काठमाडौं । नेकपा (एमाले)का उमेदवार विष्णु पौडेलविरुद्ध रूपन्देही–२ मा उठेका नेकपा (एकीकृत समाजवादी)का राजु गुरुङ उमेदवारी बदरविरुद्ध सर्वोच्चमा रिट लिएर पुगेका छन् ।
Advertisement
गुरुङको उमेदवारी फौजदारी मुद्दामा सजाय पाएको र तीन वर्ष नपुगेको आधार देखाएर बदर गरिएको थियो । उनले निर्वाचन आयोगमा उमेदवारी बदरविरुद्ध उजुरी पनि गरेका थिए । आयोगले बदरको निर्णय सदर गरेपछि उनी आयोगविरुद्ध सर्वोच्चमा रिट लिएर पुगेका हुन् ।
गुरुङलाई ०७८ पुस १२ मा चेक अनादरको मुद्दामा जिल्ला अदालत काठमाडौंबाट सजाय भएको थियो ।
