंं. १ का मुख्यमन्त्री राजेन्द्रकुमार राईले कुनै चमात्कारिक अवस्थाबाहेक अहिलेकै सरकारको निरन्तरता पाउने बताएका छन् । राष्ट्रिय परिदृष्य बन्दै गएको उल्लेख गर्दै उनले प्रदेशहरुमा पनि गठबन्धनकै सरकार बन्ने बताएका हुन् ।  बिहीबार मुख्यमन्त्री तथा मन्त्रिपरिषद् कार्यालयमा आयोजित चालु आर्थिक वर्ष २०७९÷०८० को प्रथम चौमासिक प्रगति समीक्षालाई सम्बोधन गर्दै राईले सरकार परिवर्तन हुने तर यही गठबन्धनको सरकार बन्ने राष्ट्रिय परिदृश्य आफूले देखेको बताए । भने, “निर्वाचनपछि सरकार परिवर्तन हुनु स्वभाविक हो ।”  उनले कर्मचारी स्थायी सरकार भएको स्मरण गराउँदै आफूले सरकार सञ्चालनका क्रममा कर्मचारीलाई सहयोगीभन्दा सल्लाहकारको रुपमा लिएको बताए । भने, “कर्मचारीका सवालमा हिजो हामीले कुनै रंग हेरेनौँ । बिरालो कालो होस्् वा सेतो, मुसा मारे पुग्छ भनेझैं हामीलाई काम चाहिएको छ ।” ...

काठमाडौंं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपाल बालुवाटार पुगेका छन् । प्रधानमन्त्री तथा नेपाली कांग्रेसका सभापति शेरबहादुर देउवासँग छलफलका लागि दुई पार्टीका अध्यक्ष बालुवाटार पुगेका हुन् ।  स्रोतका अनुसार देउवा, दाहाल र नेपालबीच सरकार गठन लगायतका विषयमा छलफल भइरहेको छ । त्यसअघि बसेको पार्टीको पदाधिकारी र संसदीय दलको बैठकमा प्रचण्डले सरकार गठनबारे छलफल हुने बताएका थिए । ...

काठमाडौं । नेपाली कांग्रेसका महामन्त्री तथा झापा १ बाट नवनिर्वाचित सांसद विश्वप्रकाश शर्मा सुन्दरीजल पुगेका छन् ।  बिहीबार प्रतिनिधिसभा सदस्यको शपथ ग्रहण गरेसँगै उनी बीपी संग्रहालय सुन्दरीजल पुगेका हुन् । उनले सामाजिक सञ्जालमार्फत तस्बिर सार्वजनिक गर्दै सुन्दरीजल पुगेको पुष्टि गरेका छन् । शर्मा महत्वपूर्ण घटनाक्रमपश्चात् सुन्दरीजल पुग्ने गर्दछन् । उनले पार्टीको १४ औँ महाधिवेशन अघि पार्टी महामन्त्रीमा उमेदवारी घोषणा गर्न पनि सुन्दरीजल नै पुगेका थिए ।  यस्तै, महामन्त्री जितेपश्चात् पनि उनी त्यहाँ पुगेका थिए । उनका समर्थकहरूले उनलाई सानो बीपीको उपमा दिने गर्दछन् । उनका साथमा सहमहामन्त्रीद्वय बद्री पाण्डे र जीवन परियार तथा सांसद सन्तोष चालिसे पनि सँगै पुगेका थिए । ...

काठमाडौं । नेकपा (एमाले)का सांसद सूर्य थापाले कांग्रेस र एमाले मिलेर सरकार बनाए उपयुक्त हुने बताएका छन् । बिहीबार प्रतिनिधिसभा सदस्यको शपथग्रहण गरेपछि सञ्चारकर्मीसँगको कुराकानीनमा थापाले मुलुकको राजनीतिक स्थायित्व र दिर्घकालीन हितका लागि पनि दुई ठूला दल मिलेर सरकार बनाउन उपयुक्त हुने बताए । अहिले नै कसको नेतृत्वमा सरकार बन्छ भनेर भन्न सकिने अवस्था नरहेको उनले बताए । "अब ठूला शक्ति भएकाले नेपाली कांग्रेस र एमाले मिलेर अगाडि जाँदा अलि दिर्घकालीन स्थायित्वका निम्ति पनि हितकर हुन्छ भन्ने मेरो अडान रहँदै आएको छ," उनले भने ।  सांसद थापाले मुलुकको दिर्घकालीन हित केन्द्रित भएर राजनीतिक दलहरू अघि बढनुपर्ने बताए । थापा राष्ट्रिय जनमोर्चाकी उपाध्यक्ष दुर्गा पौडेललाई पराजित गर्दै प्युठानबाट प्रतिनिधिसभामा निर्वाचित भएका हुन् । ...

