साभार: रातोपाटी
काठमाडौं । राजश्व छलि प्रकरणमा २ जना विरुद्ध २३ करोडको मुद्दा चलाइएको छ । राजश्व अनुसन्धान विभागले नक्कली भ्याट बिल प्रयोग गरी राजश्व चुहावट गर्ने मनिष ट्रेडिङ कन्सर्नकी किशोरी यादव र सहारा एण्ड खातुन ट्रेडर्सका करिवन खातुनविरुद्ध पाटन उच्च अदालतमा मुद्दा दायर गरेको हो ।
ललितपुर महालक्ष्मी नगरपालिकास्थित मनिष ट्रेडिङ कन्सर्नकी किशोरी यादव र अरु ३ जनाले कमजोर आर्थिक अवस्था भएका व्यक्तिको नाममा फर्म दर्ता गरी एउटा वस्तु तथा सेवाको आयात तथा खरिद देखाएर अर्कै वस्तुको बिल जारी गरेर भ्याट र आयकरको दुरुपयोग गरेको विभागले आरोप लगाएको छ ।
Advertisement
उनीहरुमाथि १३ करोड २५ लाख ८८ हजार रुपैंया बिगो सोही बराबरको जरिवानासहित कैद सजाय मागदाबी कायम गरिएको छ । त्यस्तै, बारास्थित सहारा एण्ड खातुन ट्रेडर्सका खातुनले नक्कली भ्याट बिल र आयकर समेत अपचलन गरेको भन्दै ९ करोड ९६ लाख ५४ हजार बिगोसहित जरिवाना र कैद सजायको समेत माग गरिएको राजश्व अनुसन्धान विभागले जनाएको छ ।
राजश्व छलि र विदेशी विनिमय अपचलनविरुद्ध अनुसन्धान र कारबाही गर्ने जिम्मेवारी पाएको विभागले चाडबाडको समयमा हुनसक्ने राजश्व अपचलनसम्बन्धी अनुसन्धान गरेर संलग्नविरुद्ध कारबाही अघि बढाएको जनाएको छ ।
