![](https://www.symnetwork.com/wp-content/uploads/2023/05/SHIVAM-AD-1.gif)
![](https://www.symnetwork.com/wp-content/uploads/2023/04/202304181825-824d17d0-a4ad-484b-83d9-c345fa1a989d_medium-1.jpg)
![](https://www.symnetwork.com/wp-content/uploads/2024/01/KFC-ad.gif)
नेपाली कांग्रेसकी नेत्री एवं सांसद डा आरजु राणा देउवाले धनगढीको प्रसिद्ध बेहँडाबाबा धामको विकासका बारेमा छलफल गरिरहेको बताउनुभएको छ ।
Advertisement
![](https://www.symnetwork.com/wp-content/uploads/2023/11/11327200.gif)
![](https://www.symnetwork.com/wp-content/uploads/2023/05/B5AA0DF8-9A1C-49D0-AADF-7BA6264F1F8A.gif)
धनगढी उपमहानगरपालिका–१६ रामपुरमा रहेको बेहँडाबाबा धाम परिसरमा निर्माण भएका विभिन्न संरचनाको आज उद्घाटन गर्नुहुँदै कांग्रेसकी उहाँले यस क्षेत्रको प्रसिद्ध धामको विकास र विस्तारका बारेमा सुदूरपश्चिममा सोमबार सम्पन्न नेपाल–भारत मानसखण्ड सम्मेलनमा पनि छलफल भएको जानकारी दिनुभयो ।
नेत्री डा राणाले मुलुकमा अर्थतन्त्रको विकासका लागि धर्म संस्कृतिको प्रवर्द्धन गरी धार्मिक पर्यटनमा जोड दिनुपर्ने धारणा पनि राख्नुभयो । “देवभूमि सुदूरपश्चिम र भारतमा थुप्रै मठमन्दिर छन्” उहाँले भन्नुभयो, “प्राचीन धर्म संस्कृति कसरी चलिरहेको छ र यसलाई कसरी बलियो बनाउने भन्ने विषयमा पनि सम्मेलनमा चर्चा भयो ।”
गङ्गा दशहराका दिन यो मन्दिरमा लाग्ने मेलामा भारतबाट ठूलो सङ्ख्यामा आउने भक्तजन भगवान्को दर्शन तथा पूजा गरी फर्किन्छन् । सीमापारि भारतको उत्तर प्रदेशबाट आउने नागरिकले आफ्नो कुलदेवताका रूपमा बेहँडाबाबालाई पुज्ने गर्छन् ।
![](https://www.symnetwork.com/wp-content/uploads/2024/01/wai-wai-ad.gif)
यो धामको विकासका लागि प्रदेश सरकार र धनगढी उपमहानगरपालिका कार्यालयले सक्दो बजेट विनियोजन गर्ने विश्वास उहाँले व्यक्त गर्नुभयो ।
उपमहानगरपालिका कार्यालय र सहरी सघन विकास आयोजनाको झण्डै रु तीन करोड ३३ लाखको लागतमा यो धाम परिसरमा पर्खाल, १२÷१३ वटा चौतारो निर्माण र नजिकैको गङ्गामाताको तालसम्म पुग्ने सडकको ट्र्याक निर्माण कार्य गरिएको छ ।
नेत्री डा राणाले आजै धनगढी उपमहानगरपालिका–८ मा सञ्चालित धनगढी नमूना प्राविधिक विद्यालय (भाषा पाठशाला) को नवनिर्मित भवनको शिला अनावरण गरी उद्घाटन गर्नुभयो ।
सो अवसरमा उहाँले विद्यालयले गरेको प्रगतिको प्रशंसा गर्दै आवश्यक थप पूर्वाधार जुटाउन सक्दो पहल गर्ने बताउनुभयो ।
विद्यालयका प्रध्यानाध्यापक लक्ष्मणदत्त भट्टले विद्यालयका समस्या र प्रगतिका बारेमा प्रकाश पार्नुभएको थियो ।
नेपाल सरकार र धनगढी उपमहानगरपालिकाको करिब रु छ करोड आठ लाख २० हजारको लागतमा निर्मित तीन तले उक्त भवनमा ३६ कोठा छन् । कक्षा कोठाको अभावको समस्या झेलिरहेको यो विद्यालयमा नयाँ भवन निर्माणपछि पठनपाठन सहज हुने देखिएको छ ।
विद्यालयमा कक्षा १ देखि १२ सम्म नेपाली, अङ्ग्रेजी र सिभिल इन्जनीयरिङ विषयमा पठनपाठन हुन्छ । तत्कालीन समयमा भाषा पाठशालाको नामबाट विसं २००४ मा स्थापना भएको यो विद्यालय सम्भवतः कैलालीको पहिलो विद्यालय हो ।
विसं २०७४ मा नेपाल सरकारबाट नमूना प्राविधिक विद्यालयका रूपमा छनोटमा परेको यो विद्यालयमा हाल एक हजार सात सय १४ छात्र छात्रा अध्ययनरत छन् । उपमहानगरपालिमा सरकारी लगानीमा प्राविधिक विषयमा पठनपाठन हुने यो विद्यालय पहिलो हो ।
समारोहमा प्रतिनिधिसभा सदस्य डिल्लीराज पन्त, प्रदेशका भौतिक पूर्वाधार विकासमन्त्री प्रकाशबहादुर देउवा र धनगढी उपमहानगरपालिका प्रमुख गोपाल हमालको उपस्थिति थियो ।
![](https://www.symnetwork.com/wp-content/uploads/2020/09/1588332472-2-63.gif)
![](https://www.symnetwork.com/wp-content/uploads/2020/09/1592292872-3-59.jpg)
![](https://www.symnetwork.com/wp-content/uploads/2020/09/bolero-61.gif)