![](https://www.symnetwork.com/wp-content/uploads/2023/05/SHIVAM-AD-1.gif)
![](https://www.symnetwork.com/wp-content/uploads/2022/09/Sit-Badfat-Karyadal1662509426-1024x559.jpg)
![](https://www.symnetwork.com/wp-content/uploads/2024/01/KFC-ad.gif)
काठमाडौं । आउँदो मंसिर ४ गते हुने प्रदेशसभा र प्रतिनिधिसभा सदस्य निर्वाचनका लागि प्रत्यक्षतर्फ दलहरूले यही असोज २३ गते उमेदवारी दर्ता गराउनुपर्ने हुन्छ । १६५ प्रतिनिधिसभा सदस्य र ३३० प्रदेशसभा सदस्यका लागि कोजागत पूर्णिमाका दिन उमेदवारी दर्ता गराउनुपर्ने निर्वाचन आयोगको कार्यतालिका छ ।
Advertisement
![](https://www.symnetwork.com/wp-content/uploads/2023/11/11327200.gif)
![](https://www.symnetwork.com/wp-content/uploads/2023/05/B5AA0DF8-9A1C-49D0-AADF-7BA6264F1F8A.gif)
उमेदवारी दर्ता गराउनुपर्ने १२ दिन बाँकी रहँदा समेत दलहरूले उमेदवार ‘फाइनल’ गर्न सकेका छैनन् । विशेषगरी सत्ता गठबन्धनमा आबद्ध दलहरूले सिट बाँडफाँटको टुंगो लगाउन सकेका छैनन् ।
गठबन्धनमा रहेका दलहरू नेपाली कांग्रेस, नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी (जसपा) र राष्ट्रिय जनमोर्चाका नेताहरूबीच दिनहुँ छलफल भइरहेको छ । सहमति भएको छैन ।
![](https://www.symnetwork.com/wp-content/uploads/2024/01/wai-wai-ad.gif)
गठबन्धनभित्र सिट बाँडफाँटको टुंगो लगाउन गठित कार्यदलको बैठक अहिले बसिरहेको छ । प्रधानमन्त्रीको सरकारी निवास बालुवाटारमा बैठक बसेको हो । बैठक आज बिहान ११ बजेदेखि जारी रहेको माओवादी केन्द्रका अध्यक्ष पुष्पकमल दाहाल ‘प्रचण्ड’का स्वकीयसचिव रमेश मल्लले जानकारी दिए ।
दलहरूसामु बडादसैँअगावै सिटको भागबन्डा टुंगो लगाएर उमेदवार चयनको छलफल थाल्नुपर्ने दबाब छ । गठबन्धनमा प्रतिनिधिसभाका १६५ मध्ये अधिकतम सिटमा सहमति जुटिसकेको बताइएको छ । प्रदेशसभातर्फका ३३० सिटको बाँडफाँट विषयमा कार्यदलमा आइतबार र सोमबार छलफल गरेर त्यसबारेको विवरण शीर्ष नेताहरूलाई बुझाइएको छ ।
![](https://www.symnetwork.com/wp-content/uploads/2020/09/1588332472-2-63.gif)
![](https://www.symnetwork.com/wp-content/uploads/2020/09/1592292872-3-59.jpg)
![](https://www.symnetwork.com/wp-content/uploads/2020/09/bolero-61.gif)