काठमाडौँ — सहिद स्मारक लिग ए डिभिजन ०७८ को दशरथ रंगशालामा शनिबार भएको खेलमा थ्री स्टार र एनआरटीले गोलरहित बराबरी खेलेका छन् । यो नतिजाले दुवै टिमलाई घाटा हुनेछ, तर सबैभन्दा बढी चोट थ्री स्टारलाई परेको छ ।
Advertisement
थ्री स्टारको यो लगातार तेस्रो बराबरी हो, त्यसमध्ये यो लगातार दोस्रो गोलरहित बराबरी रहेको छ । प्रतियोगिता अगाडि उपाधिको प्रत्यासी मानिएको थ्री स्टार छ अंकमा पाँचौं स्थानमा छ र शीर्ष स्थानमा रहेको मनाङ मर्स्याङ्दीभन्दा सात अंकले पछाडि परिसकेको छ ।
एनआरटी पनि छ अंकमै रह्यो र सातौं स्थानमा उक्लिन सफल रह्यो । एनआरटी भने उद्घाटन खेलमा पराजित भएयता त्यसपछाडिका चार खेलमा अपराजित छ ।
