राजनीति

काठमाडौं । जनता समाजवादी पार्टी (जसपा)का अध्यक्ष उपेन्द्र यादवले राष्ट्रपतिले नागरिकता विधेयक फिर्ता पठाएर गल्ती गरेको कुरा संसद्ले सावित गरेको टिप्पणी गरेका छन् । बिहीबार संसद्बाट नागरिकता विधेयक पारित भएपछि संसद् भवन बाहिर सञ्चारर्कमीसँगको कुराकानी क्रममा उनले नेपाली नागरिकलाई नागरिकताविहीन बनाएर राख्नुहुन्न भन्ने सन्देश गएको बताए । राष्ट्रिय जनमोर्चाकी सांसद दुर्गा पौडेलले राष्ट्रपतिले पुर्नविचारका लागि पठाइएको विसधेयकलाई हुबहु पारित गर्नु उचित नभएको बताइन् । ...

काठमाडौं । प्रतिनिधिसभाबाट नागरिकता विधेयक पारित भएको छ । पुनर्विचारका लागि राष्ट्रपतिले फिर्ता पठाएको विधेयक प्रतिनिधिसभाको बहुमतबाट पारित भएको हो । एमाएलेले माग गरेपछि मत विभाजनमा गएको थियो । विधेयकको पक्षमा १३५ र विपक्षमा ६० जनाले मतदान गरे ।

काठमाडौं । नेपाल स्वतन्त्र पार्टीका सभापति रवि लामिछानेले प्रदेश संरचनामा समस्या रहेकाले आफूहरूले प्रदेशसभाका लागि उमेदवारी नदिने घोषणा गरेको बताएका छन् । बिहीबार केन्द्रीय कार्यालयमा पत्रकार सम्मेलन गरेर लामिछानेले आफूहरू व्यवस्थाको विरोधी नरहेको तर प्रदेशमा समस्या देखिएकाले उमेदवारी नदिने निर्णय गरेको बताए ।  "हामी अहिले प्रदेशसभाको निर्वाचनमा सहभागी हुँदैनौँ । यसमा समस्या छ भनेर बहस सुरु गरेका हौँ । हामी व्यवस्थाको विरोधी होइनौँ," सभापति लामिछानेले भने । ...

काठमडौं । सत्तासाझेदार दल नेकपा (माओवादी केन्द्र) स्थायी कमिटीको बैठकको समय फेरि सारिएको छ । आज अपराह्न ४ बजेका लागि बोलाइएको बैठक साँझ ६ बजे बस्ने गरी सारिएको हो । यसअघि, आजै बिहान ९ बजे बस्ने भनिएको बैठक अपराह्न ४ बजेका लागि सारिएको थियो । शीर्ष नेताहरू व्यस्त रहेको भन्दै बैठक सारिएको थियो । अहिले प्रतिनिधिसभामा नागरिकता विधेयकमाथि छलफल भइरहेको र आजै पारित गर्ने तयारी भएकाले पुनः पार्टी बैठकको समय सारिएको बताइएको छ । साँझ ६ बजेका लागि बोलाइएको बैठक पनि संसद् बैठकका कारण बस्ने सम्भावना कम रहेको एक नेताले बताए । यो बैठकबाट पदाधिकारी टुंगो लगाउने तयारी छ । ...

काठमाडौं । प्रमुख प्रतिपक्ष दल नेकपा (एमाले)का सांसद झपट रावलले नागरिकता विधयेक जस्ताको त्यस्तै पारित गरेर राष्ट्रघात गर्न लागिएको आरोप लगाएका छन् । बिहीबार प्रतिनिधिसभा बैठकमा सो विधेयकमाथिको छलफलका क्रममा उनले तत्कालीन नेकपामा रहेका नेताहरूले सातवर्षे प्रावधान मानेको भन्दै अहिले ती नेता ‘कहाँ छन् ?’ भनी प्रश्न गरे । “आज मुलुकमाथि राष्ट्रघात हुँदै छ । इतिहासले तपाईंलाई सराप्नेछ । नेपाल आमाको आँसुले धिक्कार्नेछ,” उनले भने । उनले नागरिकता विधेयकका सम्बन्धमा राष्ट्रपति विद्यादेवी भण्डारीले सोधेको प्रश्न मनन गर्न आग्रह गरे । ‘राष्ट्रपतिको पत्र निबन्ध’ भन्ने सांसदहरूलाई उनको सन्देश अक्षरशः पढ्न पनि आग्रह गरे । ...

काठमाडौं । नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'ले आफू र डा. बाबुराम भट्टराई एक ठाउँमा उभिएको बताएका छन् ।  मंगलबार पेरिसडाँडामा पत्रकारसँगको संक्षिप्त कुराकानीका क्रममा उनले आफू र बाबुराम सँगै उभिने कुराको धेरै अर्थ रहेको पनि बताए ।  "बाबुराम र प्रचण्ड सँगै उभिनेको कुरा धेरै ठुलो अर्थ छ । अब हामी उभियौँ । कसैले रोकेर रोकिँदैन । यद्यपि अहिले नै पार्टी एकता भएको त छैन । तर चुनावपछि एउटै केन्द्र बनाउने सहमति भएको छ," उनले भने । ...