काठमाडौं । राष्ट्रिय स्वतन्त्र पार्टीका सभापति रवि लामिछानेले सरकारको नेतृत्वका लागि ठूला दलहरुसँग छलफल चलाइएको बताएका छन् । आफ्नो पार्टीले पनि प्रतिनिधिसभामा चौथो ठूलो दलको हैसियतले छलफल चलाएको बताए । प्रतिनिधिसभा सदस्य पदको सपथग्रहण गरेलगत्तै सभापति लामिछानेले बिहीबार सरकार बनाउने कुरा संविधानसम्मत ढंगले अघि बढ्ने भएकाले आफूहरु सोहीअनुसार अघि बढ्ने पनि स्पष्ट पारेका छन् ।  संसद् भवन परिसरमा सञ्चारकर्मीसँग संक्षिप्त कुराकानी गर्दै लामिछानेले सरकार बनाउने कुरामा संसद् अनिर्णयको बन्दी नबनोस् भन्ने कुरामा आफूहरु सचेत रहनेसमेत बताए । “आम नागरिकले विश्वास गरेको जनमतको कदर नगर्ने भन्ने कुरै भएन,” लामिछानेले भने, “हामीलाई प्राप्त जनमत सरकार बनाउन पुग्ने छैन । तर, कसैलाई पनि बहुमत नआएको परिवेशमा चौथो ठूलो दलको रुपमा हामीेले पनि नेतृत्व गर्न सक्छौँ कि भन्ने विषयलाई हामीले एकदमै...

काठमाडौं । नेपाली कांग्रेसका नेता डा. शेखर कोइरालाले राजनीतिक दल र नेताहरूलाई बुद्धिजीवीहरूले खबरदारी गरिरहनुपर्ने बताएका छन ।  पर्यटनविज्ञ आदित्य बरालले लेखेको पुस्तक विमोचनम कार्यक्रममा डा. कोइरालाले नेताहरूले बाटो बिराउन सक्ने भन्दै कुनै न कुनै रूपमा खबदारी गर्न आग्रह गरेका हुन् ।  “हामीबाट कहीँकतै गल्ती हुन सक्छ, नेताहरूले बाटो बिराउन सक्छन्, त्यसमा बुद्धिजीवीहरूले सधैँ सचेत गराइरहनुपर्ने आवश्यकता छ,” कोइरालाले भने ।  मुलुकमा चुनौतीका चाङ रहेको भन्दै कोइरालाले देश अहिले पनि कठिन मोडमै रहेको बताए। ...

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन र अमेरिकी राजदूत नेपालका लागि अमेरिकी राजदूत डिन आर थम्पसनबीच भेटघाट भएको छ । आज राप्रपाको केन्द्रीय कार्यालय धुम्बाराहीमा उनीहरूबीच शिष्टाचार भेटघाट भएको हो ।  भेटमा राजदूत थम्पसनले अध्यक्ष लिङ्देनलाई प्रतिनिधिसभाको सदस्य पदमा विजयी भएकोमा बधाई दिएका थिए । उनीहरूबीच समसामयिक विषय र दुई पक्षीय सम्बन्धबारे पनि कुराकानी भएको राप्रपाले जनाएको छ । ...

काठमाडौं । नेकपा (एकीकृत समाजवादी)का सम्मानित नेता झलनाथ खनालसहितले पुनः मतदानको माग गर्दै दायर गरेको रिटमा सर्वोच्च अदालतबाट कारण देखाऊ आदेश जारी भएको छ । बुधबार प्रारम्भिक सुनुवाइपछि सर्वोच्चको संवैधानिक इजलासबाट कारण देखाऊ आदेश जारी भएको हो । खनालले इलाम क्षेत्र नम्बर–१, राष्ट्रिय स्वतन्त्र पार्टीका गणेश पौडेलले रुपन्देही–२ र नेकपा (एमाले)का उमेदवार कर्णबहादुर थापाले बाजुरामा पुनः प्रतिनिधिसभा सदस्य निर्वाचन गराउन माग गर्दै रिट दायर गरेका थिए । यस्तै, एमालेका बलदेव रेग्मीले बाजुरा ‘क’मा पुनः प्रदेशसभा सदस्य निर्वाचन गराउन माग गरेका थिए । ...

काठमाडौं । नेकपा (एमाले)का अध्यक्ष केपी शर्मा ओली, नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड' र नेकपा (एकीकृत समाजवादी)का सम्मानित नेता झलनाथ खनालबीच जम्काभेट भएको छ । शीतल निवासमा आयोजित प्रतिनिधिसभाका ज्येष्ठ सदस्यको शपथ ग्रहण समारोहमा नेतात्रय पूर्वप्रधानमन्त्रीको हैसियतमा उपस्थित भएका थिए । एमाले अध्यक्ष ओलीको सचिवालयले नेताहरूबीचको भेटको तस्बिर सार्वजनिक गरेको छ । उनीहरूबीच संवाद पनि भएको छ ।  आज शीतल निवासमा आयोजित कार्यक्रममा राष्ट्रपति विद्यादेवी भण्डारीले राष्ट्रिय प्रजातन्त्र पार्टी (राप्रपा) का सांसद पशुपति शमशेर जबरालाई शपथ खुवाएकी हुन् । ...