रुपन्देहीका नगर उपप्रमुखको साझा प्रतिबद्धता : महिलालाई आयमा जोड्छौँ
बुटवल । वैशाख ३० गते भएको स्थानीय तह निर्वाचनमा रुपन्देहीका सबै नगरमा महिला उपप्रमुख विजयी भएका छन् । रुपन्देहीमा १ उपमहानगरसहित ६ नगरपालिका छन् । रुपन्देहीको एकमात्र उपमहानगर बुटवलमा साबित्रादेवी अर्याल उपप्रमुखमा विजयी भएकी छिन् । तीन नगरपालिकामा उपमेयर दोहोरिएका छन् ।
तिलोत्तमा, देबदह र सैनामैना नगरपालिकामा अघिल्लो स्थानीय तहमा उपप्रमुख जितेका नै दोहोरिएका छन् । तिलोत्तमामा जागेश्वरीदेवी चौधरी, देबदहमा विद्यालक्ष्मी गुरुङ र सैनामैनामा बिना राना विजयी भएकी छन् । यस्तै सिद्धार्थनगर नगरपालिकामा उमा अधिकारी र लुम्बिनी सांस्कृतिक नगरपालिकामा कल्पना हरिजन विजयी भएकी छन् ।
Advertisement
उनीहरूले निर्वाचित भएसँगै महिलाहरूको क्षेत्रमा महत्त्वपूर्ण काम गर्ने प्रतिक्रिया दिएका छन् । प्रमुख वा उपप्रमुखमा महिला उठाउनुपर्ने ब्यवस्था कार्यान्वयन नभए पनि आफूहर...