काठमाडौं । नेपाल समाजवादी पार्टी (नेसपा) का अध्यक्ष डा. बाबुराम भट्टराईले चुनावी प्रयोजनका लागि मात्रै नेकपा (माओवादी केन्द्र)सँग एकल चुनाव चिह्नमा जाने सहमति भएको बताएका छन् । मंगलबार माओवादीका अध्यक्ष पुष्पकमल दाहाल 'प्रचण्ड', माओवादीका वरिष्ठ उपाध्यक्ष नारायणकाजी श्रेष्ठ र नेसपाका अर्का अध्यक्ष महेन्द्र यादवसँगको छलफलपछि उनले चुनावी तालमेल मात्र भएको बताएका हुन् ।  “तत्काल चुनावी प्रयोजनका निम्ति मात्रै हो । हाम्रो लक्ष्य चाहिँ नेपालमा जुन ढंगको अग्रगामी परिवर्तनको एजेन्डा बाँकी छन्, त्यसलाई पूरा गर्नका निम्ति हामी एक्लाएक्लै भन्दा पनि मिलेर र नयाँ आधारमा एकताबद्ध भएर जानु अहिलेको ऐतिहासिक आवश्यकता भएकाले त्यो दिशातिर पनि उन्मुख हुने हिसाबले लिएका छौँ,” उनले भने ।  त्यस्तै उनले आगामी दिनमा भने अग्रगामी शक्तिहरूबीच ध्रुवीकरण गरेर जाने पनि बताए ।  ...

काठमाडौं । लोकतान्त्रिक समाजावादी पार्टी (लोसपा)का सांसद लक्ष्मणलाल कर्णले संविधानले अधिकार दियो भन्दैमा राष्ट्रपतिले जे पनि गर्न नहुने बताएका छन् । मंगलबार प्रतिनिधिसभाको बैठकपछि संसद् भवन बाहिर सञ्चारकर्मीसँगको कुराकानीमा देशमा सात लाख नागरिक नागरिकताविहीन रहेको बताए । उनले नागरिकता विधेयकलाई एकदिन पनि रोक्न नहुने बताए । नागरिकता विधेयक फिर्ता पठाएर राष्ट्रपतिले संवेदनहीन काम गरेको उनको आरोप छ ।  एमालेका सांसद खगराज अधिकारीले राष्ट्रपतिबाट फिर्ता आएको नागरिकता विधेयकमा राष्ट्रिय सहमति बनाएर अगाडि बढ्नुपर्ने बताए । उनले राजनीतिक दलहरू राष्ट्रपति संस्थाप्रति आक्रामक हुनु भनेको लोकतन्त्रमाथि प्रहार भएको बताए । ...

काठमाडौं । नेपाली कांग्रेसले निर्वाचन प्रयोजनका लागि दल दर्ताको निवेदन दिएको छ । उपसभापति धनराज गुरुङसहितका नेताहरू दर्ताको निवेदन दिन निर्वाचन आयोग पुगेका थिए ।  दर्ताको निवेदन दिएपछि उपसभापति गुरुङ कसैलाई घेराबन्दी गर्न गठबन्धन नगरिएको बताए । गठबन्धनमा छलफल गरेर नै सिट बाँडफाँट गरिने उनको भनाइ छ । त्यसैगरी उनले सत्ता गठबन्धनका पाँच दलभित्रका दलको चुनाव चिह्न अरू कसैले लिएमा त्यसले भागबन्डामा असर नपर्ने पनि बताए । प्रतिनिधिसभा र प्रदेशसभाको निर्वाचन मंसिर ४ गते हुँदै छ । ...

काठमाडौं । राष्ट्रिय प्रजातन्त्र पार्टी (राप्रपा)नेपालले भदौ अन्तिम हप्तादेखि ‘मेची महाकाली राष्ट्रिय स्वाभिमान यात्रा’ गर्ने भएको छ । पार्टीको सोमबार र मंगबार बसेको केन्द्रीय समिति बैठकले पार्टी अध्यक्ष कमल थापाको अध्यक्षतामा केन्द्रीय निर्वाचन परिचालन समिति गठन गर्ने निर्णय पनि गरेको छ । अध्यक्ष थापाकै संयोजकत्वमा निर्वाचन घोषणापत्र तयारी समिति गठन गर्ने निर्णय बैठकले गरेको छ ।  बैठकले मंसिर ४ मा हुने प्रदेश र प्रतिनिधिसभा निर्वाचनका लागि पार्टीलाई बलियो बनाउन भदौ मसान्तभित्र सबै पालिकाका वडाहरूमा पार्टी इकाई समितिहरू गठन गर्ने, कात्तिकको १५ भित्र सबै निर्वाचन बुथमा ‘बुथ कमिटी’ गठन गर्ने, भदौ मसान्तभित्र सम्बन्धित तहका अध्यक्षको अध्यक्षतामा निर्वाचन परिचालन समिति गठन गर्ने निर्णय पनि गरेको महामन्त्री राजाराम बर्तौलाले जानकारी दिए । ...