काठमाडौं । नेपाली क्रिकेट टोलीले जिम्बाब्वे ‘ए’विरुद्धको दोस्रो ट्वान्टी–२० क्रिकेटमा आज पहिला फिल्डिङ गर्ने भएको छ ।
Advertisement
कीर्तिपुरस्थित त्रिवि क्रिकेट मैदानमा भइरहेको खेलमा नेपालका कप्तान सन्दीप लामिछानेले टस जितेर फिल्डिङ गर्ने निर्णय गरेका थिए । नेपालले आजको खेलमा खेलाडी परिवर्तन गरेको छ । नेपालले आरिफको स्थानमा भीम सार्कीलाई मौका दिएको छ ।
पहिलो खेलमा ६ विकेटले पराजित भएकाले तीन खेलको ट्वान्टी–२० शृंखला जोगाउन नेपाललाई आज जित्नै पर्ने दबाब छ । पाहुना टोली जिम्बाब्वेले आजको खेल जिते २–० को अग्रतासँगैउपाधिसमेत जित्नेछ ।
आजको खेलका लागि नेपाली टोलीमासन्दीप लामिछाने (कप्तान), आसिफ शेख, रोहितकुमार पौडेल, दीपेन्द्रसिंह ऐरी, आदील आलम, करण केसी, सोमपाल कामी, कुशल भुर्तेल, अभिनाश बोहरा, बासिर अहमद, भीम सार्की रहेका छन् ।
