निजी तथा आवासीय विद्यालय हरु को राष्ट्र संगठन ‘ नेसनल प्याब्सन ‘ ले यही मिति २०७७ पौष २५ गते २३ औँ वार्षिक उत्सवको उपलक्ष्यमा आगामी शिक्षा योजना र कोरोना बाट प्रभावित शिक्षा क्षेत्रलाई उकास्न बृहत गोष्ठी आयोजना गरेको छ।
सम्पूर्ण शिक्षा क्षेत्रमा संलग्न र रुचि राख्ने व्यक्तित्त्वलाई यस कार्यक्रम मा खुला निम्ता भएको नेसनल प्याब्सन का संचार विभाग प्रमुख राजन श्रेष्ठले जानकारी दिनुभयो।
Advertisement
आधिकारिक सूचना यस प्रकार रहेको छ:
आदरणीय सर तथा म्याडमज्युहरु, नमस्कार । यही मिति २०७७ पाैष २५ गते शनिबार, बिहान ११ बजे रोयल ब्यानक्वेट, तिनकुनेमा नेसनल प्याब्सन को २३ औं स्थापना दिवसको अवसरमा नेसनल प्याब्सन काठमाडौँ जिल्ला समितिको पहलमा प्याब्सन र हिसान लगायतका शैक्षिक संगठनका नेताहरु साथै विज्ञहरु, शिक्षाविद् तथा सरोकारवालाहरुसमेतको उपस्थितिमा, विभिन्न तह र तप्काका जनप्रतिनिधिहरूको आतिथ्यतामा साथै माननिय शिक्षा मन्त्रि कृष्णगोपाल श्रेष्ठको प्रमुख आतिथ्यतामा हुन गइहेको: “कोभिड-१९ महामारी पछिको विधालय संचालन, नयाँ पाठ्यक्रमको सम्भाव्यता र शैक्षिक सत्रको निर्क्योल” विषयक अन्तरक्रिया कार्यक्रममा सम्पुर्ण प्रिन्सिपल , विधालय संचालकहरू तथा शिक्षाप्रेमीहरू अनिवार्य सहभागी भएर कार्यक्रम सफल बनाउन सहयोग गर्नुहुन हार्दिक अनुरोध गर्दछु।
राजन श्रेष्ठ संचार विभाग प्रमुख, नेसनल प्याब्सन काठमाडौँ जिल्ला समिति
